Fréttablaðið - 21.12.2012, Síða 68
21. desember 2012 FÖSTUDAGUR| MENNING | 44
BÆKUR ★★★★★
Paintings/Málverk
Eggert Pétusson
CRYMOGEA
Bókin Paintings / Málverk sem fjallar um
verk Eggerts Péturssonar myndlistar-
manns, kemur sér beint að efninu. Fremst
er samtal Þorláks Einarssonar og Krist-
jáns B. Jónassonar við listamanninn. Það
er unnið þannig að listamaðurinn segir
frá í fyrstu persónu frásögn í gegnum
nær allan textann, sem er hluti af þess-
ari vel völdu, beinskeyttu og einbeittu
nálgun bókarinnar. Að loknu samtalinu,
sem er mátulega langt, koma myndir af
úrvali af málverkum Eggerts í tímaröð.
Aftast er svo hin dæmigerða ferilskrá á
einni blaðsíðu, eins og jafnan í listaverka-
bókum og sýningarskrám. Það er engin
ævisaga í bókinni, eða æviágrip, utan það
sem kemur fram í orðum Eggerts sjálfs,
enginn listfræðitexti og enginn upphafinn
formáli. Þessi hreina og beina nálgun bók-
arinnar er meðal þess sem gerir hana jafn
góða og raun ber vitni.
Það þarf varla að kynna Eggert lengur
fyrir fólki, verk hans hafa fengið góða
kynningu á síðustu árum, og hann notið
mikilla vinsælda. Verkin hafa líka selst
eins og heitar lummur, eins og listamaður-
inn er ófeiminn við að tala um í textanum.
Málverkin höfða enda til fegurðarskyns
almennings; litskrúðug blóm úr íslenskri
náttúru breiða úr sér yfir myndflötinn
þannig að menn geta, sérstaklega í stærri
verkunum, týnt sér í blómahafinu og
komið að verkunum aftur og aftur og séð
eitthvað nýtt í hvert sinn, eða rétt eins og
Eggert segir sjálfur í samtalinu í bókinni:
„Málverk er aldrei eins. Í hvert skipti sem
litið er á það hefur það breyst.“
Það sem maður lærir samt á lestri bók-
arinnar er að hér er á ferð listamaður sem
er ekki allur þar sem hann er séður.
Bókin er í stóru en nokkuð óvenjulegu
mjúku broti sem samt fer vel í hendi. Það
er ánægjuleg upplifun að blaða í henni
fram og til baka. Hönnun þeirra Hildi-
gunnar Gunnarsdóttur og Snæfríðar Þor-
steins er óaðfinnanleg og spilar letur,
pappír og annað vel með efni bókarinnar.
Prentun er sömuleiðis frábær og gerir
verkunum góð skil.
Það sem mörgum kann að finnast sér-
stakt við bókina, og gæti jafnvel pirrað
einhverja, er það hvað margar myndanna
í bókinni eru litlar. Menn gætu spurt sig;
af hverju að vera með myndina pínulitla á
blaðsíðunni, þegar nóg pláss er allt í kring.
Svarið við því er augljóslega það að mynd-
irnar eru birtar í hlutfallsstærð, þ.e. mynd-
irnar eru hlutfallslega í réttum stærðum
innbyrðis. Þessi aðferð gefur betri tilfinn-
ingu fyrir raunstærð myndanna og því
hvernig listamaðurinn vinnur, og rímar
þar að auki við þá „sérviskulegu“ aðferð
listamannsins við málunina að mála alltaf
blómin og jurtirnar í raunstærð.
Fyrir þá sem vilja kynnast ekki bara
verkum listamannsins, heldur einnig hug-
myndafræðinni á bak við verkin, tilrauna-
mennskunni, vinnubrögðunum og hvern-
ig verkin hafa þróast í gegnum tíðina er
þessi bók frábær inngangur. Þeir sem
hafa hingað til hafa skoðað myndirnar án
þess að kafa dýpra, kynnast því hvernig
listamaðurinn tengir verkin við gjörn-
ingalist, hugmyndalist og rýmislist, ásamt
því auðvitað að fá innsýn í það hvernig
hann velur myndefnið og hvernig hann
vinnur frá hugmynd að fullkláruðu verki.
Hér fæst því talsvert meira kjöt á beinin
fyrir áhugasama. Við fáum meira að segja
að heyra það frá listamanninum að hann
vilij að verkin hafi pólitíska rödd, og að
þau séu innlegg í umræðu um náttúru-
vernd: „Þetta eru áróðursmyndir. Þær eru
hápólitískar […].“, og að lokum má nefna
að listamaðurinn leyfir sér að gera góðlát-
legt grín að kaupæðinu sem hefur mynd-
ast í kringum verk hans. Þóroddur Bjarnason
NIÐURSTAÐA: Afar vel heppnuð og falleg bók,
sem spilar með sérvisku listamannsins.
Hreint og beint
ÁN TITILS „Málverk er aldrei eins. Í hvert skipti sem litið er á það hefur það breyst,“ segir Eggert.
MYND/GUÐMUNDUR INGÓLFSSON.
Fyrir þá sem vilja kynnast
ekki bara verkum listamannsins,
heldur einnig hugmyndafræð-
inni á bak við verkin, tilrauna-
mennskunni, vinnubrögðunum
og hvernig verkin hafa þróast í
gegnum tíðina er þessi bók
frábær inngangur.
Knattspyrnumaðurinn Ólafur Ingi Skúlason og eiginkona
hans Sigurbjörg Hjörleifsdóttir eru búsett í Belgíu ásamt
tveimur börnum sínum. Líf þeirra tók nýja stefnu þegar
sonur þeirra kom í heiminn.
Tölvuleikir geta verið ávanabindandi,
haft áhrif á heilsu og tilfinninganæmi.
Áhrif tölvuleikja á
börn og unglinga
Hann gerir okkur öll að betri manneskjum
Leikskólakrakkar á Hvammi í
Hafnarfirði ræða um jólahald.
Solla á bláum kjól
besta jólalagiðHvernig var bókmenntaárið 2012?
Yfirlit yfir bókadóma ársins í blaðinu.
Ár bókarinnar
Gómsætir munnbitar af ýmsu tagi.
Spennandi smáréttir á jólaborðið.
Rúgbrauð og rauðrófur
Helgarblað
Fréttablaðsins
Meðal efnis núna um helgina
Helgarblað Fréttablaðsins, ómissandi hluti af góðri helgi