blaðið - 21.01.2006, Blaðsíða 54

541 FÓLK
LAUGARDAGUR 21. JANÚAR 2006 blaðiö
SMÁ
m
AF FÁVITUM
OG ÓDÝRUM
LAUSNUM
Hvað á Smáborgari að halda? Auðvelt væri
að afskrifa flóð fávitaskapar, andlegs dauða
og metnaðarleysis sem dunið hefur yfir sam-
félag okkar síðustu mánuði sem hreinan og
kláran fávitaskap almennings og hafa ekki
frekari áhyggjur af því í kjölfarið. „Fólk er fífl"
er viðkvæði sem alit of margir grípa til þegar
þeir verða æ ofan í æ vitni að niðurtroðslu
mannsandans í andlegt svað viðbjóðs og
ósóma líkt þeim er blásið hefur verið til á sjón-
varpsstöðinni Sirkus nýlega. Það væri auðvelt
að leysa málið þannig. Fólk er fífl. Auðveld
lausn á pirringnum. Allir eru fávitar nema ég.
Smáborgaranum er hins vegar alveg meinilla
við að segja að fólk sé fífl. Fyrir það fyrsta, þá
finnst honum það ekki. Fólk er hreint ekkert
fífl. Jú, auövitað er fullt af sönnunargögnum
fyrir hinu gagnstæða sem bendir til þess að
fólk sem heild, hinn hugsandi almenningur
sé I raun og veru fífl. Hins vegar verður
Smáborgaranum við þessi tækifæri hugsað
til fólksins sem hann í raun þekkir og hefur
haft viðkynningu af. Af þeim eru sárafáir sem
telja má hrein og klár fífl. Auðvitað hafa allir
sína lesti, sumir eru latir við að hugsa, aðrir
eru dónalegir á almannavettvangi, sumum
finnst James Blunt vera frábær tónlistarmað-
ur og utanríkisstefna Framsóknarflokksins
vera stór-góð! En þrátt fyrir þetta þá eru allir
svo fínir inn við beinið. Þegar maður kynnist
þeim almennilega. Þegar grímunni hefur ver-
iðflett burt og eftir stendur indæl og yndisleg
manneskja. Smáborgarinn telur sig nú
hafa sannað að mannsandinn er hreint ekkert
fíf lalegur og þeir sem á annað borð leggja við
hlustir þegar hann drynur í maga þeirra eða
dýpstu sálarfylgsnum eru engin fffl.
Hvað veldur þá? Af hverju halda dagskrárgerð-
arstjórar Sirkuss að samborgarar þeirra séu fá-
vitar, með gallað gildismat og hreint og beint
engan metnaðtil nokkurs annars en líkamlegr-
ar fróunar við og við. Líkamlegrar fróunar og
ódýrra brandara. Andlegra skyndibita sem
búa til andlegt og að lokum sálrænt skvap
- og doða? Eru það kannski þeir sem eru frfl?
Nei, það væri lika ódýr lausn. Smáborgarinn er
viss um að dagskrárstjórar Sirkuss og líka þátta-
stjórnendur þar eru hreint ágætar manneskjur
sem gera góða hluti í frístundum, láta sér annt
um viðkvæma og fallega hluti og gera göfug
góðverk. Hann er einnig viss um að þeir eru
ekki ólíkir honum sjálfum í því að þeir myndu
aldrei nokkum tímann láta sig hafa að horfa
á metnaðarlausa viðbjóðinn sem þeir pumpa
út um þessar mundir. Hvað þá? Af hverju
flæða stöðugir straumar af rusli yfir íslenskar
sjónvarps- og útvarpsbylgjur? Meira að segja
líka hið rafræna Internet og svo prentað mál!
Smáborgarinn hefur velt þessu lengi fyrir sér
og í lengstu lög reynt að forðast ódýr og auð-
veld svör við spurningunni. En hann fann eitt
sem virðist smellpassa og er svosem ekki það
stór alhæfing.Svarið er að fólk er ekki fífl. Dag-
skrárgeröarstjórar eru það heldur ekki. En þeir
hins vegar ganga út frá því að fólk sé flfl. Því
berum við ekki virðingu hvort fyrir öðru og þvi
sitjum við föst í hringrás ömurleikans.
HVAÐ FINNST ÞÉR?
Ingvi Hrafn Jónsson, fjölmiðlamaður
Borðar þú þorramat?
„Ég borða hangikjöt, uppstúf og harðfisk eins og börnin en læt öðrum um allt það
sem snýr að súrmeti og öðru slíku.“
Þorrinn hófst í gær með tilheyrandi þorrablótum og þorramat.
Ef þú þekkir Evu Longoriu skaltu reyna að þykjast undrandi þegar hún gefur þér pakka.
