Fréttablaðið - 09.05.2012, Page 10

9. maí 2012 MIÐVIKUDAGUR10
FRÉTTASKÝRING
Hver eru umsvifin hjá kínverska athafnamanninum
Huang Nubo annars staðar en á Íslandi og í Kína?
Fjárfestingafélag kínverska athafnamanns-
ins Huangs Nubo hefur á undanförnum árum
keypt land og fasteignir í Bandaríkjunum, auk
þess sem það hefur unnið að
verkefnum í ferðaþjónustu á
Norðurslóðum.
Fjárfesting upp á ríflega
16 milljarða króna við upp-
byggingu á hóteli og þjón-
ustu við ferðamenn á Gríms-
stöðum á Fjöllum getur haft
gríðarleg áhrif í þessum
landshluta. Það er þó ekki
svo stór biti þegar það er sett
í samhengi við að eigandi og
stjórnandi Zhongkun-fjárfestingafélagsins,
Huang Nubo, er í 129. sæti á lista Forbes yfir
400 auðugustu Kínverjana.
Huang hefur í gegnum Zhongkun-fjárfest-
ingafélagið keypt fasteignir og land í Banda-
ríkjunum, eins og fram kemur í viðtali við hann
á kínversku fréttaveitunni 21CBH. Fyrirtækið
hefur verið starfandi frá árinu 1995 og hefur
einbeitt sér að fjárfestingum í fasteignageiran-
um og ferðamennsku, þó ýmis dótturfélög sinni
öðrum verkefnum.
Í viðtalinu við 21CBH segist hann hafa áhuga
á að fjárfesta í ferðamennsku í Bandaríkjunum
og Evrópu, þó heimamarkaðurinn í Kína verði
áfram mikilvægastur.
Fram kemur á vef Zhongkun að forsvars-
menn fyrirtækisins séu að skoða möguleika
á fjárfestingum í Svíþjóð, Finnlandi og Dan-
mörku. Þeir hafa einnig lýst áhuga á að skoða
fjárfestingar í Kanada.
Þessar mögulegu fjárfestingar eru skemmra
á veg komnar en fjárfestingar hér á landi.
Zhongkun er enn að leita að heppilegum verk-
efnum sem tengjast ferðaþjónustu í þessum
löndum.
Athygli vekur að ekki er rætt um mögulega
fjárfestingu í Noregi á vef Zhongkun. Sam-
skipti Noregs og Kína hafa verið afar stirð frá
því kínverski andófsmaðurinn Liu Xiaobo fékk
friðarverðlaun Nóbels árið 2010.
Í viðtalinu við 21CBH segir Huang að enn
eimi eftir af andrúmslofti kalda stríðsins í
Evrópu, þar sem hann sé iðulega spurður hvort
hann sé í kínverska kommúnistaflokknum, og
hvort hann sé útsendari kínverskra stjórnvalda.
Hann segist reikna með því að þessi viðhorf
hverfi með tímanum þegar kínverskir fjárfest-
ar verði algengari í þessum heimshluta.
Huang líkir hugsunarhættinum í Evrópu í
dag við það sem tíðkaðist á níunda áratug síð-
ustu aldar í Kína, þegar kommúnistaflokkurinn
ákvað að leyfa erlenda fjárfestingu í landinu.
„Það skiptir ekki máli hvar höfuðstöðvar fyr-
irtækja eru staðsettar, fyrirtækin munu semja
sig að háttum heimamanna og vera góðir þegn-
ar,“ segir Huang við 21CBH.
brjann@frettabladid.is
Skoðar fjárfestingar víðar
Kínverski fjárfestirinn Huang Nubo vill fjárfesta í ferðaþjónustu á norðurslóðum víðar en á Íslandi. Skoðar
kosti í Svíþjóð, Noregi, Kanada og víðar. Huang segir eima eftir af andrúmslofti kalda stríðsins í Evrópu.
GRIKKLAND, AP „Þetta er söguleg
stund fyrir vinstri menn og hreyf-
ingu almennings og mikil ábyrgð
lögð á mínar herðar,“ segir Alexis
Tsipras, leiðtogi SYRIZA, banda-
lags róttækra vinstri flokka í Grikk-
landi.
Hann hófst í gær handa við að
reyna myndun vinstristjórnar, sem
myndi afturkalla ströng aðhalds-
áform fyrri stjórnar sósíalista-
flokksins PASOK og íhaldsflokks-
ins Nýs lýðræðis.
„Það er ekki nokkur möguleiki að
við laumum aftur inn því sem gríska
þjóðin henti út,“ segir Tsipras.
Á hinn bóginn er ekki heldur auð-
velt að sjá hvaða möguleika hann
á til að mynda meirihlutastjórn á
nýkjörnu þjóðþingi.
