Bændablaðið - 10.03.2011, Qupperneq 26

26 Bændablaðið | fimmtudagur 10. mars 2011
Forntraktorar - meira en járn og stál!
Kennarar: Bjarni Guðmundsson
prófessor við LbhÍ, Jóhannes Ellerts-
son kennari við LbhÍ, Haukur Júlíus-
son frkvstj., Erlendur Sigurðsson
vélameistari og Sigurður Skarp-
héðinsson vélvirki.
Tími

17 hjá LbhÍ á
Hvanneyri
Verð
Ræktun og umhirða aldintrjáa




Kennarar: Henrik Jensen aldintrjáa-
bóndi hjá Gyldenmose frugt, Jón
Guðmundsson garðyrkjufræðingur
og Jón Kr. Arnarson verkefnisstjóri
hjá LbhÍ
Tími: 21.-22. mars LbhÍ, Reykjum

Nám fyrir frjótækna
Kennarar: Sveinbjörn Eyjólfsson
forstöðumaður, Unnsteinn S. Snorra-
son ráðunautur, Magnús B. Jónsson
ráðunautur, Sigurður Kristjánsson BÍ,
Berglind Ósk Óðinsdóttir ráðunautur,
Þorsteinn Ólafsson dýralæknir og
Eggert Gunnarsson dýralæknir.
Tími
5. apríl á StóraÁrmóti
Verð  
Ræktum okkar eigin ber
Kennarar: Guðríður Helgadóttir
forstöðumaður LbhÍ Reykjum og Jón
Kr. Arnarson verkefnisstjóri hjá LbhÍ
Tími 

15 hjá LbhÍ á
Reykjum, Ölfusi
Verð
Ræktun áhugaverðra krydd-, lauk-
og matjurta í eigin garði
Kennari: Auður Jónsdóttir 
garðyrkjufræðingur.
Tími 

15:30 hjá LbhÍ á
Reykjum, Ölfusi
Verð 
Trjáfellingar og grisjun með keðjusög
Kennari: Björgvin Örn Eggertsson
skógfræðingur hjá LbhÍ
Tími14. apr. Vöglum 
Verð 
Torf og grjóthleðslur
Kennari: Guðjón Kristinsson torf
grjóthleðslumeistari
Tími: 20. maí, kl. 917 og 21. maí, 9
16 hjá LbhÍ á Reykjum í Ölfusi
Verð  Námskeið fyrir þig!
Jólatrjáarækt
Kennarar: Böðvar Guðmundsson
skógtæknir hjá Suðurlandsskógum og
Hallur Björgvinsson svæðisstjóri hjá
Suðurlandsskógum
Tími

 

kl. 9-16 hjá LbhÍ á Reykjum, Ölfusi
Verð  
Jarðræktarforritið Jörð.is


   
   Kennari: Borgar Páll Bragason verk-
efnastjóri hjá BÍ
Tími: Boðið upp á tvö námskeið:


17 á Ísafirði
 

17 á Ísafirði
Verð
Hæfileikar hrossa


  Kennarar: Eyþór Einarsson og Jón
Vilmundarson kynbótadómarar
Tími 

 –16:30 í
Mosfellsbæ
Verð (félagsmenn HS, 15.000kr)

Burður og burðarhjálp (nautgripir)
Kennari: Grétar Hrafn Harðarson
dýralæknir og tilraunastjóri hjá LbhÍ
Tími: Boðið upp á tvö námskeið:
 

 17 í Eyjafirði


 17 á Egilsstöðum
Verð 
Lífræn aðlögun nautgriparæktar


     
Kennarar: Dr. Gunnar Á. Gunnarsson
Vottunarstofan Tún, Dr. Ólafur R.
Dýrmundsson ráðunautur hjá BÍ,
Guðfinnur Jakobsson bóndi í Skaft-
holti í Gnúpverjahreppi og Runólfur
Sigursveinsson ráðunautur hjá BssL
Tími 

 17 á Stóra
Ármóti
Verð
Trjáklippingar og umhirða
trjágróðurs
Kennari: Einar Friðrik Brynjarsson
brautarstj. Skrúðgarðyrkjubr. LbhÍ
Tími

