blaðið - 14.11.2006, Page 20
blaðið
blaöiö
Útgáfufélag:
Stjórnarformaður:
Ritstjóri:
Fréttastjórar:
Ritstjórnarfulltrúi:
Ár og dagurehf.
SigurðurG.Guðjónsson
Sigurjón M. Egilsson
Brynjólfur Þór Guðmundsson og
Gunnhildur Arna Gunnarsdóttir
JanusSigurjónsson
Pólitík og peningar
Mesti þunginn er úr prófkjörunum að sinni og eftir stendur að þátttak-
endur hafa varið tugum milljóna í baráttuna. Blaðið hefur leitað til nokk-
urra frambjóðenda og spurst fyrir um kostnað og reikningsskil. Fæstir
hafa getað eða viljað svara fyrir um hvað barátta þeirra kostaði, hver borg-
aði og hvort tekjur allra hafa verið gefnar upp. Þeir frambjóðendur sem
ætla sér ekki að svara þessum spurningum falla svo sem ágætlega í það
landslag sem hér hefur verið. Pólitíkusar hafa hingað til komið í veg fyrir
að þeir þurfi að gera grein fyrir fjárreiðum flokka og framboða.
Aumar tillögur flokkanna, um að þeir þurfi að skila inn bókhaldi, en
það verði ekki opnað almenningi munu líta dagsins ljós. Lengra ganga
flokkarnir ekki á móti kröfum lýðsins, lýðræðið er í hættu hafa hörðustu
varnarmenn flokkanna sagt. Á sama tíma upplýsist að framboð og jafn-
vel flokkar hafa greitt launuðum starfsmönnum svarta peninga vegna
vinnu við kosningaundirbúning.
Fari svo að bókhald flokkanna verði lokað og það aðeins sent ríkisend-
urskoðanda og þaðan verði valdir þættir birtir þjóðinni er það sýndarlýð-
ræði og á ekkert skylt við það opna samfélag sem við viljum hafa. Það er
rökstuddur grunur um að flokkar eða frambjóðendur hafi borgað svart
og í sjálfu sér er ekkert sem segir að það verði ekki gert aftur, því gangi
vilji þeirra eftir sem vilja banna að fyrirtæki styrki flokkana, er leið
hinna svörtu peninga áfram opin. Þeir eru til sem kunna alla klæki sem
þarf til að eflast. Það breytist ekki þó ríkisendurskoðandi fái bókhaldið
til skoðunar, bókhald sem mun innihalda stóraukna ríkisstyrki og með-
ferð flokkanna á þeim.
Enginn hefur svarað hvað verður gert til að ný framboð eigi kost á að
keppa við þau sem fyrir eru þegar flokkum verður ekki heimilt að sækja
sér peninga til atvinnulífsins heldur fái framlög frá hinu opinbera, sem
eflaust verða miðuð við styrk þeirra á þingi hverju sinni. Einfaldast er að
öll framlög verði gerð sýnileg og meðferð stjórnmálaflokka á peningum
verði öllum sýnileg og þannig geta kjósendur meðal annars tekið mið af
ágæti flokkanna þegar milli þeirra er valið.
Krafan um opið bókhald er skýr. Það er ekki svar við henni að einn fái
að sjá fjárreiðurnar, eða jafnvel aðeins huta þeirra. Hver sem vill á að fá
að vita hver borgar hverjum. Ásakanir um að sterk hagsmunasamtök hafi
borgað tugi milljóna í kosningasjóði væru ekki til staðar hefðu flokkarnir
ekki sérstöðu umfram alla aðra hér á landi. Víðast er þessu hagað með
öðrum hætti og á meðan flokkarnir vilja ekki sýna öll spilin eru uppi
efasemdir. Auðvitað.
Sigurjón M. Egilsson.
