Fréttablaðið - 02.08.2012, Page 6

2. ágúst 2012 FIMMTUDAGUR6
FRÓÐASTI FERÐAFÉLAGINN
Ný og endurbætt útgáfa
FULLT VERÐ 4.990 KR.
1000 kr. afsláttur ef þú
kemur með gömlu bókina
(einungis hægt að skipta í bókabúðum,
ekki bensínstöðvum)
Í Vegahandbókina er komin ný, ýtarleg
24 síðna kortabók, á bls. 574-599.
Hér færð þú skýra yfirsýn yfir landsvæði
Íslands - í mælikvarðanum 1:500 000.
Auðvelt er að fletta á milli bókarinnar
og kortabókarinnar til að fá yfirsýn yfir
það svæði sem ferðast er um. Tilvísanir
leiða þig á rétta blaðsíðu. Ef þú ert
t.d. að aka til Búðardals og ert á bls.
281 í bókinni og vilt fá meiri yfirsýn
yfir svæðið er tilvísun á síðunni sem
vísar þér á kort nr. 3 á bls. 578 í
kortabókinni.

Vegahandbókin • Sundaborg 9 • Sími 562 2600
Eymundsson metsölulisti
20.06.12 - 26.06.12 vegahandbokin.is
SÝRLAND Bashar al Assad Sýrlands-
forseti segir að örlög sýrlensku
þjóðarinnar ráðist í orrustunni
um Aleppo. Hann hefur ekkert tjáð
sig opinberlega í hálfan mánuð, en
sendi í gær frá sér yfirlýsingu þar
sem hann hvetur her sinn til dáða.
Herinn hefur síðustu daga haldið
uppi hörðum árásum á Aleppo,
fjölmennustu borg landsins, sem
uppreisnarmenn höfðu að stórum
hluta náð á sitt vald.
Sausan Gaulage, talskona Sam-
einuðu þjóðanna í Sýrlandi, segir
að sýrlenskar herþotur hafi tekið
þátt í árásunum á uppreisnar-
menn.
„Í gær urðu eftirlitsmenn okkar
í fyrsta sinn vitni að skothríð frá
herþotum. Við höfum nú líka fengið
staðfestingu á því að stjórnar-
andstaðan er komin með þunga-
vopn, þar á meðal skriðdreka,“
hefur fréttastofan AP eftir henni.
Sameinuðu þjóðirnar hafa miklar
áhyggjur af örlögum almenn-
ings í borginni, sem verður fyrir
sprengjuárásum stjórnarhersins.
Þúsundir manna flýja borgina
á degi hverjum en margir komast
ekki burt og ástandið í borginni
versnar dag frá degi: „Fólk skortir
mat, eldsneyti, vatn og gas,“ segir
Gaulage.
Mannréttindasamtökin Amnesty
International sendu í gær frá sér
skýrslu, þar sem lýst er mann-
réttindabrotum stjórnarhersins
í Aleppo. Þar er fullyrt að bæði
stjórnarherinn og alræmdar hrotta-
sveitir á vegum stjórnarinnar hafi
ítrekað beitt skotvopnum á frið-
sama mótmælendur og drepið og
sært bæði þátttakendur í mótmæl-
um og aðra nærstadda, þar á meðal
börn. Einnig elti þeir uppi hina
særðu og líka lækna og heilbrigðis-
starfsfólk sem reynt hefur að líkna
þeim. Þá hafi margir þeirra sem
handteknir eru verið pyntaðir og
þeim ógnað með ýmsum hætti.
„Ekki kemur á óvart að lömun
alþjóðasamfélagsins undanfarna 18
mánuði hefur gert það að verkum
að Sýrlandsstjórn telur sig geta
haldið áfram brotum sínum, þar
á meðal stríðsglæpum og glæpum
gegn mannkyni, án ótta við refs-
ingu,“ segir Donatello Rovera hjá
Amnesty International. „Ástandinu
í Sýrlandi ætti tafarlaust að vísa til
Alþjóðlega sakadómstólsins.“
gudsteinn@frettabladid.is
Assad forseti hvetur
herlið sitt til dáða
Segir örlög Sýrlands ráðast í orrustunni um Aleppo. Amnesty International
fordæmir framferði stjórnarhersins og lýsir mannréttindabrotum hans í nýrri
skýrslu. Öryggisráð S.Þ. hvatt til að draga Sýrland fyrir stríðsglæpadómstól.
UPPREISNARMENN Í SÝRLANDI Komnir með skriðdreka sem þeir hirtu af stjórnarhernum. NORDICPHOTOS/AFP
LÖGREGLUMÁL Ofbeldisbrotum og innbrotum
fækkaði verulega á höfuðborgarsvæðinu á
síðasta ári. Þá fækkaði skemmdarverkum einnig
en kynferðisbrotum fjölgaði. Þetta er meðal þess
sem kemur fram í ársskýrslu lögreglustjórans á
höfuðborgarsvæðinu fyrir árið 2011 sem kom út
á þriðjudag.
