Fréttablaðið - 21.12.2012, Blaðsíða 16

21. desember 2012 FÖSTUDAGUR| FRÉTTIR |
Fjölskipaður Héraðsdómur
Reykjaness kvað í gær upp dóm
yfir tíu mönnum vegna hrottafeng-
inna líkamsárása. Fangelsisrefs-
ing þeirra nemur í heild 20 árum
og þremur mánuðum.
Þyngstu dómana hlutu Ann-
þór Kristján Karlsson, sjö ár, og
Börkur Birgisson, sex ár. Aðrir
sakborningar fengu eins og hálfs
til tveggja ára dóm, utan eins sem
fékk fimmtán mánaða dóm sem
bundinn er skilorði.
Annþór og Börkur, sem hafa
verið duglegir að sækja öll þing-
höld í málinu frá því á rann-
sóknarstigi, voru ekki viðstaddir
dómsuppkvaðninguna í gær. Eini
sakborningurinn sem lét sjá sig
var Sigmundur Geir Helgason,
betur þekktur sem Simbi, sem
mætti í fylgd föður síns.
Þrjár hrottafengnar árásir
Réttarhöldin í málinu voru gríðar-
lega mikil að vöxtum, tóku rúm-
lega þrjá daga, og viðbúnaðurinn
í Héraðsdómi Reykjaness var for-
dæmalaus. Þrettán lögreglumenn
stóðu vörð í þinghúsinu þegar
mest lét. Ástæðan var sú að Ann-
þór og Börkur höfðu orðið uppvís-
ir að slæmri hegðun bæði í fang-
elsi og í dómshúsum mánuðina á
undan.
Málið sem allt snýst um var þrí-
þætt; ákært var fyrir þrjár lík-
amsárásir, framdar frá því í októ-
ber 2011 og fram í janúar 2012.
Sakfellt var fyrir alla ákærulið-
ina í málinu.
Fyrsta árásin var framin á sól-
baðsstofu Annþórs í Hafnarfirði í
október í fyrra. Kaj Anton A. Lar-
sen og sakborningurinn sem fékk
vægustu refsinguna í málinu öllu
færðu þá tvo menn á sólbaðstof-
una í því skyni að fá Annþór til að
„ræða við“ þá um skuld.
Þar tók Annþór á móti þeim
og beitti þá báða ofbeldi. Þessi
ákæruliður var sá eini sem Ann-
þór viðurkenndi að hluta, þótt
hann segðist ekki hafa gengið
jafnlangt og ákæruvaldið full-
yrti. Ekki var tekið mark á þeim
athugasemdum og mennirnir þrír
allir sakfelldir.
Önnur árásin var framin í
Jötnaborgum í Grafarvogi um
miðjan desember í fyrra. Þar réð-
ust Annþór og Börkur inn á heim-
ili í félagi við aðra, slógu tvo menn
með bareflum og neyddu þann
þriðja til að kasta af sér vatni yfir
annan þeirra.
Annþór og Börkur sögðu þennan
ákærulið uppspuna en dómurinn
tekur ekkert mark á þeim. „Fram-
burður ákærðu Annþórs og Bark-
ar er í öllum atriðum ótrúverðug-
ur,“ segir þar um.
Hópur manna veitti þeim lið-
sinni við árásina, en aðeins Jón
Ólafur Róbertsson og áðurnefnd-
ur Sigmundur Geir voru ákærðir
fyrir hlutdeild í brotinu. Þeir voru
báðir sakfelldir. Ástæða árásar-
innar mun hafa verið sú að einn
þolendanna hafði látið það út úr
sér að réttast væri að skjóta fæt-
urna undan Annþóri og Berki.
Þriðja og síðasta árásin var
framin í blábyrjun þessa árs. Þar
eru Annþór og Börkur dæmdir,
ásamt sjö öðrum sakborningum,
fyrir að hafa ruðst inn á heimili
að Háholti í Mosfellsbæ og gengið
í skrokk á mönnum sem þar voru
inni. Einn þolendanna hlaut opið
beinbrot á sköflungi.
Annþór og Börkur neituðu
alfarið að hafa haft sig nokkuð í
frammi við árásina – þeir hefðu
verið á staðnum í öðrum erinda-
gjörðum. Á þetta fellst dómur-
inn ekki og telur „alveg ljóst“ að
nímenningarnir hafi tekið ákvörð-
un um árásina í sameiningu. Ann-
þór og Börkur hafi farið fyrstir
inn til að kanna hvort öðrum væri
óhætt að ráðast til atlögu.
