Fréttablaðið - 25.10.2012, Qupperneq 58

25. október 2012 FIMMTUDAGUR42
F Ó T B O LT I F I FA , A lþj ó ð a
knatt spyrnu sambandið, hefur
ákveðið að taka í notkun tækni-
búnað sem sker úr um hvort mark
hafi verið skorað í knattspyrnu-
leikjum. Marklínutæknin verður
fyrst notuð á heimsmeistaramóti
félagsliða sem fram fer í Japan í
desember. Einhver bið verður á
því að íslenskir dómarar fái aðstoð
við slíka úrskurði í leikjum hér á
landi.
„Til að byrja með verður þessi
tækni aðeins notuð á stórmótum.
Englendingarnir munu byrja í
úrvalsdeildinni um leið og þeir
verða tilbúnir. Það gæti alveg
eins gerst í janúar ef allt geng-
ur upp. Ég sé ekki að þetta verði
tekið í notkun hér á landi á næstu
árum. Kostnaðurinn er einfald-
lega of mikill,“ segir Gylfi Orra-
son varaformaður KSÍ og formað-
ur dómara nefndar KSÍ.
„Það hefur legið í loftinu að
þessi tækni yrði tekin í notkun –
og ég tel að þetta sé aðeins upp-
hafið á einhverju meira, hvort leik-
maður hafi verið rangstæður eða
ekki, svo eitthvað sé nefnt. Ég er
sjálfur íhaldssamur hvað þessa
hluti varðar og að mínu mati þarf
að fara varlega í allar breytingar,“
bætti Gylfi við.
Tvö fyrirtæki, GoalRef, og
Hawk-Eye, hafa fengið formlegt
leyfi frá FIFA til þess að þróa
enn frekar marklínutæknina. Og
eitt af skilyrðum FIFA er að bæði
fyrirtækin leggi fram tryggingar
þess efnis að ekki verði hægt að
lögsækja FIFA ef útbúnaðurinn
bilar eða kemst að rangri niður-
stöðu.
GoalRef er samvinnuverkefni
hjá dönsku og þýsku fyrirtæki, en
Hawk-Eye er breskt fyrirtæki sem
er nú í eigu Sony. Hawk-Eye hefur
verið notað lengi í tennisíþróttinni
til þess að dæma hvort boltinn hafi
verið inni á vellinum eða utan, og
þessi tækni er einnig notuð í krik-
ket, ruðningi, og NFL-deildinni í
Bandaríkjunum.
FIFA mun leggja til um 50 millj-
ónir kr. á þeim völlum þar sem
marktækniútbúnaðurinn verð-
ur settur upp. Heildarkostnaður-
inn við framkvæmdina á hverjum
velli liggur ekki fyrir. FIFA mun
ekki gefa leyfi til sjónvarpsstöðva
að sýna myndirnar sem notaðar
verða til þess úrskurða hvort mark
hafi verið skorað eða ekki.
Þessi tækni verður til stað-
ar þegar heimsmeistaramótið
fer fram í Brasilíu árið 2014, og
HM U21 árs karla, sem fram fer
á næsta ári, verður fyrsta „stór-
mótið“ þar sem þessi nýja tækni
verður notuð.
Í gegnum tíðina hafa fjölmörg
atvik komið upp í stórleikjum þar
sem dómarar hafa þurft að taka
umdeildar ákvarðarnir og dæma
hvort boltinn hafi farið yfir mark-
línuna eða ekki. Úrslita leikur
Englands og Þýskalands á HM
árið 1966 er án efa eitt frægasta
dæmið. Þar skaut enski landsliðs-
maðurinn Geoff Hurst boltan-
um í þverslá þýska marksins og
aserskur aðstoðardómari leiks-
ins dæmdi að boltinn hefði farið
inn fyrir marklínuna. Hurst kom
Englendingum í 3-2 með þessu
marki, sem jafnframt var þriðja
mark hans, en leikurinn endaði
4-2.
seth@365.is
MARKLÍNUTÆKNIN
TEKUR VÖLDIN
FIFA gefur grænt ljós á nýja tækni sem mun skera úr um hvort mark hafi verið
skorað eða ekki. Litlar líkur á því að þessi tækni verði notuð hér á landi í nánustu
framtíð vegna mikils kostnaðar. Frumsýning á heimsmeistaramóti félagsliða.
© GRAPHIC NEWS
Hvers konar útbúnað ætlar FIFA að nota
við marklínutæknina?
Alþjóðaknattspyrnusambandið, FIFA, hefur ákveðið að taka í notkun tækni búnað
sem sker úr um hvort boltinn hefur allur farið yfir marklínuna. Tæknibúnaðurinn
á að vera 100% öruggur og er aðeins 1 sekúndu að komast að niðurstöðu.
GoalRef: Lítill kostnaður, virkar vel ef margir leikmenn eru við marklínuna,
en ekki hægt að skoða atvikið í sjónvarpsútsendingu.
Loftnet: Alls 10 staðsett á
þverslá og markstöngum. Rafsegulsvið
umlykur marklínuna.
Loftnet er grafið rétt
undir jarðveginum
undir marklínunni.
Boltinn: Þrír kopar-
þræðir eru staðsettir
á milli blöðrunnar og
ysta lagsins.
Loftnetsútbúnaðurinn
nemur þegar boltinn fer
inn á marklínusvæðið –
0,5 sekúndum síðar fær
dómarinn merki ef boltinn
fer allur yfir marklínuna.
Hawk-Eye
Sex háhraða, og háskerpumynda-
vélar eru staðsettar við mörkin.
Staðsetning boltans, í þrívídd, er reiknuð út með
upplýsingum frá þremur myndavélum.
Hægt er að meta nákvæma stöðu boltans
og skekkjumörkin eru aðeins 3,6 mm.
Kostir Hawk-Eye eru að hægt að
skoða atvikin í þrívídd samstundis,
ókostirnir eru að útbúnaðurinn er
dýr og hann virkar illa ef margir leik-
menn eru í þvögu á marklínunni.
HEIMILDIR: HAWK-EYE INNOVATIONS, FRAUNHOFER IIS
HANDBOLTI HSÍ staðfesti í gær að
Óskar Bjarni Óskarsson heldur
ekki áfram sem aðstoðarþjálfari
karlalandsliðsins í handbolta.
Gunnar Magnússon, sem
verið hefur í þjálfarateymi
landsliðsins lengi, mun taka
við sem aðstoðarþjálfari
af Óskari Bjarna en Aron
Kristjánsson hafði áður
tekið við aðalþjálf-
arastöðunni af Guð-
mundi Guðmunds-
syni. Gunnar hefur
verið helsti mynd-
bandssérfræðingur landsliðsins
undanfarin ár en þarf aðeins að
klippa minna í nýja starfinu.
Erlingur Richardsson, þjálfari
ÍBV og fyrrverandi þjálfari
Íslandsmeistara HK, kemur
inn í landsliðsþjálfara teymið
og mun taka við því starfi
sem Gunnar hefur sinnt frá
árinu 2006. Fyrstu verkefni
landsliðsins með nýja
þjálfarateyminu verða
tveir leikir um næstu
mánaðamót í undan-
keppni EM 2014. - óój
Breytingar á þjálfarateymi handboltalandsliðsins:
Óskar út – Erlingur inn
MARK SEM EKKI VAR DÆMT GILT Manuel Neuer, markvörður Þýskalands, horfir hér á eftir boltanum fara inn fyrir marklínuna eftir
skot Frank Lampard á HM í Suður-Afríku 2010. NORDICPHOTOS/GETTY