Flokkur hans er með 52 þing-
sæti en til að mynda meirihluta á
þinginu þarf að minnsta kosti 151
þingmann. Lýðræðislegi vinstri
flokkurinn hefur lýst yfir stuðningi
við Tsipras, en sá flokkur er aðeins
með 19 þingmenn. Fáist sósíalista-
flokkurinn PASOK til að taka þátt
í stjórninni yrðu þingmennirnir
aðeins 112.
Leiðtogar Þýskalands og fleiri
evruríkja hafa ekki tekið í mál nein-
ar breytingar á skilmálum fjárhags-
aðstoðar.
Tsipras hefur ekki nema þrjá
daga til að mynda ríkisstjórn. - gb
Leiðtogi vinstri manna reynir að mynda ríkisstjórn í Grikklandi:
Lofar að afturkalla niðurskurð
ALEXIS TSIPRAS Fáir möguleikar á
stjórnarmyndun eru í stöðunni.
NORDICPHOTOS/AFP
GRÍMSSTAÐIR Þó fjárfestirinn Huang Nubo vilji eyða háum fjárhæðum til uppbyggingar á Grímsstöðum á Fjöllum er hann með mun fleiri járn í eldinum. MYND/SIGGA HALLGRÍMS
HUANG NUBO
Kínversk nafnahefð er öðruvísi en Íslendingar
eiga að venjast, þar sem ættarnafnið kemur á
undan skírnarnafni. Þó Huang Nubo sé gjarnan
kallaður Nubo í daglegu tali er réttara að nota
ættarnafn hans, Huang, á sama hátt og talað er
um Obama en ekki Barack þegar talað er um
Barack Obama Bandaríkjaforseta.
Ættarnafnið fyrst
Meðaleyðsla aðeins
3,8 lítrar á hverja 100 km*
www.volkswagen.is
Sparnaðarráð
frá Þýskalandi
Volkswagen Golf BlueMotion
Komdu og reynsluaktu Volkswagen Golf
* Miðað við blandaðan akstur á beinskiptum
Volkswagen Golf BlueMotion 1.6
A
uk
ab
ún
að
ur
á
m
yn
d:
1
8”
á
lfe
lg
ur
Golf kostar aðeins frá
3.390.000 kr.
STJÓRNSÝSLA Vaxandi áhrif nets-
ins á lýðræðið er eitt umfjöll-
unarefna í opnum fyrirlestri
Hauks Arnþórssonar, stjórn-
sýslufræðings og sérfræðings í
rafrænni stjórnsýslu, í Lögbergi
Háskóla Íslands í hádeginu í
dag.
Fyrirlesturinn, sem er á
vegum Stofnunar stjórn-
sýslufræða og stjórnmála
við Háskóla Íslands nefnist
„Stjórnmálaþátttaka við eldhús-
borðið – er það framtíðin?“
- óká
Þátttaka við eldhúsborðið:
Áhrif netsins á
lýðræði skoðuð
STJÓRNSÝSLA Jóhann Ársælsson,
fyrrverandi alþingismaður, hefur
verið skipaður nýr stjórnarfor-
maður Íbúða-lánasjóðs. Hann
kemur í stað
Katrínar Ólafs-
dóttur lekt-
ors sem óskaði
lausnar vegna
annarra starfa.
Guðbjartur
Hannesson vel-
ferðarráðherra
skipar í stjórn-
ina, en hann
hefur jafnframt
skipað Henný
Hinz hagfræð-
ing sem aðalmann í stjórnina og
Steinunni Valdísi Óskarsdóttur,
sérfræðing í innanríkisráðuneyt-
inu, sem varamann hennar. - óká
Ráðherra skipar í nýja stjórn:
Stjórnarfor-
mannsskipti hjá
Íbúðalánasjóði
TRÚMÁL Íslenski söfnuðurinn í
Noregi hefur eignast sitt fyrsta
safnaðarheimili.
Safnaðarheimilið nefnist Ólafíu-
stofa til heiðurs Ólafíu Jóhanns-
dóttur sem líknaði þurfandi á
götum Óslóar um aldamótin 1900.
„Safnaðarheimilið er við Pile-
stredet Park 20 í Ósló og rúmar
hópastarf fyrir allt að 50 manns,
skrifstofur prests og starfs-
manns,“ segir í frétt á vef kirkj-
unnar. - óká
Ólafíustofa opnar í Ósló:
Íslendingar fá
safnaðarheimili
JÓHANN
ÁRSÆLSSON
REIÐIR BÍLSTJÓRAR Bílstjórar almenn-
ingsvagna í Bólivíu börðu einn félaga
sinn í gær fyrir að virða ekki tveggja
sólarhringa verkfall þeirra. Þeir mótmæla
nýrri löggjöf um almenningsvagna.
NORDICPHOTOS/AFP