Fréttablaðið - 14.07.2012, Síða 6

14. júlí 2012 LAUGARDAGUR6
STJÓRNSÝSLA Skoðað verður hvort létta eigi þagn-
arskyldu opinberra starfsmanna og tryggja
betur vernd heimildarmanna. Þetta er á meðal
þeirra atriða sem stýrihópur mennta- og menn-
ingarmálaráðherra hefur til athugunar, en hann
skoðar breytingar á lagaumhverfi til að tryggja
betur tjáningar- og upplýsingafrelsi.
Alþingi samþykkti í fyrra þingsályktunartil-
lögu Birgittu Jónsdóttur og fleiri um að Ísland
myndi skapa sér afgerandi lagalega sérstöðu
varðandi vernd tjáningar- og upplýsingafrelsis.
Katrín Jakobsdóttir, ráðherra málaflokksins,
segir að fyrsta skref í þeim
áfanga hafi verið endurskoð-
un fjölmiðlalaga.
„Við fórum yfir ný fjöl-
miðlalög út frá markmiðum
tillögunnar og þar voru til að
mynda prentlögin innlimuð
í fjölmiðlalögin og ákvæðin
sem gömlu dómarnir, sem
Mannréttindadómstóll Evr-
ópu var að fjalla um á dög-
unum, byggðu á voru í gömlu
prentlögunum.“
Ása Ólafsdóttir, formaður stýrihópsins, segir
að fyrsta verk hópsins hafi verið að skrifa refsi-
réttarnefnd erindi um hvort ekki væri rétt að
færa meiðyrðamál úr hegningarlögum og inn
í skaðabótalög og afnema refsingu við brotum.
Þó fá dæmi séu um refsingu breyti þetta ásýnd
þessara mála og þau hverfi úr hegningarlaga-
umhverfi yfir í einkamálaumhverfi.
Í erindinu kemur fram að Mannréttindadóm-
stóllinn hafi í auknum mæli gagnrýnt notkun
refsinga sem úrræðis á þessu sviði. „Það er mik-
ilvægt að við getum sýnt fram á að hafa tekið
upplýsta ákvörðun um að bótamál og umgjörð
utan um meiðyrðalöggjöf séu ekki inni í hegn-
ingarlögum heldur í einkarétti. Það er viðhorfs-
breyting og stórt skref.“
Þá mun hópurinn skoða hvort tryggja þurfi
betur vernd heimildarmanna. Meðal þess sem
skoðað verður er hvort draga eigi úr þagnar-
skyldu hjá opinberum starfsmönnum.
„Við munum kanna hvort breyta eigi lögum
um réttindi og skyldur starfsmanna ríkisins,
hvort eigi að styrkja vernd afhjúpenda sem
vilja koma einhverju á framfæri sem þeir verða
áskynja í sinni stjórnsýslu. Það eru skiptar skoð-
anir um það, en í dag er rík trúnaðarskylda á
opinberum starfsmönnum.“ kolbeinn@frettabladid.is
Skoða hvort afnema eigi
þagnarskyldu hjá ríkinu
Stýrihópur skoðar hvernig tjáningar- og upplýsingafrelsið verði best verndað. Meðal hugmynda er að af-
nema þagnarskyldu opinberra starfsmanna. Einnig hvort meiðyrðamál verði að höfða sem einkamál.
KATRÍN
JAKOBSDÓTTIR
■ Vernd heimildarmanna.
■ Vernd afhjúpenda.
■ Samskiptavernd og vernd milliliða.
■ Hvort afnema eigi lögbann vegna væntanlegrar birtingar.
■ Málskostnað í málum varðandi tjáningarfrelsi.
■ Takmörkun á fullnustu erlendra dómaúrlausna í meið-
yrðamálum.
■ Vernd gagnagrunna og safna. Hvort skilgreina þurfi
útgáfudag nánar þegar efni er endurbirt á vefnum.
■ Upplýsingarétt og rétt almennings til aðgengis að
skjölum opinberra aðila.
