Fréttablaðið - 02.06.2012, Qupperneq 78

KYNNING − AUGLÝSINGSumar á Norðurlandi LAUGARDAGUR 2. JÚNÍ 20128
BYGGIR Á GAMALLI HEFÐ
Bjórinn Kaldi á sér ekki langa
sögu en hefur slegið rækilega í
gegn hjá landsmönnum. Hann
er framleiddur átappaður á
Árskógssandi í Eyjafirði.
Bjórinn Kaldi er bruggaður í
Bruggverksmiðjunni á Ár-
skógssandi í Eyjafirði. Upphaf
framleiðslunnar má rekja til
ársins 2005 en hugmyndin
kviknaði eftir að hjónin Agnes
Sigurðardóttir og Ólafur Þröstur
Ólafsson sáu frétt í sjónvarpinu
frá lítilli bruggverksmiðju í
Danmörku. Viku seinna voru
þau komin til Danmerkur að
skoða kaup á bruggverksmiðju.
Verksmiðja var reist á Árskógs-
sandi, bruggtæki keypt og
fyrsta átöppunin fór fram 28.
september 2006. Bjórinn er
bruggaður eftir gamalli tékk-
neskri hefð sem rakin er til
ársins 1842. Agnes og Ólafur
fengu til liðs við sig tékkneska
bruggmeistarann David Masa
sem er bruggmeistari í fjórða
ættlið með níu ára bruggnám
á bakinu. Það var því vandað
til verka frá upphafi enda hefur
bjórinn notið mikilla vinsælda
hjá landsmönnum. Verksmiðjan
hefur stöðugt verið að stækka
og auka framleiðsluna eftir
því sem vinsældir bjórsins
hafa aukist. Í upphafi var gert
ráð fyrir 170 þúsund
lítra framleiðslu á
ári en fljótlega var
ákveðið að bæta við
gerjunartönkum og
auka framleiðsluna
upp í 300 þúsund
lítra. Árið 2008 stækk-
aði verksmiðjan
enn frekar og er
framleiðslugetan
um 500 þúsund
lítrar á ári. Kaldi
framleiðir alls átta
tegundir af bjór en
þrjár af þeim eru
árstíðabundnar;
jóla-, páska- og
þorrabjór.
FALLEGIR FOSSAR Á
NORÐURLANDI
Fjölmargir fossar eru á Norðurlandi sem vert er að skoða. Fyrst
ber að nefna Dettifoss sem talinn er vera aflmesti foss Evrópu.
Hann er 44 metra hár og rúmlega 100 metra breiður og er í
Jökulsá á Fjöllum. Fyrir neðan hann eru Jökulárgljúfur sem eru
ein hrikalegustu gljúfur landsins. Vegurinn að Dettifossi er fær
öllum bílum að sumri til en lokast í byrjun október. Hann opnar
svo aftur í lok maí. Selfoss er einnig í Jökulsá, um einn kílómetra
sunnan við Dettifoss og er vel þess virði að ganga að honum.
Þriðji fossinn í Jökulsá á fjöllum er Hafragilsfoss sem er tvo og
hálfan kílómetra norðan við Dettifoss. Goðafoss er í Skjálfanda-
fljóti í Barðadal. Hann er tólf metra hár og 30 metra breiður og
meðal stærstu fossa landsins. Goðafoss er stutt frá þjóðvegi eitt
og auðsjáanlegur þeim sem eiga leið hjá. Aðrir fallegir fossar
á Norðurlandi eru meðal annars Aldeyjarfoss í Skjálfandafljóti
sem talinn er vera einn fegursti foss fljótsins og Barnafoss.
EIN MEÐ ÖLLU Á AKUREYRI
Davíð Rúnar Gunnarsson,
skemmtanastjóri Sjallans og
stjórnarmaður í Vinum Akur-
eyrar, segir hátíðina Eina með
öllu um verslunarmannahelgina
vera sniðna fyrir fjölskyldufólk.
„Við stílum inn á að fólk komi
hérna með börnin sín og gisti
á tjaldsvæðum eða gistihúsum
og njóti þess að dvelja á Akur-
eyri.“ Í miðbænum verður stórt
svið með skipulagðri dagskrá
frá hádegi til miðnættis alla
helgina þar sem fram koma
ýmsir listamenn. Einnig verða
hefðbundin tívolítæki, litbolti,
gokart auk þess sem leikhópur-
inn Lotta mætir á svæðið. „Svo
eru skemmtistaðir bæjarins með
glæsilega dagskrá sem tekur
við á kvöldin. Páll Óskar mun
troða upp og Sálin hans Jóns
míns. Á sunnudagskvöldið eru
svo sparitónleikar á túninu fyrir
neðan leikhúsið með tónleikum,
brekkusöng og flugeldasýningu
á miðnætti.“
FLUG EÐA BÍLL
FLUGFELAG.ISEINFALT REIKNINGSDÆMI
JÁ, ÞAÐ BORGAR SIG! Við hjá Flugfélagi Íslands viljum ekki horfa niður á þá sem aka á milli en í 18.000 feta hæð er stundum erfitt að
komast hjá því. Á Íslandi var ekki til neitt sem hét bein leið áður en flugið kom til sögunnar og þegar allt kemur til alls þá borgar sig frekar að
fljúga beint en keyra krókaleiðir. Komdu um borð. Við erum með heitt á könnunni.
*Skv. töflu FÍB; bifreið í 3.350.000 kr. verðflokki: 31,33 kr. á km.
FRÁ 7.990 kr. FRÁ 15.209 kr.
RE
YKJAVÍK
AKU R E Y R
I
MIÐI = 7.990 kr.
BLÖÐ KAFFI
ELDSNEYTI = 11.968 kr. *
KAFFI = 245 kr.
PYLSA = 310 kr. PYLSA = 310 kr.
GOS = 240 kr. ÍS = 395 kr.
GÖNGIN = 1.000 kr.
RÚÐUPISS = 741 kr.