Bændablaðið - 10.03.2011, Qupperneq 8
8 Bændablaðið | fimmtudagur 10. mars 2011
Fréttir
GK gluggar farnir úr Mosfellsbænum
Fluttu Glugga- og hurðasmiðju
sína í Þykkvabæinn
– „Dásamlegt að vera komin í sveitina “ segja eigendurnir
Um áramótin hófu GK gluggar
starfsemi í húsnæði við Norður-
Nýjabæ í Þykkvabæ en fyrir-
tækið flutti starfsemina úr
Mosfellsbænum. Með því eru eig-
endurnir að láta gamlan draum
rætast, flytja í sveitina með fyrir-
tækið og hestana sína.
„Viðtökurnar hafa verið frábærar,
bæði hjá heimamönnum og við-
skiptavinum okkar, sem finnst gott
að við skyldum flytja starfsemina út
á land, það er dásamlegt að vera flutt
í sveitina. Þykkvibærinn er kjörinn
fyrir svona starfsemi, stutt í allar áttir
og góður vinnufriður í stórkostlegu
umhverfi. Nettengingin er líka frá-
bær hér, sem er forsenda fyrir rekstri
fyrirtækis eins og okkar,“ sagði Gyða
Árný Helgadóttir en hún og maður
hennar Hallgrímur Óskarsson eiga
fyrirtækið. Þegar mest var unnu 14
starfsmenn hjá þeim en þeir eru 4 í
dag. „Við þjónum öllu landinu með
glugga og hurðir, eigum okkar föstu
viðskiptavini og nýir eru alltaf að
bætast við. Þeir sem hafa komið til
okkar í Þykkvabæinn eru stórhrifnir
og hvetja okkur áfram,“ bætti Gyða
við. /MHH
Bændasamtök Íslands hafa lengi
staðið fyrir námskeiðum fyrir
verðandi frjótækna. Námskeiðin
eru haldin með nokkuð reglu-
bundnu millibili, nú síðast árin
2001 og 2006. Endurnýjunarþörf
er mismikil en það virðist vera að
starfstími í þessu fagi sé frekar
langur.
Frjótæknanámskeið henta sér-
staklega vel fyrir búfræðinga, sem
hafa góða undirstöðu eftir nám sitt.
Þá er því ekki að neita að iðnaðar-
menn hafa oft átt auðvelt með að
tileinka sér réttu handbrögðin í
verklega þættinum. Í raun eru nám-
skeiðin öllum opin en ef aðsókn
verður meiri en hægt er að anna þá
verður litið til menntunar og stað-
setningar umsækjenda og þá leitast
við að taka inn þá nemendur sem
búnaðarsambönd mæla með.
Námskeið um næstu mánaðamót
Nú hefur verið auglýst námskeið
sem haldið verður um mánaða-
mótin mars – apríl nk. Að þessu
sinni eru það Endurmenntun
Landbúnaðarháskóla Íslands og
Bændasamtök Íslands, sem standa
saman að þessu námskeiði og
eiga þar samvinnu við fleiri stofn-
anir og einstaklinga. Námskeiðið
verður haldið á Stóra-Ármóti og
á Selfossi, ásamt því nýmæli að
hluti námskeiðsins verður kenndur
í fjarnámi.
Uppfræðsla og
verkleg kennsla
Frjótæknanámskeiðið tekur á
þriðju viku. Þar er farið yfir helstu
þætti frjótæknastarfsins, ásamt því
að þátttakendur fá innsýn í marga
þætti er snerta starf kúabóndans
og geta því verið ráðgefandi um
margt í búskapnum, sérstaklega
nautgriparæktinni. Farið er yfir
undirstöðuatriði í nautgriparækt,
kynbóta- og erfðafræði, fóðurfræði
og skýrsluhald í nautgriparækt,
en allir þessir þættir snerta mjög
starfsvið frjótækna. Þá er farið
yfir líffæra- og lífeðlisfræði naut-
gripa, sérstaklega það sem snýr að
æxlunarlífeðlisfræði en skilningur
á því er undirstöðuatriði í starfi
frjótækna. Þá er farið yfir sýkingar
í búfé og smitvarnir en frjótæknar
verða að fara mjög varlega í sínu
starfi vegna sýkingarhættu.
Að endingu er verkleg kennsla
en færni í verklega þættinum er
fyrsta skilyrði þess að ná árangri
í starfi.
Á hinum Norðurlöndunum er
nám fyrir frjótækna mun lengra en
hér á landi, allt upp í heilt ár með
verknámi. Í því ljósi er námskeiðið
okkar bæði stutt og ódýr menntun
til framtíðarstarfa.
/SE
Gyða og Hallgrímur eru alsæl í Þykkvabænum og ætla sér stóra hluti þar. Heimasíða fyrirtækisins er www.gkgluggar.is.
