Fréttablaðið - 21.01.2012, Qupperneq 28

21. janúar 2012 LAUGARDAGUR28
Jól í janúar
Flestir íbúar landsins kveðja jólin á þrettándanum.
Sá dagur markar hins vegar upphaf jólahátíðar rétt-
trúnaðar kirkjunnar en í söfnuði hennar eru nokkur
hundruð manns hér á landi. Valgarður Gíslason, ljós-
myndari Fréttablaðsins, fylgdist með jólahaldi í janúar
sem hófst við hátíðarmessu í Kristskirkju að kvöldi 6.
janúar en lauk síðastliðinn fimmtudag í Nauthólsvík.
JÓLIN GANGA Í GARÐ Söfnuður rétttrúnaðarkirkjunnar fær afnot af Kristskirkju fyrir hátíðarmessuna sem markar upphaf jólanna. Prestur safnaðarins, Timur Zolotuskiy, stendur hér við altarið.
KOMA VÍÐA AÐ „Síðast þegar ég taldi voru fjórtán þjóðerni í söfnuðinum okkar sem telur
tæplega 500 manns,” segir Zolotuskiy sem hefur búið hér í nokkur ár ásamt fjölskyldu sinni.
HÁTÍÐARMESSA Á HÁTÍÐLEGUM STAÐ „Vanalega eru messur safnaðarins haldnar í húsi okkar á Öldugötu. Á jólunum
leitum við til bræðra okkar í kaþólsku kirkjunni en páskamessan er haldin í Dómkirkjunni,“ upplýsir Zolotuskiy.
ÞRIGGJA TÍMA MESSA „Jólamessan hófst klukkan ellefu að kvöldi 6. janúar og stóð í um þrjá tíma. Að henni lokinni
hittust messugestir yfir hlaðborði og fengu sér te og kaffi,” segir Zolotuskiy.