Fréttablaðið - 21.12.2012, Blaðsíða 10
21. desember 2012 FÖSTUDAGUR| FRÉTTIR | 10
RÚSSLAND, AP Dúman, neðri deild
rússneska þingsins, samþykkti
í gær með yfirgnæfandi meiri-
hluta lagafrumvarp sem felur í
sér bann við því að Bandaríkja-
menn ættleiði börn frá Rússlandi.
Þetta var aðeins önnur umræða
um frumvarpið af þremur og alls
óvíst hvort meirihluti fæst í þriðju
umferð. Efri deild þingsins á eftir
að fjalla um það áður en það verð-
ur sent til Vladimírs Pútíns for-
seta til undirritunar.
Samtals greiddu hins vegar 388
þingmenn af alls 450 atkvæði með
frumvarpinu í annarri umferð,
sem sýnir að ríkur vilji er fyrir
því á þingi að þetta bann verði að
veruleika.
Með þessu eru rússnesku þing-
mennirnir að svara bandarískum
lögum sem Barack Obama Banda-
ríkjaforseti undirritaði í síðustu
viku. Þar ákvað Bandaríkjaþing
að rússneskir embættismenn sem
framið hafa mannréttindabrot
verði beittir refsiaðgerðum.
Undir niðri hefur auk þess lengi
verið kraumandi reiði í Rúss-
landi gagnvart ættleiðingum
rússneskra barna til Bandaríkj-
anna. Þessi reiði hefur magnast
upp eftir að fréttir bárust af því
að ættleidd börn frá Rússlandi
hefðu sætt illri meðferð af hálfu
bandarísku foreldranna og jafnvel
látið lífið. Auk þess þykir mörg-
um Rússum að í ættleiðingum til
Bandaríkjanna felist hugmyndir
um að Rússar geti ekki sinnt eigin
börnum nógu vel.
Pútín forseti segist ekki hafa
tekið endanlega ákvörðun um
það hvort hann staðfesti lögin, en
segir áhyggjur þingmanna rétt-
lætanlegar. Hann segir að þótt
flestir Bandaríkjamenn sem ætt-
leiða rússnesk börn séu gott og
heiðarlegt fólk þá sé börnunum
ekki tryggð nægileg vernd gegn
illri meðferð.
Rússneska frumvarpið er nefnt
eftir Dima Jakovljev, rússnesk-
um dreng sem ættleiddur var til
Bandaríkjanna en lét þar lífið
eftir að stjúpfaðir hans skildi
hann eftir einan í bifreið í nokkr-
ar klukkustundir í steikjandi hita.
Faðirinn var reyndar sýknaður
síðar af ákærum um manndráp
af gáleysi.
Tilefni bandarísku laganna er
hins vegar mál rússneska lög-
fræðingsins Sergei Magnitskí,
sem var handtekinn í Rússlandi
og sakaður um stórfelld skattsvik.
Honum var ítrekað neitað um
læknishjálp og lést í rússnesku
fangelsi árið 2009. Mannréttinda-
samtök saka rússnesk stjórnvöld
um að hafa ekki sótt til sakar þá
sem báru ábyrgð á örlögum hans.
gudsteinn@frettabladid.is
388
af
450
greiddu atkvæði með frum-
varpinu í annarri umferð,
sem sýnir að ríkur vilji er
fyrir því á þingi að þetta
bann verði að veruleika.
ÞÚ GETUR GERT KRAFTAVERK Í DAG
Með hreinu vatni g efur þú betri heilsu, menntun og bjarta framtíð.
Þú getur hjálpað núna með því að
greiða valgreiðslu í heimabanka
Einnig:
frjálst framlag á framlag.is
gjafabréf á gjofsemgefur.is
907 2003 styrktarnúmer (2.500 kr.)
söfnunarreikningur:
0334-26-50886, kt. 450670-0499
GEFÐU GJÖF SEM
SKIPTIR MÁLI
PI
PA
R\
TB
W
A
-
SÍ
A
-
12
32
39
Rússar svara
með ættleið-
ingarbanni
Meirihluti er á rússneska þinginu fyrir því að banna
bandarískum foreldrum að ættleiða rússnesk börn.
Viðbrögð við nýrri löggjöf í Bandaríkjunum um
refsiaðgerðir vegna mannréttindabrota í Rússlandi.
