Fréttablaðið - 06.10.2012, Page 105

LAUGARDAGUR 6. október 2012 69
Heimildarmynd Jóns Karls Helgasonar,
Sundið, verður frumsýnd í Bíó Paradís 18.
október. Hún fjallar um æsilegar raunir
tveggja Íslendinga, Benedikts Lafleur og
Benedikts Hjartarsonar, sem keppa að því
að verða fyrsti Íslendingurinn til að synda
yfir Ermarsundið.
„Ég fékk hugmyndina árið 2004 þegar ég
hitti Eyjólf Jónsson. Hann reyndi þrisvar
sinnum,“ segir Jón Karl.
Tveimur árum síðar fór hann með Bene-
dikt Lafleur til Dover á Englandi þaðan sem
hann ætlaði að synda Ermarsundið en þá
fékk hann ekki veður. Árið 2007 var veðr-
ið hagstæðara fyrir Benedikt og skömmu
síðar fór nafni hans Hjartarson af stað. Jón
Karl fylgdi þeim báðum eftir í bát. „Ég var
á sjónum í 45 tíma. Það var mjög erfitt að
mynda úti á sjó því báturinn var alltaf á
hreyfingu.“ Alls ferðaðist Jón Karl fimm
sinnum til Dover vegna myndarinnar.
Sundið rekur einnig sundkunnáttu Íslend-
inga og tvinnar saman myndskeiðum af
sögulegum stundum í lífi þjóðar þar sem
hafið leikur stórt hlutverk. Frá árinu 1880
til 1990 drukknuðu 5.354 Íslendingar, marg-
ir vegna þess að þeir kunnu ekki að synda.
Jón Karl leikstýrði síðast heimildar-
myndinni Álfahöllin sem fjallaði um Þjóð-
leikhúsið og kom út 2010. Áður gerði hann
myndirnar Heimsmethafinn í vitanum og
Mótmælandi Íslands um Helga Hóseasson.
- fb
Erfitt að mynda í 45 tíma á sjó
Í SUNDBOL Jón Karl Helgason bregður á leik í gamaldags
sundbol í Vesturbæjarlauginni. FRÉTTABLAÐIÐ/VALLI
Rapparanum Nicki Minaj og
söngkonunni Mariuh Carey lenti
saman eftir að hafa verið við tökur
á American Idol í Norður-Karól-
ínu á dögunum. Rifrildið á milli
kvennanna náðist á myndband
sem hefur gengið milli netmiðla.
Minaj og Carey eru dómarar
í bandarísku raunveruleikaþátt-
unum en af myndbandinu að
dæma er Minaj komin með nóg
af stjörnustælum Carey og kallar
hana öllum illum nöfnum.
Dömurnar hafa sjálfar ekki
tjáð sig um atvikið en eiginmaður
Carey, Nick Cannon, gerir lítið úr
því í viðtali við Access Hollywood
og fullyrðir að allir séu vinir í
American Idol í dag.
Í hár saman
Hljómsveitin Ghostigital í sam-
starfi við Kraum tónlistarsjóð
heldur tónleika á Faktorý í kvöld,
laugardag, undir formerkinu Raf-
Kraumur. Það er nýtt samstarfs-
verkefni með það að markmiði að
vinna að framþróun og fræðslu
um lifandi flutning raftónlistar.
Auk Ghostigital stíga Captain
Fufanu og Bypass á svið og einn-
ig plötusnúðarnir Gunni Ewok og
Árni Skeng.
Ghostigital leikur lög af nýút-
kominni plötu sinni, Division of
Culture and Tourism, í bland við
nýtt og eldra efni. Í nýjasta hefti
tímaritsins Mojo er farið fögrum
orðum um þessa þriðju plötu
Ghost igital.
RafKraumur
í fyrsta sinn
GHOSTIGITAL Hljómsveitin spilar á
Faktorý í kvöld.
KOMIN MEÐ NÓG AF CAREY Nicki Minaj
byrjar dómaraferil sinn í American Idol
með látum. NORDICPHOTOS/GETTY