Bændablaðið - 16.05.2012, Blaðsíða 14

Bændablaðið | Miðvikudagur 16. maí 201214
Fréttir
Fyrst ekkert er hægt að stóla
á íslenskt veðurfar og verður
sennilega seint, þá verður
stundum að treysta á hyggjuvit
og útsjónarsemi. Jón Gíslason á
Hofi í Vatnsdal í Húnavatnssýslu
gerði tilraun með að sá vetrarrúgi
í rúmlega hektara lands í ágúst á
síðasta ári og virðist hafa gefist vel.
Oft hafa bændur verið í vandræð-
um með að hleypa búfénaði út vegna
þess hversu seint tún taka við sér og
beit nánast engin á köldum vorum
eins og virðist vera að gerast nú í ár.
Strax á síðastliðnu hausti kom
ágætlega upp af þéttum rúgi sem náði
allt að 30 cm hæð. Í allan vetur var
bletturinn grænn og í vor var hann
tilbúinn til beitar, sem kom sér vel
þar sem tún voru sein að taka við
sér. Þegar þessi mynd var tekin (7.
maí) höfðu á milli 20 og 30 kindur
verið á beit í hólfinu í um vikutíma
og ekki annað að sjá en að töluvert
væri eftir af rúgi fyrir svipaða beit í
einhverja daga eða vikur. /HLJ.
Vetrarrúgur kemur í góðar þarfir fyrir fé í Vatnsdal
Mynd / HLJ.
Sáðmenn útskrifast frá Endurmenntun LbhÍ
-
Mynd / Ásdís Helga Bjarnadóttir
Laugardaginn 21. apríl útskrif-
uðust nemar í námskeiðaröðinni
Sáðmanninum frá Endurmenntun
Landbúnaðarháskóla Íslands.
Þátttakendur voru alls 22 og hófu
þeir námið í janúar árið 2011.
Sáðmaðurinn er námskeiðaröð
með áherslu á jarðrækt og fóður-
öflun. Þessi fyrsti námshópur
einkenndist fyrst og fremst af
kúabændum, verktökum í land-
búnaði og ráðunautum er komu
að Hvanneyri allt frá Vopnafirði
suður fyrir land að Hornafirði.
Námskeiðaröðin byggði á tveggja
daga námskeiðum sem fóru fram á
föstudegi og laugardegi í ein átta
skipti. Sem dæmi um þema vinnu-
helganna má nefna: 1) Almenn náms-
kynning og búvélafræði, 2) Umhverfi
jarðræktar, 3) Áburðarfræði- og
plöntuvernd, 4) Nytjajurtir – eigin-
leikar og ræktun, 5) Fóðurverkun
og fóðurfræðilegir þættir auk þess
sem farið var í skoðunarferðir,
s.s. að Helgavatni í Borgarfirði, í
Birtingaholt IV, Móeiðarhvol og
Ólafsvelli. Fengin var kynning frá
Jötunn vélum og fyrirtækið heimsótt
á Selfossi.
Útskriftarhelgin einkenndist af
verklegri þjálfun úti í flagi þar sem
farið var yfir stillingar, vinnsluhraða
og – dýpt í tengslum við plægingar
og notkun á herfum og flagjafna.
Seinni daginn fóru fram verkefna-
kynningar, en sáðmenn unnu á tíma-
bilinu verkefni sem tengdust fyrst
og fremst eigin jarðrækt og þáttum
sem vert var að draga út og skoða
frekar. tveir nemanna fengu sérstaka
viðurkenningu frá LbhÍ, annars vegar
Arnþór Pálsson frá Signýjarstöðum
fyrir verkefnið; Þýðing sáðskipta í
kornrækt og Þorleifur Halldórsson
frá Þverá fyrir verkefnið; Slor, við-
bjóður eða nothæft áburðarefni?
/ÁHBj
Nú standa framkvæmdirnar á 3.
hæð Bændahallarinnar sem hæst
og eitt af því sem tímabært var
að gera var að aftengja gömlu
símstöðina sem verið hefur á
sínum stað frá því að húsið var
byggt.
Nú tekur nýi tíminn við því sett
verður upp ip-símstöð eða tölvusím-
stöð. /ehg
Klippt á streng upphaflegu
símstöðvarinnar
-
Mynd / ehg
K Ä R C H E R S Ö L U M E N N
Iðnaðarryksugur