blaðið - 21.01.2006, Blaðsíða 14

blaöid
Útgáfufélag: Ár og dagur ehf.
Stjórnarformaður: Sigurður G. Guðjónsson.
Ritstjóri: Karl Garðarsson.
SKEMMDARVERK A
SUÐURLANDI
Blaðið hefur að undanförnu fjallað um ótrúlegar fyrirætlanir
á Suðurlandi. Þar hefur í nokkurn tíma tíðkast malarnám úr
hlíðum Ingólfsfjalls með þeim afleiðingum að sárin blasa við
þúsundum vegfarenda sem aka milli Hveragerðis og Selfoss dag hvern.
Byrjað var neðarlega í fjallinu en síðan fóru stórvirkar vinnuvélar að
færa sig upp á skaftið og voru komnar upp í miðjar hlíðar þar sem möl
var rutt niður og stórir vörubílar tóku við. Eitt af fegurri fjöllum lands-
ins er flak eitt eftir malarnám síðustu ára og það sem meira er - þetta
er bara byrjunin. Samkvæmt skýrslu sem hefur verið birt er ráðgert að
taka tvær milljónir rúmmetra ofan af fjallinu á næstu árum og mun það
lækka um 80 metra við aðfarirnar. Sárin sem nú blasa við vegfarendum
á þjóðvegi 1 eru aðeins byrjunin - verkið er rétt að byrja.
Flestir hefðu búist við háværum mótmælum náttúruverndarsinna, að
ekki sé nú talað um íbúa og sveitarstjórnarmenn á svæðinu. Þögnin
ein hefur hins vegar ríkt um þetta mál. Sveitarstjórnarmenn á svæðinu
þögðu þunnu hljóði þegar Blaðið leitaði álits þeirra á þeim skemmdar-
verkum sem þarna er verið að vinna - því skemmdarverk eru þetta svo
sannarlega. Lítið hefur borið á gagnrýni frá íbúum og enginn náttúru-
verndarsinni hefur tjaldað við rætur fjallsins yfir sumartímann til að
mótmæla verknaðinum. Sennilega eru þeir uppteknir uppi á öræfum.
Mörður Árnason ritaði ágæta grein um þetta mál á heimasíðu sinni fyrir
nokkrum dögum og var yfirskriftin „Villimennska á Ingólfsfjalli." Þar
segir hann meðal annars orðrétt:
„Maður trúir því ekki fyrr en tekið er á að nágrannar námunnar í sveitar-
félaginu Árborg og i Hveragerði - og um allt Suðurland - láti verktaka-
fyrirtæki Fossvélar komast upp með þetta. Sveitarstjórn Þorlákshafnar
er hins vegar alsæl og sátt við námuna, enda sjást spjöllin varla þaðan þó
fjallið sé formlega í landi sveitarfélagsins Ölfuss."
Það er óhætt að taka undir með Merði. Það er hneyksli að þetta skuli
vera leyft. Auðvitað þarf að finna möl til að leggja vegi og annað þess
háttar en það er engin afsökun fyrir því að valinn sé staður í nokkurra
metra fjarlægð frá fjölfarnasta þjóðvegi landsins. Þetta er ekkert annað
en villimennska eins og Mörður Árnason segir. Hingað og ekki lengra.
Auglýsingastjóri: Steinn Kári Ragnarsson. Ritstjórn & auglýsingar: Bæjarlind 14-16,201 Kópavogur.
Aðalsími: 510 3700. Símbréf á fréttadeild: 510.3701. Símbréfá auglýsingadeild: 510.3711.
Netföng: vbl@vbl.is, frettir@vbl.is, auglysingar@vbl.is.
Prentun: Prentsmiðja Morgunblaðsins. Dreifing: Morgunblaðið.
"Þetta námskeið hjálpaði mér að
rúmlega fjórfalda leshraða minn."
Kristján Ó. Davíðsson 18 ára nemi í VÍ.
