Fréttablaðið - 01.06.2012, Qupperneq 30

4 • LÍFIÐ 1. JÚNÍ 2012
Ritstjóra tímaritsins Mannlíf
Fimmtudagur 24. maí 2012
7.30 Vekjaraklukkan hringir. Ég vakna
syngjandi og dríf mig út að hlaupa áður en
ég skelli í lummur og útbý hollt nesti fyrir
daginn. Spaug. Morgnar eru ekki mín sterk-
asta hlið. Ég var samt vöknuð á undan klukkunni í þetta sinn
enda ekki búin að venjast íslensku sumarbirtunni; var að
koma heim úr nokkurra mánaða heimsreisu og bý hjá ættingj-
um fyrstu dagana … án myrkragardína!
8.30 Við kærastinn, Óskar Páll Elfarsson ljósmyndari, mætum
í Efstaleitið því ljúflingarnir í Morgunútvarpi Rásar tvö ætla að
spjalla við okkur um ferðalagið góða. Blöðrum svo mikið að
við náum bara að tala um tvær heimsálfur af þeim fimm sem
við heimsóttum …
9.15 Mæti í vinnuna á nýjan stað; á meðan ég var erlend-
is flutti Birtíngur, sem gefur út Mannlíf, af Lynghálsi á Lyngás.
Frumlegt. Set í fimmta gír enda þarf næsta tölublað Mannlífs
að komast í prentsmiðju í dag.
12.00 Bölva morgunletinni og óska þess að ég hefði útbúið
nesti. Skrepp í Hagkaup, salatbarinn er vinur minn!
15.30 Samþykki síðustu blaðsíðurnar og sendi Mannlíf í
prentun. Hlutirnir gerast hratt þessa dagana.
18.00 Mæti á tilvonandi heimili mitt í Bólstaðarhlíðinni með
fiðrildi í maganum og krota nafnið mitt á leigusamning. Brosi
hringinn og sé fram á notalega sumardaga á Klambratúninu.
19.00 Bretti upp ermar ásamt góðu fólki og klára að þrífa
nýja heimilið. Við ætlum að flytja inn á morgun, enda þriggja
daga helgi framundan.
22.30 Hlamma mér í sófann hjá tengdó og horfi á Eurovision-
undankeppni frá því fyrr um kvöldið. Ég tilheyri eldhressum
vinahópi sem gerir mikið úr keppninni á hverju ári, svo það er
eins gott að vera með á nótunum.
01.00 Sofna áður en ég leggst á koddann …
DAGUR Í LÍ FI HRUNDAR ÞÓRSDÓTTUR
BLUE LAGOON KYNNIR:
NÝR BLUE LAGOON ÞÖRUNGAMASKI
Nærir, lyftir og veitir húðinni aukinn
ljóma. Einstaklega áhrifaríkur
náttúrulegur maski sem byggir
á Blue Lagoon þörungum, og
náttúrulegum efnum úr jurta- og
plönturíkinu og er án parabena.
Bryan Ferry, einn farsælasti dægurtónlistarmaður samtímans, hélt tónleika ásamt hljómsveit
í Hörpu síðastliðinn sunnudag. Tónleikarnir voru á dagskrá Listahátíðar í Reykjavík og mörkuðu
þeir upphaf alþjóðlegra Nelson Mandela-daga á Íslandi, Nelson Mandela Days 2012, sem haldnir eru til heiðurs
Mandela og hugsjónum hans. Mikið var um glæsilega gesti sem nutu tónleikanna sem þóttu heppnast afar vel.
ÁNÆGÐIR TÓNLEIKA-
GESTIR Á BRYAN FERRY
Magnús Scheving og eiginkona
hans Ragnheiður Melsted voru
sumarleg og sæt á tónleikunum.
Sjá nánar á visir.is/lifid
Slimmer Stadil Canvas
Stærðir 36–47
11.999 kr.