Ljóst þykir að Annþór hafi litlu
ofbeldi beitt sjálfur, hins vegar
telur dómurinn ljóst að „tilviljun
ein réð því hver gerði hvað“. Börk-
ur hafi tekið þátt í árásinni, en
Annþór léð árásinni „aukið vægi
með nærveru sinni“.
Virða ekki skilorð
Annþór og Börkur eiga sér báðir
langa afbrotasögu. Annþór hefur
hlotið ellefu refsidóma frá árinu
1993, meðal annars þriggja ára
dóm fyrir líkamsárás árið 2005 og
fjögurra ára fangelsi fyrir fíkni-
efnasmygl árið 2009.
Börkur hefur sjö sinnum verið
dæmdur til refsingar frá árinu
1997, meðal annars fékk hann sjö
og hálfs árs fangelsisdóm árið
2005 fyrir manndrápstilraun með
öxi á veitingastaðnum A. Hansen í
Hafnarfirði.
Báðir hafa þeir ítrekað rofið
skilorð. „Virðast varnaðaráhrif
skilorðsdóma eða reynslulausn-
ar engin áhrif hafa á ásetning
[ákærðu] til afbrota,“ segir í dómn-
um.
Þeir eru, eins og áður er lýst,
dæmdir fyrir ítrekaðar hættuleg-
ar líkamsárásir, frelsissviptingar,
nauðung, hótanir og fjárkúgun og
eiga sér engar málsbætur að mati
dómsins.
Saksóknari fór fram á átta ára
dóm yfir Annþóri og sjö ára dóm
yfir Berki.
Verjendur eru engu að síður
óánægðir með niðurstöðuna og
telja dómana allt of þunga. Þeir
sögðu við fjölmiðla að lokinni
dómsuppkvaðningunni í gær að
niðurstöðunni yrði að öllum lík-
indum áfrýjað til Hæstaréttar.
ASKÝRING | 16
DÓMUR FALLINN Í MÁLI ANNÞÓRS OG BARKAR
Sími 412 2500 - sala@murbudin.is - www.murbudin.is
– Afslátt eða gott verð?
KALT ÚTI
Rafmagnshitablásari
2Kw 1 fasa
6.990
LI! Panelofnar í MIKLU ÚRVA
FRÁBÆRT VERÐ!
KRANAR OG
HITASTILLAR FRÁ
Ryco-1509 Olíufylltur
2000W rafmagnsofn
m/termo stillingum og
yfirhitavörn 9 þilja
7.990
Kletthálsi Reykjavík
Reykjanesbæ
Akureyri
Vestmannaeyjum
Ryco-2006T Rafmagns -
þilofn Turbo me ð y firhita -
vari 3 stillingar 2000w
4 490.
Rafmagnshita-
blásari 2Kw
1.995
Með því að kaupa
FRIÐARLJÓSIÐ
styrkir þú hjálparstarf
og um leið verndaðan
vinnustað.
P
IP
A
R
\T
B
W
A
-
1
02
97
5
LÁTUM
FRIÐARLJÓSIÐ
LÝSA UPP AÐVENTUNA
Fengu samtals
20 ár í fangelsi
Annþór Karlsson, Börkur Birgisson og átta aðrir fengu
þunga dóma fyrir aðild sína að þremur líkamsárásum.
Dómari segir Annþór og Börk ekki eiga sér neinar
málsbætur. Verjendur segjast líklega munu áfrýja.
Stígur
Helgason
stigur@frettabladid.is
7 ÁR 6 ÁR
2 ÁR 1,5 ÁR
Annþór
Kristján
Karlsson
Börkur
Birgisson
Jón Ólafur Róbertsson
Smári Valgeirsson
Viggó Emil Berglindarson
Kaj Anton A. Larsen
Sigmundur Geir Helgason
Sindri Kristjánsson
Viktor Hrafn Einarsson
Tíundi maðurinn hlaut 15 mánaða skilorðsbundinn dóm.
Þessir hlutu dóma í málinu:
ÚR DÓMSAL Í GÆR Verjendur voru mættir, ásamt Sigmundi Geir Helgasyni, sem
situr hér lengst til vinstri við hlið föður síns. FRÉTTABLAÐIÐ/ANTON
Á SAKAMANNABEKK Þar sem Annþór og Börkur huldu í öllum tilvikum andlit sín á leið í dómsal brá Fréttablaðið á það ráð að
fá teiknarann Halldór Baldursson til að bregða upp mynd af þeim. Þeir sjást hér, sitjandi á bak við verjendur í málinu.
Framburður ákærðu
Annþórs og Barkar er í
öllum atriðum ótrúverð-
ugur
Úr dómi Héraðsdóms Reykjaness