blaðið - 15.07.2006, Qupperneq 26

26 I VIKAN
LAUGARDAGUR 15. JÚLÍ 2006 blaðið
Vikan í máli og myndum
Pólitískir landskjálftar skóku heimsbyggðina í vikunni og helstu tíðindin eru býsna nöturleg. Mannskætt
flugslys átti sér í stað í Síberíu í Rússlandi, stórfelld hryðjuverkaárás var gerð á lestarkerfi Mumbai-borgar
á Indlandi og ástandið við botn Miðjarðarhafs er enn og aftur við suðumark. En þrátt fyrir þessi dapurlegu
tíðindi gerist eitt og annað sem ekki kemst á forsíður blaðanna sem sýnir bjartari tóna tilverunar.
Vætutíð íbúar suðvesturhornsins geta huggað sig við þá staðreynd að hann rignir á fleiri stöðum en þar. Monsún-
tíminn stendur nú yfir á Indlandshafi og í Suður-Asíu og þá er Iítið um það að hann hangi þurr eins og þessi íbúi
borgarinnar Kolkata á Indlandi gerir sér augljóslega grein fyrir
Þyrstur api Þrátt fyrir að hér á landi sé sá hluti vetrar sem landsmenn
kalla sumar skín sólin í öðrum heimshlutum. Villtur makakíapi heldur á
afkvæmi sínu og slökkvir mesta þorstann í útjaðri borgarinnar, Jiyan, sem
er staðsett í miðhluta Kína.
Æfing í síldaráti? George Bush, forseti Bandaríkjanna, heimsótti Angelu
Merkel, kanslara Þýskalands, í vikunni. Ljóst er að Merkel nær mun betur
til bandaríska forsetans en forveri hennar í starfi. Kanslarinn og forsetinn
gerðu sér ferð í sjávarþorp þar sem að Merkel kynnti Bush fyrir dásemdum
síldarinnar.
Marglytturnar í Sjanghæ En það eru ekki bara aparnir í Kína sem vekja athygli. Móðir sýnir dóttur sinni
marglytturnar í sædýrasafni í Sjanghæ-borg.
Skemmtiskokk? Sambúð manna og illvígra nauta hefur löngum verið stormasöm í Pamplona, sérstaklega á þeim
árstíma sem heimamenn halda San Fermín-hátíðina.