Fréttablaðið - 06.10.2012, Page 118

6. október 2012 LAUGARDAGUR82
PERSÓNAN
Sigurgeir Ingi Þorkelsson
Aldur: 19 ára.
Starf: Í námi
og varaforseti
nemendafélags
MH.
Foreldrar:
Auður Eyvinds,
látin, og Þorkell
Sigurgeirsson,
viðskiptafræð-
ingur.
Fjölskylda: Ekk-
ert svoleiðis.
Búseta: Í
Kópavogi.
Stjörnumerki: Hrútur.
Sigurgeir Ingi er einn forsprakka nýstofn-
aðs Glee-klúbbs í MH.
Guðný Lára Thorarensen og Steinþór Helgi Arnsteins-
son hafa verið valin af Útflutningsskrifstofu íslenskr-
ar tónlistar, Útón, til starfsþjálfunar hjá breskri
umboðsskrifstofu í allt að tíu vikur.
Aðspurð segist Guðný Lára vera spennt fyrir dvöl
sinni í London og vonast til að starfsnámið eigi eftir
að nýtast vel. „Ég held að þetta hafi verið verðugar
umsóknir sem komust inn og ég er mjög ánægð með
að vera valin,“ segir hún, en ellefu umsóknir bárust
Útón. Þátttakendur fá styrk fyrir ferðakostnaði, leigu
á húsnæði og uppihaldi á meðan á starfsnáminu stend-
ur.
Guðný Lára, sem starfar hjá íslensku útgáfunni
Molestin Records, hefur skipulagt tónleika með
íslenskum hljómsveitum í rúman áratug. Aðeins
skemmra er liðið síðan hún byrjaði að flytja inn
fyrstu erlendu sveitirnar. Hún hefur verið viðloðandi
rokkhátíðina Eistnaflug í Neskaupstað síðan hún hóf
göngu sína og undanfarnar fimm hátíðir hefur hún
átt stóran þátt í skipulagningunni.
Steinþór Helgi hefur í þó nokkurn tíma starfað sem
umboðsmaður hljómsveitarinnar Hjaltalín, auk þess
sem hann hefur sinnt margs konar öðrum verkefnum,
þar á meðal innflutningi á erlendum hljómsveitum,
tónleikahaldi og plötuútgáfu. - fb
Læra umboðsmennsku í London
Á LEIÐ Í STARFSÞJÁLFUN Guðný Lára Thorarensen er á leiðinni
í starfsþjálfun til London ásamt Steinþóri Helga Arnsteinssyni.
FRÉTTABLAÐIÐ/ANTON
„Ég man ekki nákvæmlega hvenær hann kom.
Ætli það hafi ekki verið í kringum 2004, fljót-
lega eftir að Emil, gamli heimiliskötturinn, dó.
Sigríður Heiðberg var formaður Kattavina-
félagsins þá og hún var svo hrifin af Bjarti að
hún gerði hann að næsta heimilisketti. Hann
hefur verið hér síðan og er mjög hress miðað
við aldur,“ segir Petrún Sigurðardóttir, starfs-
maður Kattholts, um heimilisköttinn Bjart,
sem fagnaði fjórtán ára afmæli á fimmtudag og
verður viðstaddur sýningu kynjakatta í dag þar
sem hann safnar fé til styrktar Kattholti.
Petrún lýsir Bjarti sem skemmtilegum og
ljúfum ketti. Starfsfólk Kattholts kallar hann
gjarnan „Skrifstofustjórann“ því hann eyðir
stórum hluta dags á skrifstofu athvarfsins.
„Þegar dyrabjöllunni er hringt er hann sá fyrsti
til að heilsa upp á fólk. Hann stjórnar skrifstof-
unni og er gjarn á að leggjast ofan á lyklaborðið
þegar hann vill athygli. Þegar við erum ekki á
staðnum umgengst hann aðallega hótelgestina
okkar.“
Bjartur verður viðstaddur kynjakattasýn-
inguna í dag og á morgun. Þar mun hann safna
fé fyrir Kattholt, sem hefur átt í töluverðum
fjárhagsörðugleikum undanfarna mánuði.
