Fréttablaðið - 17.03.2012, Page 30

17. mars 2012 LAUGARDAGUR30
ÞUNGT HUGSI Geir H. Haarde fylgist einbeittur með vitnisburði Steingríms J. Sigfússonar í vikunni. Hann hefur setið í dómnum í á sjöunda tug klukkustunda undanfarnar tvær vikur ásamt verjanda sínum, Andra
Árnasyni, og aðstoðarfólki hans.
Landsdómur
undir feld
Vitnaleiðslum og málflutningi fyrir Landsdómi
í máli Geirs H. Haarde er nú lokið. Réttarhöldin
hafa staðið í tvær vikur og fyrir dóminn hafa
komið fjörutíu vitni. Gunnar V. Andrésson hefur
setið löngum stundum í Þjóðmenningarhúsinu og
tekið myndir í velflestum réttarhléum.
NÓG AÐ GERA Blaða- og fréttamenn sátu um allan sal frá morgni og fram eftir degi
og greindu frá því sem fram fór fyrir dómnum. Hér sjást hvorki fleiri né færri en fjórir
fréttamenn Ríkisútvarpsins. Í baksýn er pistlahöfundurinn Ólafur Arnarson.
RÍSIÐ ÚR SÆTUM Fimmtán dómarar munu næstu vikur liggja yfir því sem fram hefur
komið í málinu og að lokum dæma um sekt eða sýknu Geirs.
ÞÉTTSKRIFAÐ Geir hefur verið óþreyt-
andi við að punkta hjá sér nær allt sem
gerist í dómnum. Stílabækur hans eru
þéttskrifaðar og skipulagðar og hafa
eflaust nýst vel við undirbúning mál-
flutnings verjanda hans í gær.
DYGGILEGA STUDDUR Fjölskylda og vinir Geirs áttu fastan sess á fremsta bekk á meðan á réttarhöldunum stóð. Kona hans,
Inga Jóna Þórðardóttir, vék varla úr áhorfendasalnum.