■ Rafræna staðfestu fyrir fjölmiðla og samtök sem að
öðru leyti hafa starfsemi annars staðar.
Atriði sem hópurinn skal skoða
FJÖLMIÐLAR Katrín Jakobsdóttir segir að við úttekt á vernd tjáningarfrelsis verði ekki síst horft til blaðamennsku
hér á landi. FRÉTTABLAÐIÐ/ANTON
PAPÚA NÝJA-GÍNEA, AP 29 manns
hafa verið handteknir í Papúa
Nýju-Gíneu, sakaðir um að vera
hluti af mannætuhópi. Fólkið hefur
verið ákært fyrir morð á sjö mönn-
um, sem sagðir voru galdralæknar.
Mannætuhópurinn er hluti af
sértrúarsöfnuði í innri frumskóg-
um landsins, sem á að hafa borðað
heila fórnarlamba sinna hráa og
gert súpu úr kynfærum þeirra.
Lögreglustjóri í Madang sagði
við dagblað í landinu að fólkið
hefði viðurkennt gjörðir sínar en
telji ekki að þær hafi verið rangar.
Engar líkamsleifar hafa fundist
af fórnarlömbunum. - þeb
29 manns í sértrúarsöfnuði:
Handtekin fyrir
mannát og morð
SJÁVARÚTVEGUR Kalkþörungafyrir-
tækin Celtic Sea Minerals og Kalk-
þörungafélagið, sem nú þegar reka
kalkþörungaverksmiðju á Bíldudal,
hafa uppi áform um að starfrækja
aðra slíka verksmiðju á norðanverð-
um Vestfjörðum.
Hafrannsóknastofnun rannsakar
í framhaldinu kalkþörunganámur í
Ísafjarðardjúpi og verði niðurstað-
an jákvæð verður hafist handa við
að koma verksmiðju á laggirnar. Að
sögn Shirans Þórissonar, verkefna-
stjóra Vaxtarsamnings Vestfjarða,
sem kemur einnig að verkefninu, er
óvíst hvort verksmiðjan yrði í Bol-
ungarvík, Ísafjarðarbæ eða Súða-
vík. „Það mikilvægasta er að þetta
mun hafa jákvæð áhrif á þetta
atvinnusvæði, það er að segja norð-
anverða Vestfirði,“ segir Shiran.
Ef af verður munu skapast á bilinu
tuttugu og fimm til þrjátíu og fimm
störf við vinnsluna sem er sambæri-
legt við verkunina á Bíldudal.
Shiran segir að rannsóknin geti
tekið rúmt ár. „Þetta er langtíma-
verkefni sem getur orðið að veru-
leika eftir fjögur til fimm ár ef allt
gengur að óskum í rannsóknum,
umhverfismati og staðarvalsgrein-
ingum,“ segir hann. „Það er allt í
lagi, góðir hlutir gerast hægt.“
Talið er að kalkþörunganámurnar
í Ísafjarðadjúpi séu um átta sinnum
stærri en þær í Arnarfirði. - jse
Hafrannsóknastofnun rannsakar kalkþörunganámur í Ísafjarðardjúpi:
Áform um kalkþörungavinnslu
KALKÞÖRUNGAVERKSMIÐJAN Á BÍLDUDAL
Ef allt gengur að óskum verður slík vinnsla
líka á norðanverðum Vestfjörðum innan
nokkurra ára. FRÉTTABLAÐIÐ/JÓN SIGURÐUR
SVEITARSTJÓRNIR Guðríður Arnardóttir, oddviti Sam-
fylkingarinnar, gagnrýndi í bæjarráði Kópavogs á
fimmtudag að ekki væri staðið við ákvörðun fyrri
meirihluta í bænum um hækkun á framlögum til for-
eldra barna hjá dagforeldrum.
