Fréttablaðið - 10.03.2012, Page 92

10. mars 2012 LAUGARDAGUR60
Stjörnurnar hafa flykkst milli borga
á borð við New York, London, Mílanó
og París til að dást að komandi haust-
tísku en nú hefur komið í ljós að flest-
ar þeirra þiggja laun fyrir að setjast á
hinn fræga fremsta bekk.
„Þetta er mjög ófagmannlegt. Ég hef aldrei og
ætla aldrei að borga frægu fólki fyrir að mæta á
sýninguna mína,“ segir fatahönnuðurinn Nicole
Fahri í viðtali við tímaritið Stella, fylgiblað The
Sunday Telegraph.
Fahri er sú fyrsta sem talar opinskátt um þá
venju tískuhúsanna að borga frægum gestum
fyrir það eitt að mæta á sýningar hjá þeim og
sitja á fremsta bekk, en hún er allt annað en sátt
við þetta fyrirkomulag. Fahri vill meina að þetta
sé vond þróun í tískuheiminum og að áherslan á
stjörnurnar dragi athygli frá því sem á að skipta
máli á tískusýningunum, fatnaðinum sjálfum.
„Hvað er það sem við sjáum í blöðunum daginn
eftir sýningar? Fullt af fréttum um það hverjir
sátu á fremsta bekk en ekkert um sjálf fötin sem
eru á sýningunni. Ég veit að margir eiga eftir
að hata mig fyrir að ljóstra þessu upp en mér er
sama. Þetta er vandamál.“
Í Bandaríkjunum er það mjög algengt að tísku-
húsin bjóði fræga fólkinu á sýningarnar sínar,
samkvæmt heimildum The Sunday Telegraph.
Það telst góð leið til að tryggja umfjöllun enda
eru stjörnurnar oftast eltar á röndum af ljós-
myndurum. Tískuhúsin eru þá að borga allt frá
flugferðum upp í fullt uppihald svo sem hótel-
kostnað, fatnaðinn sem viðkomandi klæðist á
sýningunni og matarkostnað ásamt ríflegum
greiðslum.
Stjörnur á borð við Michelle Williams, Aliciu
Keys, P.Diddy og Kanye West, sem eru tíðir gest-
ir á tískuvikunum, eru því hugsanlega að græða
á því að sitja í fremstu röð. Ekki er vitað hvaða
tískuhús eða hönnuðir borga fyrir aðdáendur
sína en margir beita greinilega ýmsum brögð-
um til að lokka til sín fræg andlit og fleiri ljós-
myndara. alfrun@frettabladid.is
FÁ FORMÚU FYRIR AÐ
SETJAST Á FREMSTA BEKK ÁHUGASAMUR Tónlistarmaðurinn og nú fatahönnuður-inn Kanye West á fremsta bekk á sýningu Mark Fast í London.
ÞÉTTSETIÐ Sýning Burberry í London var vel sótt hjá fræga fólkinu en hér má meðal annars sjá Alexu Chung,
rapparann will.i.am og leikarann Jeremy Irvine sitja á fremsta bekk. Ekki er vitað hvort Burberry er eitt af þeim
tískuhúsum sem borga fyrir að hafa fræga gesti. NORDICPHOTOS/GETTY
siminn.is
Sími
Sími
Foreldraverðlaun Heimilis
og skóla – landssamtaka
foreldra
miðvikudaginn 16. maí
2012
að
heimiliogskoli.is.
1. maí 2012.
HEIMILI OG SKÓLI
ÓSKA EFTIR
TILNEFNINGUM TIL
FORELDRAVERÐLAUNA
2012