blaðið - 17.08.2006, Blaðsíða 4

4 I FRÉTTIR
FIMMTUDAGUR 17. ÁGÚST 2006 blaðiö
Mynd eftir Kjartan GuSjónsson
Menningarnótt
Fjölbreytt dagskrá fyrir alla fjölskylduna
í Galleríi Fold
Opið laugardag til kl. 22.00
Sjáumst í Galleríi Fold
Rau&arárstig 14-16, sími 551 0400
Kringlunni, sími 568 0400 • www.myndlist.is
Keyrði á ofsahraða
og lifði naumlega af
■ Kastaðist af hjóli á 200 kílómetra hraða ■ Missti fót og þrjá fingur
Eftir Val Grettisson
valur@bladid.net
Dagsetningin 19. apríl 1992 mun
aldrei hverfa úr minni Berents Karls
Hafsteinssonar eða Benna Kalla eins
og hann er kallaður. Þann dag breytt-
ist líf hans til frambúðar þegar hann
missti stjórn á mótorhjóli sínu á ofsa-
hraða og datt af þvi. Hann missti aðra
löppina og er enn þann dag í dag að
fara í aðgerðir vegna slyssins.
Benni Kalli og kærasta hans voru
við bryggjuna á Akranesi á páskadegi
ásamt hópi af krökkum. Hann átti
kraftmikið Suzuki racer-hjól og fleiri
voru þarna með á hjólum. Hann var bú-
inn að vera að keyra með kærustuna á
hjólinu þegar strákar buðu honum i
kappakstur.
„Það er kannski klisja að segja að
þetta hafi verið síðasta ferðin min, en
hún var það,“ segir Benni Kalli þegar
hann rifjar upp daginn örlagaríka.
Þegar hann lagði í kappaksturinn
fór kærastan hans af hjólinu og segir
Benni Kalli að það sé eitt af því sem
hann sé fegnastur yfir. „Ég veit ekki
hvað ég hefði gert ef hún hefði dottið
með mér,“ segir hann og telur að dauð-
inn hefði verið vís.
Við leggjum af stað i spyrnuna en
strákarnir tveir voru ekki einu sinni
með próf,“ segir Benni Kalli. Piltarnir
tveir keyrðu hjólin sín upp í 170 kiló-
metra hraða að sögn Benna Kalla og
hann náði þeim og fór fram úr. Hann
segist hafa verið kominn upp i ríflega
200 kílómetra hraða þegar hann kom
að ójöfnu í malbikinu sem tók við af
steypunni á höfninni. Framdekkið
á hjólinu fór í holuna og hann missti
stjórn á hjólinu.
„Það kom sláttur í hjólið og ég næ
ekki beygju framundan og keyri á
kant,“ segir Benni Kalli en við það
flaug hann 50-60 metra ofan í varnar-
Haldið sofandi í þrjár vikur
Benni Kalli þurfti að fara í fjölmargar
aðgerðir eftir slysið
garð við höfnina. Þaðan datt hann út í
sjóinn. Einn piltur dró hann að landi á
meðan annar hringdi á sjúkrabfl.
Brotnaði á 47 stöðum
„Ég brotnaði á 47 stöðum og var með
níu opin beinbrot,“ segir Benni Kalli
en honum tókst hið fáheyrða að klára
allt blóðið sem var í þyrlunni. Svo
mikið blóð missti hann.
„Enginn hefur lifað svona af,“ segir
Benni Kalli en hann höfuðkúpubrotn-
aði, þrír fingur rifnuðu af honum,
mjöðmin þríbrotnaði, leggurinn
brotnaði og hann hlaut fjölmarga aðra
áverka.
„Hjartað mitt stoppaði og ég var dá-
inn í nokkrar mínútur," segir Benni
Kalli um ástand sitt þegar hann kom
á spítalann. Læknum tókst að vekja
hann aftur til lífsins og stöðva blæð-
ingar. Benni Kalli segir að svo hafi
verið slökkt á honum og honum haldið
sofandiíþrjárvikur.
Þeir tveir mánuðir sem hann var
á spítalanum eru mjög ruglingslegir
í huga Benna. Löppin var tekin af
vegna dreps sem myndaðist í beininu
og hann þurfti að fara í fleiri aðgerðir.
„Ég kom heim 17. júní,“ segir Benni
sem fagnaði þjóðhátíðardeginum
með því að lifa. Hann segir að fram-
haldið hafi verið gríðarlega erfitt því
í óheppni sinni fékk hann sýkt blóð
og fékk lifrarbólgu C. Árið 2002 varð
annað kraftaverk því honum tókst
að vinna bug á henni með langri og
strangri lyfjagjöf. Hann greinist ekki
lengur með lifrarbólguna. „Þetta er
bara einhvern veginn lýsandi fyrir
óheppnina hjá manni,“ segir Benni.
Hugsa um hvað ég get gert
„Sumir hugsa um það sem þeir geta
ekki gert, ég hugsa um það sem ég get
gert,“ segir Benni sem hefur aldrei látið
sorgina og biturðina sigra sig. Hann
hefur tekið ótrúlegum framförum á
þessum langa tíma og stundum fer
hann í hlutverk sálusorgarans þegar
hann heimsækir aðra einstaklinga
sem hafa lent á spítala af svipuðum
ástæðum.
„Ég þekki fjóra stráka sem hafa lam-
ast vegna bifhjólaslysa,“ segir Benni
og bætir við að hann hafi kynnst þeim
á spítalanum. Ástæða þess að hann
heimsækir þá er sú að hann hefði
óskað þess að einhver sem hefði átt
svipaða lífsreynslu að baki hefði gert
það sama fyrir hann.
Spurður um ofsaakstur hjóla í dag
segir Benni að hann sé hrein og klár
geðveiki.
„Þetta er ekki einu sinni rússnesk
rúlletta, það eru fimm skot í byssunni,"
segir hann og Itrekar hversu heimsku-
legt þetta sé. Hann segist skilja það
betur þegar vitlaus ungmenni keyri
hratt en það sé ótrúlegt að sjá full-
orðna menn að þessu sem hafa fyrir
fjölskyldu að sjá.
„Ég var bara heppinn,“ segir Benni
Kalli að lokum og þakkar fyrir að vera
á lífi enn þann dag í dag þrátt fyrir
ótrúlegan mótbyr.