blaðið - 21.01.2006, Blaðsíða 25

blaðið LAUGARDAGUR 21. JANÚAR 2006
l 25
99............................................................
Ég hefaldrei skipt mér afneinu sem hefur verið skrifað um mig nema það sé
hrein og klár lygi. Fréttin „Bubbi er fallinn" var lygi sem skaðaði mig, hefði
getað haft áhrifá lífsafkomu mína og var mikið áfall fyrir aðstandendur."
Er þetta yfirskilvitlegur hœfileiki?
„Ég veit það ekki. Þetta gæti jafn-
vel verið fötlun en þá er þetta kær-
komin fötlun því hún auðgar líf mitt.
Það er þvílíkt gaman að þessu.“
Þú hefurgengið miklaþroskaleið í líf-
inu af ekkiýkja gömlum manni. Ertu
í eðlinu sá sami eða ertu breyttur
maður?
„Ég er ekki sami maður og ég var
fyrir ári. Þeir sem segja að þeir séu
sami maður og fyrir tuttugu árum
skynja ekki lífið og vita ekki hvað
það er. Við erum á stöðugri hreyf-
ingu, í stöðugri endurnýjun, bæði
líkami og hugur, þannig að það er
ekki fræðilegur möguleiki að ég
sé sá sami og ég var fyrir ári síðan.
Þess vegna er ég svo óhræddur við
að segja: }á, ég hafði þessa skoðun
fyrir hálfu ári en núna hef ég allt
aðra skoðun
Sem ungur maður var ég harður
anarkisti en ég dag er ég hægri krati.
Smekkurinn hefur líka breyst. Oft
þegar ég ætla mér að horfa á gamla
bíómynd, sem mér fannst frábær
fyrir tíu árum síðan, þá virkar hún
ekki. Myndirnar sem virka ennþá
eru gamlar svarthvítar myndir með
Cary Grant sem ég horfði á sem
krakki og elska ennþá. Mér finnst
Marlene Dietrich líka alltaf jafn
falleg."
Á tímabili varstu í drykkju og dóp-
neyslu. Varstu einhvern tíma kom-
inn aðþvíað deyja.
„Nei, ég held ég hafi ekki verið ná-
lægt því að deyja. Ég er lífsþyrstur
maður. Ég var í daglegri neyslu í
17 ár og komst út úr henni. Ég þarf
ekki lengur að vera í þeirri skotgröf
en það er ekki fræðilegur möguleiki
að ég geti yfirgefið þann vígvöll. Ég
er alkohólisti og með mein sem ég
get ekki fengið frelsi frá nema vegna
andlegrar vakningar. Eflaust er ég
heppinn því frá 1980 hef ég ekki tölu
á þeim vinum og kunningjum sem
eru látnir.“
Rétttrúnaður of fyrirferðarmikill
Nú kvartar fólk, sem vill hafa þig á
ákveðinn hátt, undan því að þú sért
búinn að láta af róttœkni ogsért orð-
inn peningahyggjumaður.
„Dr. Gunni var að kvarta undan
því um daginn að ég keyrði um
á jeppa og hefði fengið fyrirfram-
greiðslu út á höfundarrétt minn
hjá Sjóvá. Ef hann hefur hlustað á
plöturnar mínar gegnum árin þá
ætti hann að hafa tekið eftir því að
ég er eini núlifandi tónlistarmaður-
inn sem syngur um samfélagsleg
vandamál og pólitík. Ekki er lengra
en vika síðan ég samdi lag um fárið í
kringum DV. Fyrir nokkrum vikum
söng ég í Háskólabíó um Baugsmiðla-
stríðið og græðgisvæðinguna. Ég
held að menn sem væla svona viti
ekki hvað þeir eru að tala um. Þetta
er fólk sem hefur ekki hæfileika til
að þroskast og breytast og þegar það
uppgötvar að eitthvað er að en getur
ekki skilgreint vandamál sitt þá
gerir það mig að vandamáli."
Þú ert óhrœddur við að segja skoð-
anir þínar. Finnst þér of mikið um
rétttrúnað íþjóðfélaginu?
„Við búum í þjóðfélagi þar sem
of mikið ber á rétttrúnaði. Tökum
dæmi. Biskup sagði að kirkjan þyrfi
aðlögunartíma gagnvart samkyn-
hneigðum. Þýðir það að hann sé
fullur af fordómum? Nei. Viðbrögð
samkynhneigðra sýna hins vegar
að þeir eru fullir af fordómum gagn-
vart biskupi. Má biskup ekki vera á
annarri skoðun en þeir? Ef ég væri
mótfallinn því að samkynhneigðir
fengju að ganga í hjónaband væri ég
þá fordómafullur? Nei, ég væri bara
á annarri skoðun en margir aðrir og
hefði fullan rétt til þess. Við eigum
að fara varlega í að útmála fólk sem
er fullt af fordómum vegna þess að
það hefur aðra skoðun en við. Orð
biskups koma fordómum ekkert við.
