Bændablaðið - 11.04.2006, Page 45

45Þriðjudagur 11. apríl 2006
Full þörf
áfram fyrir
Árbók
Þingeyinga
Ágætu Þingeyingar og aðrir
landsmenn.
Fyrir tæpri hálfri öld komu
áhugasamir sveitarstjórnar- og
sýslunefndarmenn Árbók Þingey-
inga af stað undir forystu Jóhanns
Skaftasonar sýslumanns.
Bækurnar sem komið hafa út
öll þessi ár, frá og með árinu 1958,
hafa að geyma mikinn fróðleik
varðandi sögu byggðanna í Þing-
eyjarsýslum. Má þar meðal annars
nefna fréttir úr héraði, margar
greinar, ljóð og gamanmál auk
mynda.
Margt af þessu hefði óefað
aldrei verið sett á prent og gleymst
í tímanna rás ef þessi vettvangur
hefði ekki skapast til að halda því
til haga.
Áskrifendum hefur fækkað á
undanförnum árum og er nú svo
komið að raddir hafa heyrst, að
hætta beri að gefa út Árbók Þing-
eyinga. Það er ástæða þess að ég
set þessi orð á blað til ykkar með
ósk um það að þig bregðist vel við
og gerist áskrifendur að Árbók
Þingeyinga. Ekki veldur það okk-
ur miklum kostnaði að vera með
því bókin kostar í dag 2.500 krón-
ur á ári og eldri árganga er hægt að
fá fyrir mikið lægri upphæð.
Ég tel það mjög illa farið ef
hætt verður við útgáfu bókanna,
því þó við búum í breyttu um-
hverfi og auðvelt sé að sækja
margt á „netið“ þá er ennþá full
þörf fyrir Árbók Þingeyinga.
Áskriftarsími er hjá umboðs-
mönnum víða í Þingeyjarsýslum
og í Safnahúsinu á Húsavík, sími
464 1860.
Með von um góðar undirtektir,
árbókinni til handa.
Kristín Kristjánsdóttir,
sími 468 1260,
umboðsmaður
Árbókar Þingeyinga.
Hef til sölu hestaábreiður.
Góðar til fermingjagjafa
handa unga hestafólkinu og
til annara tækisfærisgjafa.
Merkt eftir óskum kaup-
enda. Sendi í póstkröfu.
Uppl. í síma 438-1026 eða
865-7451. Halldís.
Hestaskjól