Fréttablaðið - 17.03.2012, Side 100

17. mars 2012 LAUGARDAGUR64
Handtökuskipun hefur verið gefin
út á hendur gamanleikaranum
Russell Brand eftir að hann henti
síma í gegnum glugga á lögfræði-
skrifstofu í New Orleans.
Brand hafði rifið símann úr
höndum ljósmyndara og þeytti
honum því næst í gegnum rúðu á
lögfræðiskrifstofu sem er í götunni.
Brand skrifaði um atvikið á Twit-
ter-síðu sinni og sagði ástæðuna að
baki hegðun sinni vera þá að hann
kynni því illa þegar fólk notaði
upp finningar Steve Jobs í illum til-
gangi. Leikarinn hefur boðist til
að bæta fyrir tjónið sem hann olli
en sleppur þó ekki við handtöku og
dóm.
Brand er staddur í New Orleans
við tökur á nýrri kvikmynd.
Grýtti síma
inn um rúðu
Í VANDRÆÐUM Russell Brand kom sér í
vandræði þegar hann henti síma inn um
rúðu á lögfræðiskrifstofu.
NORDICPHOTOS/GETTY
Jonah Hill er orðinn þreyttur á
gamanhlutverkunum sem hann
er þekktastur fyrir. Hann segir
að dramatísk hlutverk veiti
honum meiri innblástur.
Hill, sem hefur leikið í Super-
bad og Knocked Up, var í drama-
hlutverki í íþróttamyndinni
Moneyball. Hann vill einbeita
sér að slíkum hlutverkum í fram-
tíðinni. „Síðustu tíu ár hef ég
leikið í mörgum gamanmyndum.
Þær veita mér ekki lengur jafn-
mikinn innblástur og áður. Ég hef
gaman af því að leika í þeim en
eftir að ég lék í Moneyball hef ég
meiri áhuga á að prófa eitthvað
nýtt,“ sagði hann.
Þreyttur á
gríninu
EKKERT GRÍN Jonah Hill er orðinn
þreyttur á gamanhlutverkunum.
Rússneski blaðamaðurinn Miroslava Duma hefur verið
eitt vinsælasta myndefni götutískuljósmyndara og
bloggara upp á síðkastið. Duma þykir einstaklega
lunkin við að blanda saman litríkum og munstruðum
flíkum. Duma var eitt sinn ritstjóri Harper´s
Bazaar en er nú sjálfstætt starfandi blaðamaður og
skrifar fyrir blöð á borð við rússneska Harper´s
Bazaar, Tatler og Glamour. Hún er fastur gestur
á fremsta bekk á tískusýningum en uppáhalds-
hönnun hennar kemur frá Prada, Miu Miu, Lan-
vin, Alexander Wang og YSL.
Tískustelpan sem
allir fylgjast með
LITRÍK Duma er fræg fyrir litríkan fatastíl
en hér er hún ásamt tveimur rúss-
neskum fyrirsætum.
BLÁIR SKÓR Hér er hún ásamt fata-
hönnuðinum Vika Gazinskaya á
tískuvikunni í París.
HÁIR HÆLAR Duma klæðist
Derek Lam á tískuvikunni í New
York.
FALLEGIR LITIR Hér er Duma í litríkum
fatnaði frá Chloé frá toppi til táar í París
fyrir nokkrum dögum. NORDICPHOTOS/GETTY
MUNSTUR Miroslava
Duma klæðist hér
munstruðum kjól og
vesti í stíl á sýningu
Derek Lam í New York.
HVÍTKLÆDD
Duma sést
hér klæðast
síðum
hvítum kjól
á góðgerða-
kvöldverði.