"Ég hef margfaldað lestrarhraða minn."
Monika Freysteinsdóttir, 22 ára Háskólanemi.
Hvað segja nemendur okkar um námskeiðið:
Nytsamlegt, áhugavert, krefjandi, skemmtilegt, mjög gott, þægilegt, lipurð,
skipulagning, einbeiting, jákvæðni, mikil aðstoð, góður kennari, spenn-
andi, árangursrlkt, hvetjandi, góð þjónusta, frábært, markvisst, hnitmiðað.
....næsta námskeið 15. febrúar
SELFOSS - 25. janúar
Skráning hafin á www.h.is og í síma 586-9400
I IR^kÐLESTRARSKÓLINN
14 I ÁLZT
LAUGARDAGUR 21. JANÚAR 2006 ! blaöió
Vw tu 5/ut Hj4 téR. USTifiií m y
Mjinu SoLuLE’Giti Niífj/r tFt/r as> lfiÞ c
fEKGUftl (Cv'E’NGóLií TiL Hf> 5ftEV#| MíUN Mö>
tHANlEOBSUSTj SJÍlFSm>ÍSl:L,Klí','í5
I GAftPA'2**6
Einkennilegt lýðræði
prófkjörsins
Allir þekkja frasann um það að próf-
kjör séu lýðræðisleg aðferð við að
raða á framboðslista. Einu sinni var
ég staðfastlega þeirrar skoðunar en
nú er ég ekki lengur svo viss. Próf-
kjör Sjálfstæðisflokksins í Garðabæ
og viðbrögð við því sýna glöggt
hversu gölluð þessi aðferð er. Karlar
röðuðu sér í efstu sæti og konur
voru settar til hliðar. Lýðræðisást
kjósenda í þessum fína bæ virðist
takmarkast við völd annars kyns-
ins. Niðurstaðan var einfaldlega
sú að karlmenn ættu að stjórna í
Garðabæ.
Fín kosning?
Þetta voru vægast sagt vandræðaleg
úrslit sem fáir virtust fagna, nema
þá helst karlarnir fjórir sem röðuðu
sér í efstu sætin. Þeim barst reyndar
stuðningur úr herbúðum ungra
sjálfstæðismanna sem sögðu listann
vera sigurstranglegan. Þá minnist
maður allra þeirra furðulegu álykt-
ana sem komið hafa frá ungum
sjálfstæðismönnum á liðnum árum,
en ekki verður beinlínis sagt að
þar hafi skynsemi ætíð verið sett í
forgrunn. Þetta er sennilega ekki
glórulausasta ályktun sem komið
hefur frá þeim félagsskap, en vitlaus
er hún samt.
Einnig stigu fram á svið nokkrar
sjálfstæðiskonur sem héldu þvi
fram að konurnar sem buðu sig
fram gegn körlunum hefðu hlotið
fína kosningu. Sjálfsagt er slíkt skil-
greiningaratriði. Ég geri reyndar
ráð fyrir að konurnar hafi boðið sig
fram til að komast í örugg sæti. Þær
sitja hins vegar eftir, valdalausar. Ég
sé ekki alveg að það sé „fín“ kosn-
ing. Eða hafa konur í Garðabæ ekki
metnað á við karla? Sagt er að karl-
arnir fjórir séu úrvals stjórnmála-
menn. Ég ætla ekki að bera brigður á
Kolbrún Bergþórsdóttir
það. Mér finnst hins vegar skrýtið ef
engin kona í Garðabæ stenst saman-
burð við þá.
Á að breyta úrslitum?
Það ætti að blasa við hverjum
manni að listinn i Garðabæ er
ótækur. Lausnin virðist vera sú að
hrófla við honum. En þá standa
menn frammi fyrir öðrum vanda.
Kosningin í Garðabæ var lýðræðis-
leg, vilji kjósenda réði úrslitunum.