„Hann verður þarna frá 10 til 17 og ætlar
að safna peningum fyrir athvarfið með því að
fá fólk til að borga 100 krónur fyrir að fá að
klappa honum. Þetta ár hefur verið okkur sér-
staklega erfitt og hingað koma margir ógeldir
og ómerktir kettir. Það gengur betur að finna
heimili fyrir kettlinga en eldri ketti. Við höfum
reynt að brýna fyrir fólki að gelda dýrin svo
hægt sé að koma í veg fyrir þessa miklu fjölg-
un,“ segir Petrún að lokum. - sm
Hundraðkall til að klappa kettinum Bjarti
VINSÆLL Bjartur er heimilisköttur og andlit Kattholts.
FRÉTTABLAÐIÐ/VALLI
„Við vorum nokkrir félagar sem
áttum þessa húseign og erum
búnir að selja hana. Við áttum
golfhermi saman inni í þessu húsi
og spiluðum golf þarna og horfð-
um á enska boltann. Það var nú
ekkert merkilegra en það,“ segir
Ragnar Gíslason, viðskiptafræð-
ingur og löggiltur endurskoðandi.
Hann var einn af eigendum hús-
eignar að Nýbýlavegi í Kópavogi
sem nú er til sölu hjá fasteigna-
sölunni Miðbæ. Hún hefur vakið
mikla athygli enda auglýst sem til-
valin piparsveinaíbúð eða klúbbur
fyrir „góðan hóp manna/kvenna“.
Samkvæmt upplýsingum
Fréttablaðsins festu Ragnar og
félagar hans kaup á klúbbnum
í gegnum félagið NY 19 ehf. á
tímum góðærisins. Núna er það
félagið Efniviður-Landmark ehf.
sem á klúbbinn, en það er í eigu
Magnúsar Einarssonar fasteigna-
sala.
Í lýsingu Miðbæjar segir að um
188,5 fermetra íbúð eða klúbb sé
að ræða sem búið sé að innrétta
á stórglæsilegan hátt. Steinteppi
er á gólfum, veggir eru klædd-
ir með viðarveggklæðningum
og plexígleri, tvöfaldur ísskáp-
ur með vínkæli er í eldhúsinu og
baðherbergið klætt með granít.
Eignin er skráð með 30 fermetra
bílskúr en í dag er þar herbergi
með golfhermi.
Innréttingarnar, þar sem fjólu-
blár litur kemur víða við sögu,
hafa einnig vakið athygli. „Þær
voru flottar og eru flottar,“ segir
Ragnar um innréttingarnar. „Við
sjáum ekkert eftir því. Við gerð-
um þetta bara vel.“
Samkvæmt upplýsingum frá
Miðbæ er vonast til að eignin
seljist á um fjörutíu milljónir
króna. freyr@frettabladid.is
RAGNAR GÍSLASON: SPILUÐUM GOLF OG HORFÐUM Á ENSKA BOLTANN
Fjörutíu milljóna klúbbhús
frá góðærinu er til sölu
KLÚBBHÚSIÐ Innréttingarnar eru „stórglæsilegar“ að mati Miðbæjar og telst eignin vera kjörin piparsveinaíbúð eða klúbbhús.
Skipholti 29A / andartak@andartak.is / www.andartak.is / Ásdís 898 9830 / Guðrún 896 2396
MINDFULNESS (núvitund)
gegn streitu með ÁSDÍSI OLSEN
Nýtt 8 vikna námskeið hefst þriðjudaginn 9. okt.
Einu sinni í viku frá 20.15–21.45. Verð: 24.500.-
Mikil áhersla er lögð á hagnýtar æfingar og virkni
þátttakenda. Námskeiðinu fylgir hugleiðsludiskur.
Hugarró og vellíðan í staðinn
fyrir áhyggjur og streitu
ANDARTAK Jóga og hei l sustöð
Geri hluti eins og nýja
(úr hvaða efni sem er)
Geri líka við málverk
Jón Vilhjálmsson
Sími 690-8069
Geymið auglýsinguna