Stjarnan úr Desperate Housewives á víst hjálpartæki á lager og gefur í allar tækifæris-
gjafir til vina sinna. „Ég nefndi einhvern tíma að mér þætti að konur ættu að þekkja lík-
ama sinn vel og kynlífsleikföng væru 21. öldin," sagði hún í Daily Mirror, „og eftir
þetta rigndi inn til mín pökkum með hjálpartækjum frá fólki. Þetta er svo gott í
gjafir því oft eru konur ragar við að fara og kaupa handa sjálfum sér.“ Hin gull-
fallega Eva sagði líka frá því þegar hún var álitin ljóti andarunginn í æsku: „Ég
er ekki lík neinum í fjölskyldunni," sagði hún. „Fólk sagði oft við mömmu:
Dætur þínar eru mjög sætar, en hver er þetta? Ég fór því að þroska hæfileika
mína og ákvað að reiða mig aldrei á útlit eða neitt yfirborðskennt. En svo
blómstraði útlitið bara síðar á ævinni." Þrátt fyrir að hafa þroskast úr andar-
unga i svan viðurkennir Eva að sumar senur í annarri seríu Desperate House-
wives séu ekkert sérstaklega heillandi: „Ég er allsber og þeir fylla baðkarið
af freyðibaði og bera svo á mig líkamsmeik svo skinnið virðist fullkomið.
Svo lekur það allt af í vatninu og ég sit eftir í brúnum drullupolli."
Rachel
leitar að manni
Rachel Hunter segist ekki finna neinn mann. Hún var einu sinni með
Robbie Williams en segir að allir bitastæðustu mennirnir séu giftir í
dag. Hún sagði í nýlegu viðtali við New York Post: „Ég er ekki að hitta
neinn. Allir góðir gæjar eru fráteknir. Þekkir þú einhvern?“ Rachel var
gift Rod Stewart í níu ár og eiga þau tvö börn saman.
Ilmur
Mariuh Carey
Nú er komið að söngkonunni Mariuh Carey að senda frá
sér ilmvatn en hún fetar þar í fótspor Britney og J-Lo sem
nú þegar eiga eigið ilmvatn. Umboðsmaður söngkon-
unnar sagði: „Mariah er afar spennt yfir lyktinni en hún
verður byggð á hvítum blómum.“
HEYRST HEFUR...
Kjartan
V a 1 -
garðsson,
sem stefn-
ir á eitt
af efstu
s æ t u m
Samfylk-
ingarinnar, opnar kosninga-
skrifstofu sína í dag. Það er
í sjálfu sér ekki í frásögur
færandi en það sem er hins
vegar óvenjulegra er að óvíst
er hvort frambjóðandinn verð-
ur viðstaddur opnunina þar
sem hann féll niður stiga á
heimili sínu og skaddaðist á
baki. Hann gengur núna fyrir
verkjatöflum. Vonandi er fall
fararheill fyrir frambjóðand-
ann óheppna sem mun íhuga
að boða til blaðamannafundar
af sjúkrabeði.
Stefán
J ó n
Hafstein
varkjörinn
kynþokka-
fyllstimað-
ur ársins
árið 1992
eins og
fram kem-
ur framar í Blaðinu. Hann
hefur hins vegar haft ama af
þessum titli, ef eitthvað er, og
hefur lítt flaggað honum. Það
kemur þó ekki í veg fyrir að
Stefán nýtur mikillar kven-
hylli meðal kvenþjóðarinnar
og í dag blæs hann til kosn-
ingahátíðar í Iðnó. Þar verða
bara konur frummælendur,
auk frambjóðandans sem
heldur vitaskuld ræðu. Lára
V. Júlíusdóttir mun stíga á
stokk, sömuleiðis Margrét
Pálmadóttir, Edda Þórarins-
dóttir og fleiri. Sirrý verður
fundarstjóri...
Eg i 1 1
Helga-
son gerir
e i n m i 11
prófkjör
Samfylk-
ingarinn-
ar að um-
ræðuefni á
heimasíðu sinni og segist ekki
hafa hugmynd um hver sigri
- Steinunn Valdís, Dagur B.
eða Stefán Jón. Hann hefur
hins vegar ákveðnari skoðun
á stöðu Sjálfstæðisflokksins
í Garðabæ:
Svo er það umræðan um
próf kjör Sjálfstæðis-
flokksins í Garðabæ og
konurnar. Menn eru að velta
fyrir sér hvort listinn eins
og hann lítur út sé „sigur-
stranglegur“ eða „sölulegur".
Staðreyndin er samt sú að
sjálfstæðismenn í Garðabæ
gætu stillt kókkassa eða kart-
öflupoka upp í fyrsta sætið og
haft auðveldan sigur. Þannig
er nú hið pólitíska landslag
í Garðabænum," segir Egill.
Það er spurning þetta með
kókkassann.
Enn er fólk að skammast
út í sjónvarpsstöðina
Sirkus fyrir nýja þætti sem
þykja ekki mönnum bjóðandi.
Þannig sér einn blaðamaður
Fréttablaðsins ástæðu til að
skrifa opið bréf til yfirmanna
stöðvarinnar í blaði sínu. Sá
sem þetta skrifar sá ekki þann
þátt sem gagnrýndur er en for-
svarsmenn stöðvarinnar fá þó
plús í kladdann fyrir að vera
óhræddir við að gera tilraunir.
Þar að auki hefst American
Idol á Sirkus um helgina og
þá ætti brúnin að lyftast á
mörgum.