Fréttablaðið - 10.03.2012, Síða 28

10. mars 2012 LAUGARDAGUR28
ÁRNI STEFÁN ÁRNASON
Árni Stefán er lögfræðingur og hefur
dýrarétt að sérsviði. Hann hefur undan-
farin misseri verið virkur í dýravernd-
unarumræðu hér á landi og meðal ann-
ars bent á að aðbúnaður svína, hænsna
og loðdýra á Íslandi sé ekki í samræmi
við dýraverndarlög. Einnig hefur hann
beitt sér vegna heimilisdýra og vinn-
ur sjálfboðastarf fyrir Kattavinafélag
Íslands.
GRÓA GUNNARSDÓTTIR
Gróa er leikskólakennari og starfar á leikstofu Barna-
spítala Hringsins. Þar hefur hún vakið athygli fyrir
það hversu vel hún tengist börnunum og aðstandend-
um þeirra. Gróa vinnur með veikustu börnum í land-
inu. Engu að síður tekst henni með nærfærni iðulega að
galdra fram gleðibros á andlit þeirra. Gróa er einn þeirra
starfsmanna sem leggur mun meira fram en það sem
starfslýsing hennar kveður á um.
PAULINE MCCARTHY
Pauline er búsett á Akranesi og er þar ötull sjálfboðaliði
bæði í Rauða krossinum og Mæðrastyrksnefnd, auk þess
sem hún er jafnan tilbúin til að leggja góðum málefnum
lið. Meðal þess sem Pauline hefur staðið sjálf fyrir er að
opna heimili sitt þeim sem eru einir á jólum. Þeim býður
hún í mat og sér til þess að allir fái pakka. Pauline er í
forsvari fyrir Samtök nýrra Íslendinga á Vesturlandi og
hefur um árabil haldið utan um skipulagningu Þjóðahá-
tíðar á Akranesi.
■ HVUNNDAGSHETJUR
BANDALAG ÍSLENSKRA SKÁTA
Skátastarf á Íslandi hefur á þessu ári
staðið í heila öld. Leiðarljós skátastarfs
er að þroska börn og ungt fólk til að
verða sjálfstæðir, virkir, hjálpsamir og
ábyrgir samfélagsþegnar. Skátahreyf-
ingin hefur gegnum árin gegnt afar
mikilvægu hlutverki sem valkostur í
frístundastarfi barna og ungmenna.
Auk þess að vera vettvangur til félags-
legs þroska meðal jafningja hefur
skátahreyfingin leitt marga inn í veröld
útivistar og náttúruskoðunar.
STEFÁN ÞORLEIFSSON
Stefán Þorleifsson er á 96. aldursári. Hann
ákvað ungur að hann ætlaði að gera gagn í
heimabyggð sinni, Neskaupstað, og valdi að
gerast íþróttakennari vegna þess að honum
fannst þörf á að kveikja áhuga fólks á íþróttum.
Í gegnum íþróttakennsluna hafði hann tæki-
færi til að kenna ungu fólki reglusemi og að
hugsa vel um líkama sinn. Stefán er enn virkur
borgari í heimbyggð sinni og stundar enn fjöl-
breytta hreyfingu sem hann telur lykilinn að
góðri heilsu og langlífi.
TÖLVUFÆRNINÁMSKEIÐ
Í HÆÐARGARÐI
Í félagsmiðstöðinni í Hæðargarði, sem
Ásdís Skúladóttir stýrir, eru haldin
tölvufærninámskeið þar sem 12 ára
nemendur Magneu Jóhannsdóttur
kennara í Breiðagerðisskóla miðla
eldri borgurum af þekkingu sinni og
reynslu af tölvupósti, Skype, Facebook
og margháttaðri þekkingarleit á netinu.
Verkefnið hefur staðið í Hæðargarði frá
2006 en hefur nú verið tekið upp í fleiri
félagsmiðstöðvun aldraðra.
■ FRÁ KYNSLÓÐ TIL KYNSLÓÐAR
KAFFI, KÖKUR & ROKK & RÓL
Kaffi, kökur & rokk & ról er tónleikaröð sem
staðið hefur í Edrúhöllinni, húsi SÁÁ, síðan
í haust. Dagskrárstjóri tónleikaraðarinnar
er Arnar Eggert Thoroddsen, blaðamaður og
poppfræðingur. Það sem af er vetri hafa helstu
hljómsveitir Íslands leikið á þessum þriðjudags-
tónleikum sem hafa að markmiði að bjóða fólki
að njóta fyrsta flokks tónlistar utan hins hefð-
bundna tónleikaumhverfis sem einkennist af
áfengisneyslu.