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavfk
Aðalsími: 510 3700 Símbréf á fréttadeild: 510 3701 Símbréf á augiýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Fyrsta flokks
íslenskur harðfískur
c>
GU LLFISKU R
H O L LU STA / HVERJUM B I TA
FÆST í BÓNUS
20 ÞRIÐJUDAGUR 14. NÓVERMBER 2006
i !
f>tl/ a
KVfl-P
) /tttU fl-p
mv vifG
v SiGURHftjNG
\ U/VT Qz%Yijnr
( Smimuv
• •
Ogmundur Jónasson
og þotuliðið
Ögmundur Jónasson, formaður
þingflokks Vinstri hreyfingarinnar
- græns framboðs, verður seint sak-
aður um að fara með veggjum eða
tala tæpitungu þegar hann lætur
í ljós álit sitt á málefnum líðandi
stundar. Hann heldur úti heimasíðu,
sem er persónulegt málgagn hans,
og er óhætt að mæla með henni sem
skyldulesningu fyrir áhugamenn um
þjóðmál. Oftast nær er ég hjartan-
lega ósammála skrifum hans enda er
hann meðal skeleggustu talsmanna
fyrir hið „villta vinstri" í íslenskum
stjórnmálum. Mér finnst hins vegar
virðingarvert að hann segir skoðanir
sínar umbúðalaust og enginn þarf að
efast um afstöðu hans eða flokks hans
til einstakra mála. Það sama er hins
vegar ekki hægt að segja um suma
aðra flokka á vinstri vængnum.
Strákar og stelpur í silkigöllum
Fyrir stuttu birtust á heimasíðu Ög-
mundar skrif, sem ekki verða skilin
öðruvísi en svo, að þar hafi hann
metið léttvægt framlag fjármálamark-
aðarins til íslensks efnahagsllfs. Hann
vísar til þess að tekjumunur í samfé-
laginu hafi aukist meðal annars vegna
aukinna umsvifa fyrirtækja á þessu
sviði á alþjóðavettvangi og segir í því
sambandi: „Er jafnaðarsamfélaginu
fórnandi fyrir 12 milljarða og nokkra
stráka og stelpur í silkigöllum; þotu-
liðið? Eða eigum við að snúa spurning-
unni við: Er þotuliðinu fórnandi fyrir
meiri jöfnuð og félagslegt réttlæti?
Mitt svar er játandi.“
Skilaboðin verða vart misskilin.
Það hlýtur að mati Ögmundar að vera
réttlætanlegt að þrengja starfsskilyrði
fjármálafyrirtækja, jafnvel svo að þau
flytjist úr landi, ef það gæti orðið til
að auka hér jöfnuð í tekjuskiptingu.
Sama á líklega við um önnur þau fyrir-
tæki íslensk, sem haslað hafa sér völl
á alþjóðavettvangi, náð verulegum
árangri og umbunað stjórnendum
og starfsfólki í samræmi við það. Það
skiptir samkvæmt þessu ekki miklu,
að þessi þróun hefur orðið til að
stækka skattstofna hins opinbera veru-
lega, fyrirtækin greiða mun hærri upp-
hæðir í tekjuskatta en áður þrátt fyrir
lægri skatthlutföll, sama á við um
einstaklingana og skattar á fjármagns-
tekjur eru orðnir mikilvæg tekjulind
fyrir ríkissjóð, en slíkar tekjur voru
fyrir tíu árum ýmist ekki skattskyldar,
eins og átti við um vaxtatekjur, eða
skiluðu óverulegum tekjum til ríkis-
ins þrátt fyrir há skatthlutföll, eins og
átti við um skatta á arð og söluhagnað
af hlutabréfum. Það er trúlega líka létt-
vægt í huga Ögmundar, að innan fyrir-
tækjanna, sem hér er vísað til, hafa á
undanförnum árum orðið til ótal vel
launuð, áhugaverð og fjölbreytt störf.
Það er áreiðanlega léttvægt í augum
Ögmundar, enda er fólkið hjá þessum
fyrirtækjum bara „nokkrir strákar og
stelpur I silkigöllum; þotulið".