Þetta segir ég, sem hef fullan skiln-
ing á baráttu samkynhneigðra og
hef mikla samúð með þeim, sem og
öllum þeim sem ekki búa við sömu
kjör og aðrir i þjóðfélaginu. En rétt-
trúnaður er orðinn ansi fyrirferðar-
mikill, því miður.“
Lygi og umfjöllun
Þú hefur mikið fjallað um einkalíf
þitt í textum þínum. Ertu þá ekki um
leið að gefa fjölmiðlum leyfi til að
fjalla um sjálfan þig og einkalífþitt?
„í tuttugu og fimm ár hef ég ekki
skipt mér af umfjöllun um sjálfan
mig. Ég hafði engin orð um það
þegar birt var forsíðufrétt með fyrir-
sögninni: „Eiginkona Bubba hélt
framhjá honum". Ég hringdi ekki
í DV og kvartaði undan því þegar
forsíðan var lögð undir skilnað
okkar hjóna. Ég hef aldrei skipt mér
af neinu sem hefur verið skrifað
um mig, nema það sé hrein og klár
lygi. Fréttin „Bubbi er fallinn" var
lygi sem skaðaði mig, hefði getað
haft áhrif á lífsafkomu mína og var
mikið áfall fyrir aðstandendur.
Ég er opinn, heiðarlegur og
óhræddur við að tjá mig. Blaða-
menn vita að þeir hafa aldrei þurft
að toga neitt út úr mér með glóandi
töngum og ég breyti yfirleitt aldrei
viðtölum. Viðtöl eru „performance".
Það er algjör misskilingur að ég
sé mótfallinn því að blöð fjalli um
mig. Þegar ákveðinn blaðamaður
var spurður að því í sjónvarpsviðtali
hvernig hann réttlætti fyrirsögnina
„Bubbi er fallinrí' og fyrirsögnina
um fyrrverandi eiginkonu mína þá
svaraði hann: „Bubbi hefur komist
upp með það að misnota fjölmiðla í
25 ár“. Mér brá þegar ég heyrði þetta.
Ef blaðamaður notar þetta sem rétt-
lætingu til að ljúga upp á mig þá er
eitthvað mikið að. En hann gróf sína
eigin gröf.“
Nú veit égað margir viljafá að heyra
þína hlið á skilnaði þínum.
„Ég ræði hann ekki. Hann er ekki
til umræðu. Þannig er það bara.“
Uppgjöfin og trúin
Þú segist vera maður sem tekur
sífelldum breytingum. Hvað með
ástina? Elskarðu áfram þá sem þú
elskaðir einu sinni eða hœttirðu að
elska þá.
„Eitt er að vera ástfanginn, annað
er að elska. Maður tekur ákvörðun
um að elska og maður tekur líka
ákvörðun um að hætta að elska. En
að verða ástfanginn er nokkuð sem
maður ræður ekki við. Mér þykir
vænt um flest fólk. Ef mér þykir
ekki vænt um það bið ég fyrir því
og bið um að mér muni þykja vænt
um það. Ég hef margoft beðið fyrir
ónefndum blaðamanni á DV og að
ég muni öðlast það frelsi að geta þótt
vænt um hann. Allir mínir sigrar fel-
ast í uppgjöf.“
Hvað áttu við?
„Þetta er mjög einfalt. Um leið og
þú gefst upp sigrarðu og það getur
fært þér gæfu. Því meira sem menn
rembast við og neita að gefast upp
því lengur framlengja þeir þjáningu
sína og vanlíðan. Uppgjöf er stórlega
vanmetið fyrirbæri. Ég held að besta
og stórkostlegasta dæmið sé Jesús
þegar hann kenndi mönnum að
bjóða hinn vangann. Ef það er ekki
uppgjöf veit ég ekki hvað uppgjöf er.
í slíkri uppgjöf felst sigur. Uppgjöf
fær þig oftar en ekki til að bregðast
við og gera eitthvað í málum. Það er
ákveðin skynsemi í uppgjöf.“
Þú hlýtur að vera trúaður maður,
annars myndirðu ekki tala svona. En
þú hefur ekki alltafverið trúaður?
„Jú, ég hef alltaf verið það en um
tíma eyddi ég miklum tíma í að sann-
færa mig um að ég væri ekki trúaður.
Það er tilgangslaust að rökræða trú.
Það hefur heldur engan tilgang að
skilgreina trú. Trú erpersónuleg upp-
lifun og stórlega vanmetin, eins og
uppgjöfin. Menn ráða því hvort þeir
trúa eða trúa ekki. Trúlaus maður er
að vissu leyti fátækur maður. Ég er
trúaður, mér finnst það mjög gott og
það veitir mér mikla lífsfyllingu.“
kolbrun@vbl.is
Utsölulok
Utsölunni lýkur um helgina!
. Rýmingarsala, margar vörur á kostnaðarverði.
byggt búið
, , Kringlunni
Smaralind 568 9400
554 7760
Nýtt kortatímabil