Ef menn breyta listanum þá eru þeir
að ómerkja lýðræðislega kosningu
vegna þess að úrslitin voru þeim
ekki að skapi. Slíkt virðist eiga sára-
lítið skylt við lýðræði. Menn geta
vissulega verið ósáttir við úrslit og
í Garðabæjarkosningunni er sannar-
lega ástæða til en leikreglum verður
ekki svo auðveldlega breytt eftir á.
Hins vegar sýnir karlakosningin að
þörf er á reglum um kynjahlutfall.
Ekki er þar með sagt að þær þurfi að
vera strangar og byggja á helminga-
skiptum en eitthvert viðmið mætti
hafa svo annað kynið einoki ekki
framboðslista. Þjóðfélagið saman-
stendur af konum og karlmönnum
sem eiga að vinna saman.
Sjálfsagt er besta leiðin í stöðunni
að tveir af karlmönnunum fjórum
víki fyrir konum, samkvæmt kurt-
eisisreglunni góðu: Damerne först.
Sjálfsagt hafa þeir lagt út í mikinn
kostnað vegna prófkjörsins og vissu-
lega er súrt að vinna í prófkjöri en
þurfa samt að tapa. Vænlegri leið en
þessi virðist samt ekki i boði. Ekki
er samt sjálfgefið, og ekki sjálfsagt,
að sigurvegararnir í prófkjörinu
sýni af sér slíka göfgi.
Ekki ætla ég að velta mér upp úr
pólitískum vanda Garðabæjar sem
mér virðist vera ansi skringilegur
bær. Ég horfi til annarra prófkjöra
af nokkurri forvitni. Mér er sagt að
Garðabær hafi alltaf verið sérlega
karlvænt bæjarfélag og ólíklegt sé að
konur fái sömu útreið annars staðar
og þær fengu þar. Maður getur samt
aldrei verið viss.
höfundur er blaðamaður
Klippt & skorið
klipptógskorid@vbl.is
Vangaveltur I
eru uppum !
að Dagur
B. Eggertsson muni HK—
ekki taka annað H%.'
sætið á lista Sam- HL—J
fylkingar fari svo
að hann tapi fyrir
annað hvort Stefáni Jóni eða Steinunni Valdísi
I prófkjörinu f byrjun næsta mánaðar. Sama
saga gengur um Steinunní Valdísi - að það sé
fyrsta sætið eða ekkert. Stefán Jón mun hins
vegar ekki vera að velta eitthverju slíku fyrir
sér - hann ætlar að taka örlögum sínum, hver
sem þau verða.
Peir sem fylgjast með viðskiptalffinu
taka eftir því að nýrri stjörnu hefur
skotið upp á himinn stjórnarmanna.
Sú heitir Lilja Dóra
Halldórsdóttir Guð-
bjarnarsonar, fyrrum
bankastjóra Útvegs-
og Landsbanka og
nú Vfsa forstjóri. Lilja
Dóra er þegar komin
í stjórn Dagsbrúnar
Jóns Ásgeirs og Sam-
skipa Ólafs Ólafssonar. Vonandi hafa þessir
ágætu herramenn valið Lilju Dóru vegna verð-
leika hennar en ekki til þess að reyna að skapa
sér gott veður hjá Fjármálaeftirlitinu, sem
stýrt er af eiginmanni hennar, Jónasi Friðriki
Jónssyni Magnússonar, lögmanns 365 miðla
og lögmanni neytenda.
Talandi um Jón Ásgeir þá er fyllsta
ástæða til að hrósa honum og Baugi
fyrir gott uppgjör sem birt var (gær.
Hagnaður Baugs nam 28 milljörðum á sfðasta
ári og hlýtur það að teljast dágóð afkoma. Jón
Ásgeir hefur orð á sér fyrir að vera fundvís á
góðar fjárfestingar og það er Ijóst að hann
hefur dottið í lukkupottinn á síðasta ári. Til
marks um stærð Baugs þá er það athyglisvert
að (eigu fyrirtækja Baugs eru 3.500 verslanir