Mynd | MHH
Starfsmenn GK glugga í Þykkvabænum, frá vinstri: Eyjólfur Magnússon,
Suasak Thirataya og eigendurnir Hallgrímur Óskarsson og Gyða Árný,
ásamt heimilishundinum Skugga. Mynd | MHH
Orkuráð hefur veitt fimm styrki
til jarðhitaleitar að upphæð sam-
tals 25 milljónir króna en Katrín
Júlíusdóttir iðnaðarráðherra fól
orkuráði úthlutunina.
Í fréttatilkynningu iðnaðarráðu-
neytisins segir að megintilgangurinn
með styrkjunum sé að stuðla að enn
frekari nýtingu jarðvarma til hús-
hitunar í landinu. Með það að mark-
miði að bæta búsetuskilyrði og auka
aðgengi að þeim gæðum og mögu-
leikum sem nýting jarðhita hefur í för
með sér, draga úr notkun jarðefna-
eldsneytis til húshitunar, og jafnframt
að draga út kostnaði ríkissjóðs vegna
niðurgreiðslu húshitunarkostnaðar.
Styrkir eru veittir sveitarfélögum,
fyrirtækjum eða einstaklingum.
Eftirtaldir fengu 5 milljóna króna
styrk hver til jarðhitaleitar:
Arnór Heiðar Ragnarsson, til
framhaldsleitar í landi Hofsstaða í
Reykhólahreppi.
Hörgársveit, til leitar í Hörgárdal
og Öxnadal í samstarfi við Íslenskar
orkurannsóknir og Norðurorku.
Jón Svavar Þórðarson, til
framhaldsleitar í landi Ölkeldu í
Staðarsveit.
Orkuveita Staðarsveitar, til fram-
haldsleitar á Lýsuhóli í Staðarsveit.
Steinþór Tryggvason, til loka-
áfanga jarðhitaleitar í landi Kýrholts
í Viðvíkursveit í Skagafirði.
Búast má við að leit hefjist á þessum
stöðum með vorinu.
Styrkirnir til jarðhitaleitar á köldum
svæðum er veittir á grundvelli 16. gr.
laga nr. 78/2002, um niðurgreiðslur
húshitunarkostnaðar. Umsjón jarhita-
leitarstyrkjanna er hjá Orkusjóði en
Orkuráð hefur úthlutun þeirra með
höndum skv. ákvörðun ráðherra. Unnið
er eftir úthlutunarreglum sem staðfestar
hafa verið af iðnaðarráðherra.
Í Orkuráði starfa Mörður Árnason,
formaður, Bryndís Brandsdóttir, Drífa
Hjartardóttir, Guðjón Guðmundsson
og Ingibjörg Inga Guðmundsdóttir.
Framkvæmdastjóri Orkusjóðs er
Jakob Björnsson.
Auglýst var eftir umsóknum um
styrkina í nóvember 2010 og rann
umsóknarfrestur út 31. desember.
Sautján umsóknir bárust, samtals að
upphæð 58,2 m.kr.
Fimm styrkir til jarðhitaleitar
á köldum svæðum
Fyrsta sæðistakan.
Námskeið fyrir verðandi
frjótækna
Bæjarráð Fljótsdalshéraðs og
sveitarstjórn Djúpavogshrepps
fagna aukinni áherslu
Vegagerðarinnar á þjónustu
vegna Axarvegar og þeim sam-
göngubótum sem því fylgir fyrir
fjórðunginn.
Djúpivogur og Fljótsdalshérað
tilheyra sama þjónustusvæði hvað
varðar félagsþjónustu, málefni
fatlaðra og brunavarnir. Greiðar
samgöngur um Axarveg eru því
mikilvægar og til hagsbóta fyrir
allt Austurland og styttir aksturs-
leiðina frá Reykjavík til Héraðs
um 71 kílómetra með tilheyrandi
sparnaði á ört hækkandi eldsneyti.
Sveitarfélögin mótmæla því hins
vegar að Djúpavogshreppi sé ætlað
að standa straum af snjómokstri
á Öxi svo sem kveðið er á um í
breytingu sem nýlega var gerð á
svonefndri G-reglu. Geti sveitarfé-
lögin ekki séð, segir í bókun að snjó-
mokstur á þessu svæði geti verið á
ábyrgð eins sveitarfélags öðrum
fremur, hvað þá að ákvörðun þar
um geti legið hjá Djúpavogshreppi.
Það sé á engan hátt viðunandi.
Bæjarráð Fljótsdalshéraðs og sveit-
arstjórn Djúpavogshrepps beina
því þeim tilmælum til ráðherra að
hann hlutist til um að horfið verði
frá kröfu um helmingsgreiðslu frá
Djúpavogshreppi vegna snjómokst-
urs á Öxi eftir 5. janúar eins og gert
er ráð fyrir í nýlegri breytingu á
G-reglu Vegagerðarinnar.
Þessar myndir tók Jónas Reynir
Helgason á Stórutjörnum af miklum
klakaburði í Fnjóská í janúar.
Fljótsdalshérað og Djúpavogshreppur
Óviðunandi að eitt sveitarfélag
beri kostnað við snjómokstur