 
kl 9-16 hjá LbhÍ, Reykjum, Ölfusi
Verð 
Lífræn aðlögun sauðfjárræktar
Tími 
 17 í Tjarnar-
lundi í Dölum
Verð Allar nánari upplýsingar má finna á
www.lbhi.is/namskeid
Skráning fer fram á endurmenntun@lbhi.is
eða í síma 433 5000
Freyvangsleikhúsið frumsýndi
á dögnum leikritið Góði dátinn
Svejk eftir Jaroslav Hasek í leik-
gerð Colin Teevan. Leikstjóri
er Þór Tulinius, Guðjón
Ólafsson sem starfað hefur með
Freyvangsleikhúsinu á liðnum
árum tók sig til og snarði leik-
gerðinni yfir á íslensku og annar
góðvinur leikhússins, Emilía
Baldursdóttir þýddi söngtexta.
Hermann Arason samdi og útsetti
nánast alla tónlist í verkinu.
Halldór Sigurgeirsson formaður
Freyvangsleikhússins segir það eitt
af afkastamestu áhugamannaleik-
húsum landsins, það eigi sér langa
sögu og leiklistarhefðin í Eyjafirði
sé sterk. Starfsemi leikfélagsins má
rekja allt aftur til ársins 1957 þegar
fyrst var sýnt á sviði félagsheimilis-
ins Freyvangs, sem vígt var það ár.
Leikfélag Öngulsstaðahrepps var
stofnað fáum árum síðar, en það
varð síðar að Freyvangsleikhúsinu.
Þess verður minnst á næsta ári
að hálf öld er er frá því skipu-
lögð leiklistarstarfsemi hófst í
Öngulsstaðahreppi sem síðar varð
Eyjafjarðarsveit.
Halldór segir að félagar í
Freyvangsleikhúsinu hafa lagt mikið
upp úr metnaðarfullum sýningum
og á síðari árum hafa verið settar
upp sýningar á verkum sem skrifað-
ar hafa verið fyrir félagið. Dæmi um
það er Kvennaskólaævintýrið sem
Böðvar Guðmundsson skrifaði fyrir
félagið og gerist í Kvennaskólanum
sem á sínum tíma var starfræktur á
Laugalandi. Sýningin hlaut mjög
góðar viðtökur áhorfenda og var
Freyvangsleikhúsið valið úr hópi
áhugamannaleikfélaga til að sýna
verkið á fjölum Þjóðleikhússins.
Endurbætur á húsnæði
Langþráður draumur Frey vangs-
leikhússins rættist í byrjun árs þegar
byggð var tækjabrú yfir suðurenda
salarins, en þar er nú hægt að koma
fyrir öllum stjórnbúnaði leikhússins
fyrir ljós, hljóð og fleira. ”Þetta
er mesta bylting í að bæta aðstöðu
okkar í húsinu frá upphafi, en pláss-
leysi hefur háð okkur mjög þegar
mikið er umleikis,” segir Halldór.
Frekari framkvæmdir í húsinu eru
í undirbúningi, en þær snúa að því
að bæta aðstöðu gesta leikhúss-
ins. ”Við erum afskaplega þakk-
lát stjórnendum sveitarfélagsins
fyrir þann mikla velvilja sem þeir
hafa sýnt okkur með því að ráðast
í þessar þörfu framkvæmdir,” segir
Halldór.
„Sagan um góða dátann Svejk er
ein af þessum vinsælu gamansögum
sem alltaf halda gildi sínu, þetta er
háðsádeila sem gerist í fyrra stríð-
inu og segir frá því þegar dátinn
Svejk er kallaður í stríðið,“ segir
Halldór um verkið. Fjöldi leikarar
tekur þátt í uppfærslunni,en þeir eru
22 talsins. Auk þess leggja margir
hönd á plóg, þriggja manna hljóm-
sveit tekur þátt í sýningunni og þá
þarf að huga að hönnun leikmyndar
og ljósa,sem og búninga, stjórna
ljósum, sauma búninga og smíða
leikmynd og útvega leikmuni, sjá
um förðun og margt fleira.
Gríðarlega mikið og flókið
verkefni
„Þetta er gríðarlega mikið og flókið
verkefni og sennilega hefðum við
aldrei farið út í það ef við hefðum
fyrirfram vitað hversu mikil vinna
er að baki við að setja þetta leikrit
upp. Það má segja að hópurinn sem
að baki því stendur hafi unnið þrek-
virki,“ segir Halldór. Ákveðið var
á liðnu hausti að taka þá leikgerð
verksins sem Freyvangsleikhúsið
valdi til sýninga. „Okkur þótti
eldri leikgerðin heldur gamaldags
og þung, en fréttum af þeirri nýju
síðasta haust, það er allt annað yfir-
bragð yfir henni og hún nútímalegri
en hin fyrri. En þá þurftum við
svo sannarlega að spýta í lófana
til að allt myndi ganga upp,“ segir
Halldór. Umrædd leikgerð hefur