Fulltrúar meirihlutans svöruðu því til
að þeirri upphæð sem væri á fjárhags-
áætlun yrði varið í málaflokkinn en Guð-
ríður sagði það algjörlega óeðlilegt þar
sem börnin hefðu reynst fleiri en áætlað
var. „Sambærilegt því er þegar fjöldi
einstaklinga sem nýtur fjárhags-
aðstoðar bæjarins verður meiri
en ætlað er, þætti þá eðlilegt að
lækka framlög til hvers og eins?“
spurði Guðríður.
Ármann Kr. Ólafsson, bæjarstjóri úr Sjálfstæðis-
flokki, kvaðst þá undrandi á því að Guðríður, sem odd-
viti fyrrverandi meirihluta, skyldi bóka sérstaklega að
farið skyldi fram úr fjárhagsáætlun sem hún stóð sjálf
fyrir. „Hvað fjárhagsaðstoðina varðar þá
eru sérstök lög þar um og því ekki sam-
anburðarhæft,“ bókaði bæjarstjórinn.
Guðríður svaraði því þá til að ekki
væri óeðlilegt að ræða fjárhagsað-
stoð í þessu sambandi þar sem það sé
ákvörðun sveitarfélaganna hversu
há fjárhagsaðstoðin sé. „Ann-
ars má Ármann vera hissa
fyrir mér – ekki missi ég
svefn yfir því,“ sagði Guð-
ríður. - gar
Bæjarstjóri undrandi að oddviti fyrri meirihluta vilji fram úr eigin fjárhagsáætlun:
Sefur rótt þótt Ármann sé hissa
ERLENT Bandarísk fyrirtæki geta
fjárfest í Búrma á ný. Barack
Obama Bandaríkjaforseti hefur
aflétt viðskiptaþvingunum á
Búrma og segir að umbætur þar
síðustu fimmtán mánuði réttlæti
það. Pólitískum föngum hefur
verið sleppt og stjórnkerfi breytt
til lýðræðislegri vegar.
Búrma bjó við nær hálfrar
aldar herforingjastjórn. Ánægj-
an er vitanlega gagnkvæm og
hefur forseti Búrma hvatt önnur
ríki á Vesturlöndum til að fara að
fordæmi Bandaríkjamanna. - jse
Viðskiptaþvingunum aflétt:
Obama sættist
við Búrma á ný
SVEITARSTJÓRNARMÁL Grasslátt-
ur gengur samkvæmt áætlun í
Reykjavík að því er segir í til-
kynningu frá borginni. „Þessa
dagana er verið að fara aðra
umferð af þremur yfir svæði við
umferðargötur og önnur sláttu-
tæk opin svæði.
Á fjölförnum stöðum í miðborg-
inni og í skrúðgörðum Reykjavík-
urborgar er grasið slegið vikulega
allt sumarið,“ segir í tilkynning-
unni. Þar kemur fram að kostnað-
ur við sláttinn í ár sé áætlaður um
174 milljónir króna.
„Fyrir þremur árum var dregið
úr slætti vegna breyttrar for-
gangsröðunar á verkefnum hjá
Reykjavíkurborg og sparnaðar, en
í ár og í fyrra voru fjárveitingar
hækkaðar á ný til að halda uppi
þjónustustigi.“ - gar
Framlög í grasslátt hækkuðu:
Grassláttur fyr-
ir 174 milljónir
GRAS SLEGIÐ Sláttartímabilið í Reykjavík
er 25. maí til 20. ágúst.
GUÐRÍÐUR
ARNARDÓTTIR
ÁRMANN KR.
ÓLAFSSON
Flokkar þú sorp?
Já 61%
Nei 39%
SPURNING DAGSINS Í DAG:
Fer órækt í Reykjavík í
taugarnar á þér?
Segðu skoðun þína á Visir.is.
KJÖRKASSINN
Við munum kanna hvort
breyta eigi lögum um
réttindi og skyldur starfsmanna
ríkisins, hvort eigi að styrkja
vernd afhjúpenda sem
vilja koma einhverju
á framfæri sem þeir
verða áskynja í sinni
stjórnsýslu.
ÁSA ÓLAFSDÓTTIR
FORMAÐUR STARFSHÓPS
UM ENDURSKOÐUN
LAGA