Fréttablaðið - 17.03.2012, Qupperneq 8

17. mars 2012 LAUGARDAGUR8
EFNAHAGSMÁL Forgreiðsla á lánum
Ríkissjóðs Íslands og Seðla-
bankans upp á 116,1 milljarð
króna, sem tilkynnt var um á
fimmtudag, munu spara hinu
opinbera um fimm milljarða
króna í vaxtagreiðslur. Um er að
ræða lán sem Alþjóðagjaldeyris-
sjóðurinn (AGS) og Norðurlöndin
veittu Íslendingum í tengslum við
efnahagsáætlun AGS
og stjórnvalda. Erlend
skuldastaða þjóðar-
búsins lækkar um 6,6%
af landsframleiðslu
við greiðsluna. Endur-
greiðslan nær til gjald-
daga sem áttu að falla
á árinu 2013 í tilfelli
AGS-lána, og til gjald-
daga sem myndu falla
á árunum 2014, 2015 og
2016 í tilfelli Norður-
landa-lána.
Alls námu lán AGS
og Norðurlandanna til
Íslands í upphafi um
3,4 milljörðum evra, eða 564 millj-
örðum króna miðað við núverandi
gengi. Endur greiðslan sem innt
var af hendi nemur því um fimmt-
ungi af þeim lánum sem Ísland
fékk í tengslum við áætlunina.
Már Guðmundsson seðlabanka-
stjóri segir að ljóst hafi verið að
ekki hafi verið þörf á jafnstórum
forða og var til staðar á þessu ári.
Endurgreiðslan hafi því staðið til
í lengri tíma. „Það kostar mikið
að vera með þennan forða. Með
því að greiða hluta hans til baka
getum við sparað um fimm millj-
arða króna í vaxtakostnað án þess
að veikja á nokkurn hátt okkar
erlendu lausafjárstöðu. Með því að
greiða þetta niður erum við ekki
að breyta nettó-forðanum mikið
en hins vegar að spara heilmikinn
kostnað.“
Í lok árs 2011 var síðasti hluti
lána frá Norðurlöndum til ríkis-
sjóðs og Seðlabankans, sem bætt
var við gjaldeyrisforðann, greidd-
ur út. Um var að ræða um 141
milljarð króna. Gjald-
eyrisforðinn, sem er að
fullu skuldsettur, var
1.081 milljarður króna
í lok janúar síðast-
liðins og hefur aldrei
verð meiri í sögu þjóð-
arinnar.
Greining Íslands-
banka hélt því fram í
gær að endur greiðslan
kæmi í beinu fram-
haldi af því að fyrr
í vikunni voru lög
um gjaldeyrishöft
hert. Í Morgunkorni
greiningarinnar í gær
segir að eðlilegt sé að þegar „losun
haftanna virðist vera að dragast á
langinn sé minni áhersla lögð á að
vera með stóran gjaldeyrisforða
en áður“.
Már segir forgreiðsluna ekkert
hafa með tafir á afléttingu gjald-
eyrishafta að gera. „Það er ekkert
sem segir að afnám haftanna sé
að dragast meira á langinn en
var útlit fyrir í lok síðasta árs.
Þá töldum við rétt að draga á öll
lánin, annars hefði aðgangur að
þeim lokast, og fara svo í þessa
aðgerð. Með þessu lengjum við
í lánum okkar en borgum niður
stysta hlutann.“ thordur@frettabladid.is
Fimm milljarða sparnaður
Forgreiðslur á um 20% lána frá AGS og Norðurlöndum sparar um fimm milljarða króna í vaxtagreiðslur, að
sögn seðlabankastjóra. Hann segir greiðslurnar ekkert hafa með tafir á afléttingu gjaldeyrishafta að gera.
EVRUR Már Guðmundsson seðlabankastjóri segir að ekki hafi verið þörf á jafn
stórum gjaldeyrisforða og var til staðar á þessu ári. Forðinn hefur aldrei verið
stærri. FRÉTTABLAÐIÐ/ANTON
Lögum um gjaldeyrismál var breytt 13. mars síðastliðinn. Í fyrsta lagi fela
breytingarnar í sér að undanþága á greiðslum úr þrotabúum og samnings-
kröfum samkvæmt nauðasamningi í íslenskum krónum er felld úr gildi. Slíkar
greiðslur eru nú háðar samþykki Seðlabanka Íslands. Þessi breyting var gerð
til að koma í veg fyrir að útgreiðslur innlendra þrotabúa valdi óstöðugleika í
greiðslujöfnuði eða dragi úr áætlun um losun gjaldeyrishafta.
Í öðru lagi var gert óheimilt að kaupa erlendan gjaldeyri fyrir verðbætur og
afborganir af höfuðstóli skludabréfa. Í þriðja lagi var undanþága skilanefnda
og slitastjórna gömlu bankanna frá banni við fjármagnshreyfingum milli
landa í erlendum gjaldeyri afnumin.
Breytingar á gjaldeyrishöftum
VESTFIRÐIR Íbúum Vestfjarða með
erlent ríkisfang fækkaði um 12
prósent milli áranna 2010 og
2011, að því er fram kemur á vef
Bæjarins besta.
Á síðasta ári voru 622 íbúar á
Vestfjörðum með erlent ríkis-
fang, 321 kona og 301 karl. Á
sama tíma ári fyrr voru 709
erlendir ríkisborgarar skráðir til
heimilis í fjórðungnum og hefur
þeim því fækkað um 87 milli ára.
Erlendum ríkis borgurum
fækkaði mest milli ára í
Bolungar vík. Árið 2010 bjuggu
166 innflytjendur í Bolungar-
vík en árið 2011 voru 102
innflytjendur skráðir til
heimilis í bænum. Hæst er hlut-
fall innflytjenda á Tálknafirði
eða tæplega 20 prósent, en þar
eru 60 af 302 íbúum með erlent
ríkisfang.
Breytingar á Vestfjörðum:
Erlendum
íbúum fækkar
KJÖRKASSINN
Með því að
greiða þetta
niður erum við
ekki að breyta
nettó-forðanum
mikið…
MÁR GUÐMUNDSSON
SEÐLABANKASTJÓRI
Hræðist þú uppgang glæpa-
gengja hér á landi?
JÁ 88%
NEI 12%
SPURNING DAGSINS Í DAG:
Átt þú iPad eða annars konar
spjaldtölvu?
Segðu skoðun þína inni á Vísi.is