tvisvar verið sett á svið, í London
árið 1999 og New York árið 2004
og var sami leikstjóri á ferðinni í
bæði skiptin. Leikhúsin voru mun
stærri en Freyvangur og aðstæður
aðrar að sögn Halldórs, en verkið
hlaut góðar viðtökur og fína dóma.
Það sama má segja um uppfærslu
Freyvangsleikhússinsm viðtökur
gesta og gagnrýnenda hafa verið með
ágætum. Verkið er sýnt í Freyvangi
allar næstu helgar fram yfir páska.
Freyvangsleikhúsið sýnir
Góða dátann Svejk
Haukur Guðjónsson (í bakgrunni:
Gréta Jónsteinsdóttir og Hjálmar
Arinbjarnarson).
Brynjar Gauti Schiöth (góði dátinn
Svejk) og Ingólfur Þórsson í hlut-
verkum sínum.
Ólafur Theodórsson.
Undirritað var samkomulag
milli Garðyrkjufélags Íslands
og Landbúnaðarháskóla Íslands
á föstudag um prófun á ræktun
norðlægra yrkja af ávaxtatrjám
við íslenskar aðstæður með það
fyrir augum að í framtíðinni verði
hægt að leiðbeina um val og rækt-
unaraðferðir.
Verkefnið fór af stað í kjöl-
far fræðsluerinda sem Jón Þ.
Guðmundsson garðyrkjufræðingur
hefur flutt að undanförnu á vegum
Garðyrkjufélagsins víða um land.
Jón byggir þar á eigin reynslu og
Sæmundar Guðmundssonar, áhuga-
manns sem reynt hefur eplarækt
um nokkurt skeið og búsettur er á
Hellu.
130 þátttakendur
Í fréttatilkynningu vegna verk-
efnisins segir að um 160 félagar
í Garðyrkjufélaginu hafi nú
ákveðið að taka þátt í verkefninu
og prófi yrki af eplatrjám, peru-
trjám, plómum og kirsuberjum
við breytileg skilyrði um allt land.
Landbúnaðarháskólinn hefur fag-
lega umsjón með framkvæmd próf-
ana, veitir ráðgjöf um ræktunina og
tekur við upplýsingum um árangur-
inn hjá ræktendum. Stefnt er að því
að prófanir fari fram sem víðast á
landinu hjá aðilum sem líklegir
eru til að annast ræktunina af alúð.
Um 40 manns í öllum landshlutum
taka þátt í kjarna verkefnisins og
skuldbinda sig til að gefa reglu-
legar skýrslur samkvæmt forsögn
frá LbhÍ um lifun, þroska og þrif
trjánna og uppskeru þegar þar að
kemur. Hinir 120 verða tiltækir með
einfaldari skýrslugerð og viðbótar-
reynslu eftir því sem þörf gerist.
Meðal atriða sem kanna þarf
eru samspil yrkja við jarðveg og
staðbundið veðurfar og skjól á rækt-
unarstað, svo og ræktunartækni og
umhirða, m.a. undirbúningur jarð-
vegs, áburðargjöf og tæknilegar
aðferðir til að tryggja blómgun,
frjóvgun og uppskerumagn.
Arflægir eiginleikar og uppskeru-
tími ávaxta eru mjög breytilegir
eftir tegundum og yrkjum.
Yrki frá mörgum
löndum prófuð
Yfir 130 yrki erða prófuð og
eru þau flest ættuð frá Finnlandi,
Rússlandi og Eystrasaltslöndunum
og byggja mörg á gamalli hefð
kynbóta í þessum löndum. Sum
þeirra hafa verið í sölu hjá garð-
plöntustöðvum hér á landi til þessa
og lofar reynslan góðu. Trén sem
notuð verða til verkefnisins eru eins
árs gömul og því mikilvægt að þau
fái góða umhirðu í byrjun og að
undirbúningur gróðursetningar sé
vandaður.
Ljóst er að íslenskur jarðvegur
er líklega jafn erfiður í ræktun
ávaxtatrjáa eins og veðrátta, skjól-
leysi og harðgerði sjálfra trjánna.
Þess vegna hefst átakið formlega
í dag með því að þátttakendunum
40 í kjarna verkefnisins er boðið að
taka þátt í námsstefnu sem aðstand-
endur verkefnisins skipuleggja.
Námsstefnan fer fram í húsakynn-
um Landbúnaðarháskóla Íslands á
Keldnaholti.
Á vegum Garðyrkjufélagsins
hefur nú verið stofnaður sérstakur
klúbbur um ávaxtarækt. Allir
félagar í Garðyrkjufélagi Íslands
geta gerst meðlimir í ávaxtaræktar-
klúbbnum. (Sjá www.gardurinn.is)
Garðyrkjufélag Íslands og Landbúnaðarháskóli Íslands:
Þróunarverkefni um ræktun ávaxtatrjáa
Frá undirritun samkomulags milli Garðyrkjufélags Íslands og
Landbúnaðarháskóla Íslands.