Stefán Eiríksson lögreglustjóri segir lög-
reglunni á höfuðborgarsvæðinu hafa gengið vel
að ná markmiðum sínum á árinu 2011 í pistli í
skýrslunni. Það sjáist best í fækkun afbrota og
því mikla trausti sem almenningur ber til lög-
reglunnar og hennar starfa. Kemur fram í skýrsl-
unni að í viðhorfskönnun sem lögð var fyrir íbúa
síðasta sumar hafi tæplega 85% þátttakenda talið
lögregluna skila mjög eða nokkuð góðu starfi.
Eins og áður sagði fækkaði innbrotum veru-
lega á milli ára. Þannig voru að meðaltali
framin fjögur innbrot í umdæminu á dag árið
2011 en þau voru sex árið 2010. Rán voru um
fjörutíu og flest framin í tengslum við fíkni-
efnaskuldir.
Ofbeldisbrotum fækkaði einnig á milli ára
og voru minni háttar líkamsárásir færri en
um árabil. Alvarlegar líkamsárásir voru um
hundrað á árinu sem er ámóta og undanfarin
ár. Þá voru þrjú manndrápsmál til rannsóknar
hjá lögreglunni sem er óvanalega mikið.
Í skýrslunni segir að það verði verðugt verk-
efni að fækka alvarlegum ofbeldisbrotum auk
þess sem áhyggjum er lýst af auknum vopna-
burði. - mþl
Embætti lögreglustjórans á höfuðborgarsvæðinu lýsir yfir áhyggjum af auknum vopnaburði í ársskýrslu:
Ofbeldisbrotum og innbrotum fækkaði 2011
Stefán Eiríksson lögreglustjóri segir
góðan árangur lögreglunnar á höfuð-
borgarsvæðinu á síðasta ári áhugaverðan
í ljósi hins mikla niðurskurðar á fjárfram-
lögum sem embættið hefur þurft að
sæta síðustu ár. Hefur niðurskurðinum
meðal annars verið mætt með fækkun
starfsfólks og verkefna. Lýsir Stefán þeirri
skoðun sinni í ársskýrslunni að allt of
langt hafi verið gengið í niðurskurðinum
sem hafi fyrir vikið haft veruleg áhrif á
ýmsa þætti starfseminnar.
Of mikill niðurskurður
Telur þú að slaka megi á
öryggisleit á flugfarþegum í
Leifsstöð?
JÁ 43,6%
NEI 56,4%
SPURNING DAGSINS Í DAG:
Fylgdist þú með embættistöku
forseta Íslands?
Segðu þína skoðun á visir.is
DÓMSMÁL Brynjar Mettinisson,
sem setið hefur í fangelsi í Taí-
landi í rúmt ár grunaður um
fíkniefnabrot, var fundinn sýkn
saka í undirrétti þar í landi á
þriðjudag.
Saksóknaraembættið í Bang-
kok, höfuðborg Taílands, hefur
nú mánuð til að ákveða hvort
dómnum verður áfrýjað og ef það
verður gert þarf Brynjar að bíða
þess að málið verði tekið fyrir í
yfirrétti. Þangað til þarf hann að
sitja áfram í fangelsi.
DV greindi frá dómsniður-
stöðunni í gær og ræddi við Borg-
hildi Antons-
dóttur, móður
Brynjars, sem
kvaðst fegin
niðurstöðunni.
„Þetta er mikill
léttir og þó
að það sé smá
skuggi fram-
undan þá er
það samt léttir
að hann hafi
verið sýknaður,“ sagði hún í sam-
tali við blaðið.
Brynjar var handtekinn í
Bangkok í byrjun júní í fyrra.
Hann var talinn hafa ætlað að
flytja lítra af met amfetamíni
í vökvaformi til Japans ásamt
áströlskum vini sínum. Sjálfur
sagðist hann hafa haldið
vökvinn væri lyfjablanda ætluð
japönskum lækni.
Brynjar átti að fá jafnvirði
tæpra 300 þúsund króna fyrir
viðvikið en var handtekinn þegar
hann réð burðardýr til verksins,
sem reyndist vera dul búinn
lögreglumaður. Hann hefur
síðan búið við dapran aðbúnað í
fangelsi í höfuðborginni.
- sh
Íslendingur þarf að dúsa í fangelsi í Bangkok þar til ákveðið verður um áfrýjun:
Brynjar sýknaður af fíkniefnasmygli
BRYNJAR
METTINISSON
KJÖRKASSINN