MEÐ OKKAR AUGUM –
SJÓNVARPSÞÁTTUR
Í sjónvarpsþáttunum Með
okkar augum er fólk með
þroskahömlun bæði fyrir
framan og aftan mynda-
vélarnar. Þættirnir eru
afrakstur námskeiðs í sjón-
varpsþáttagerð sem efnt
var til vorið 2010 og þau
Andri Freyr, Bjarni, Eiður,
Katrín Guðrún, Richard,
Skúli Steinar og Steinunn
Ása tóku þátt í. Í þáttunum skoða þau málefni líðandi stundar með sínum augum og
spyrja sinna spurninga. Sjónvarpsþættirnir Með okkar augum eru lóð á vogarskál-
ar þess að breyta þeirri ímynd sem þorri fólks hefur af einstaklingum með þroska-
hömlun.
SIGRÍÐUR VÍÐIS JÓNSDÓTTIR
Í haust sem leið kom út bók Sigríðar Víðis Jónsdóttur Rík-
isfang: Ekkert. Þar er rakin saga nokkurra flóttakvenna
af palestínskum uppruna sem komu hingað til lands,
ásamt börnum sínum, haustið 2008. Konurnar höfðu miss-
erin á undan dvalið við hörmulegar aðstæður í Al Waleed-
flóttamannabúðunum og settust að og byggðu upp heimili
sín á Akranesi. Bókin vakti mikla athygli og er mikilsvert
framlag til að auka skilning okkar Íslendinga á aðstæðum
landlauss fólks.
■ TIL ATLÖGU GEGN FORDÓMUM
DYNGJAN ÁFANGAHEIMILI
Áfangaheimilið Dyngjan hefur starfað síðan
1988. Hlutverk þess er að veita konum sem koma
úr áfengis- og vímuefnameðferð samastað meðan
þær koma undir sig fótum í nýju lífi. Dyngjan
hefur reynst mörgum konum mikilvægur áfanga-
staður en á dvalartíma sínum fá þær svigrúm til
að breyta og byggja upp allsgáðan ábyrgan lífs-
stíl. Að jafnaði dvelja um 14 konur í Dyngjunni
og sumar þeirra með börn. Edda Guðmundsdóttir
veitir Dyngjunni forstöðu.
FRÚ RAGNHEIÐUR
Tilgangur verkefnisins Frú Ragnheiður er að
að ná til jaðarhópa samfélagsins, svo sem úti-
gangsfólks, heimilislausra og fíkla, og bjóða
þeim skaðaminnkandi þjónustu og almenna
heilsuvernd á þeirra forsendum. Með því að
auðvelda aðgengi að sárameðferð og hreinum
nálum og sprautum er þess freistað að draga
úr skaðsemi lifnaðarhátta jaðarhópa, bæði
sýkingum og útbreiðslu smitandi sjúkdóma.
Starfsemin byggir á hugmyndafræði skaða-
minnkunar (Harm Reduction) sem beitt er í
mörgum stórborgum í vinnu með fíklum.
VINAFJÖLSKYLDUR Í VESTURBÆ
Verkefnið Vinafjölskyldur í Vesturbæ
varð til að frumkvæði nokkurra mæðra
barna í Vesturbæjarskóla í Reykja-
vík, þeirra Sesselju Th. Ólafsdóttur,
Margrétar Gylfadóttur og Mariu
Helenu Sarabia. Verkefnið felst í því
að mynda tengsl milli íslenskra fjöl-
skyldna og erlendra í því skyni að auð-
velda erlendu fjölskyldunni að skilja og
aðlagast íslenskum venjum. Verkefnið
er unnið í samstarfi við skólann. Stefnt
er að því að fjölskylda hvers erlends
barns í skólanum eigi fjölskyldu bekkj-
arsystkinis að vinafjölskyldu.
■ SAMFÉLAGSVERÐLAUN
Verkefni og fólk til fyrirmyndar
Samfélagsverðlaun Fréttablaðsins verða veitt næstkomandi miðvikudag. Tilgangur verðlaunanna er að
draga fram í dagsljósið einstaklinga og verkefni sem geta verið öðrum til fyrirmyndar. Sem fyrr var leitað
til lesenda eftir tilnefningum til verðlaunanna í fjórum flokkum. Dómnefnd vann úr tilnefningunum og
kynnir nú þrjár útnefningar í hverjum flokki.
MYND/EMIL THORARENSEN