Alltaf á móti þróuninni
Þessi skoðun Ögmundar Jónas-
sonar og flokksfélaga hans þarf í
sjálfu sér ekki að koma á óvart. Þeir
hafa jafnan beitt sér gegn þeim breyt-
ingum á lögum og starfsumhverfi,
sem stuðlað hafa að vexti og uppgangi
fyrirtækjanna sem hér um ræðir. Þeir
voru á móti EES-aðild og opnun mark-
aða sem henni fylgdi. Þeir lögðust
gegn einkavæðingu bankanna, sem
leysti mikla krafta úr læðingi á fjár-
málamarkaðnum. Þeir hafa alltaf lagst
gegn skattalækkunum, sem hafa líka
skipt verulegu máli í þessu sambandi.
Þeir hafa í flestum atriðum verið á
móti þeirri þróun íslensks efnahags-
og atvinnulífs, sem átt hefur sér stað
á síðustu árum.
Ég þarf væntanlega ekki að taka
fram að ég er í grundvallaratriðum
ósammála þessum viðhorfum Ög-
mundar og félaga. Ég virði þá hins
vegar fyrir að vera sjálfum sér sam-
kvæmir. Maður veit að minnsta kosti
hvar maður hefur þá og hvers má af
þeim vænta komist þeir til valda. Það
er ekki svo lítils virði í stjórnmálum.
Höfundur er þingmaður
Sjálfstæðisfiokksins (Reykjavík.
Klippt & skorið
Prófkjör Samfylking-
arinnar hafa að
sumu leyti
verið fróðleg. Þannig
gleymdist að telja 87
atkvæði 1' prófkjöri Sam-
fylkingarinnar í Suðvest-
urkjördæmi, en þau munu
ekki hafa skipt sköpum. Eins má nefna
til tilkynningu á vef Samfylkingarinnar (www.
samfylking.is) um úrslit prófkjörsins i Reykja-
vík: „Alls greiddu 4842 atkvæði í prófkjörinu.
Auðir seðlar og ógildir eru 110. Gild atkvæði
eru því 4.759." Nú er klippari bara úr máladeild,
en samkvæmt reiknikunnáttu hans standast
þessar tölur nú ekki. Þar skeikar 83 atkvæðum
en ekki 110, nú eða á hinn veginn, að gild at-
kvæði hafi aðeins verið 4-732-
w
Urslitin í prófkjöri Samfylkingarinnar
voru ekki byltingarkennd, enda varla
við slíku að búast þegar efstu þrjú
sætin voru frátekin. Nokkur undiralda var um
endurnýjun, en þegar upp var staðið veittu
þær tvær konur, sem mestar vonir voru
bundnar við, þær
Steinunn V. Óskars-
dóttir og Kristrún
Heimisdóttir, hvor
annarri systrabyltu.
Helstu tíðindin voru
sjálfsagt þau að Ingi-
björg Sólrún Gísla-
dóttir, formaður Sam-
fylkingarinnar sem sóttist alein og óáreitt
eftir 1. sætinu, fékk aðeins liðlega 69 prósent
stuðning í það sæti.
w
Arangur Árna
Johnsen í próf-
kjöri sjálfstæðis-
manna í Suðurlandi varð
þó til þess að yfirskyggja
útkomu formanns Sam-
fylkingarinnar. Margir
sjálfstæðismenn eru uggandi vegna stöðu
Árna og hafa velt upp möguleikum til þess að
koma í veg fyrir að Sjálfstæðisflokkurinn leiði
Árna til trúnaðarstarfa fyrir þjóðina á ný eða að
honum auðnist að draga fylgi flokksins niður á
landsvísu, því tæpast telja allir á það hættandi
að hleypa Árna að kjötkötlunum á nýjan leik.
Flokksforystan virðist þó öldungis áhyggjulaus,
þvi Geir H. Haarde forsætisráðherra sagði í
gær Áma njóta fyllsta trausts forystunnar.
andres.magnusson@bladid.net