RÚSSNESKA ÞINGIÐ Margir Rússar eru ósáttir við ættleiðingar rússneskra barna til
Bandaríkjanna. NORDICPHOTOS/AFP
Komu áhorfendum á óvart
1KÍNA Kínverskir sjónvarpsáhorf-endur ráku upp stór augu þegar
kvikmyndin „V for Vendetta“ var
sýnd þar nýverið. Í myndinni er fylgst
með uppreisn stjórnleysingja gegn
alræðisstjórn og fólk hvatt til að
óttast ekki stjórnvöld. Margir höfðu
talið að þessi mynd væri á bannlista
í Kína, enda var hún aldrei sýnd þar
í kvikmyndahúsum. „Við bjuggumst
ekki við svona miklum viðbrögðum,“
sagði talskona ríkissjónvarpsins, hálf-
undrandi.
Talabani í Þýskalandi
2ÞÝSKA-LAND Jalal
Talabani, forseti
Íraks, er kominn
á sjúkrahús í
Þýskalandi þar
sem færustu sér-
fræðingar sinna
honum. Hann
fékk heilablóðfall
í vikunni og óvíst
er um batahorfur. Hann er þó sagður
aðeins vera að hressast: „Hann er að
byrja að ná áttum. Hann finnur til
sársauka, og það er batamerki,“ segir
Hoshyar Zebari, utanríkisráðherra
Íraks.
Kauphöllin seld
3NEW YORK Kauphöllin í New York, sem starfað hefur í meira
en tvær aldir, verður seld til kauphall-
arinnar Intercontinental Exchange
Inc., eða ICE, fyrir átta milljarða dala.
Höfuðstöðvar nýju kauphallarinnar
verða bæði í New York og í Atlanta.
Stjórnir beggja fyrirtækja hafa
samþykkt kaupin, en bandaríska
fjármálaeftirlitið á enn eftir að leggja
blessun sína yfir þau.
UPPLÝSINGATÆKNI Ný öryggisvið-
bót Google fyrir nýjustu útgáfu
Android-stýrikerfisins (JellyBean
4.2) sem vinsa á óværu úr þeim
fjölda smáforrita (appa) sem í
boði eru reynist hafa takmarkaða
virkni.
Viðbótin, App Verification Ser-
vice, greinir aðeins 15 prósent
þekktrar óværu, eins og fram
hefur komið í prófunum. Smáfor-
rit frá vírus varnafyrirtækjum
sem í boði eru fyrir snjall-
síma og tölvur með Andro-
id-stýrikerfi grípa aftur
á móti frá 51% til allrar
óværu.
Óværa í gervi smá-
forrita getur verið
margvísleg, allt frá
því að breyta tækinu
í dreifistöð fyrir rusl-
póst í að stela notenda-
upplýsingum og til þess að
njósna um notanda tækisins.
Sé fólk með kveikt á öryggisvið-
bótinni þá eru send boð í netský
Google áður en smáforrit eru sett
upp og síðan kemur viðvörun á skjá
símans eða tölvunnar ef forritið er
vafasamt eða uppsetning er stöðv-
uð ef um þekkta óværu er að ræða.
Samanburður öryggisviðbótar-
innar, sem unninn var við tölvun-
arfræðideild ríkisháskóla Norð-
ur-Karólínu í Bandaríkjunum,
við fjölda vírusvarnaforrita leiðir
hins vegar í ljós að notendum
nægir ekki virknin ein til að
tryggja öryggi tækja sinna.
Í úttektinni er bent á að
öryggisviðbótin styðj-
ist ekki við gögn frá
Total Virus, vírusv-
arnafyrirtæki í eigu
Google, sem standi sig
mun betur en viðbótin
ein. - óká
Nýtt öryggisforrit Google stenst ekki kröfur:
Grípur bara 15 prósent vágesta
VINNUMÁL Lausn er ekki í sjón-
máli í kjaradeilu hjúkrunarfræð-
inga við Landspítalann. Sam-
starfsnefnd Félags íslenskra
hjúkrunarfræðinga og Landspít-
alans fundaði síðast á miðviku-
dag. Ekki liggur fyrir tímasetn-
ing næsta fundar.
„Viðræðurnar eru vingjarn-
legar og við skiljum hver afstöðu
annarra,“ segir Erna Einarsdótt-
ir, framkvæmdastjóri mannauðs-
sviðs Landspítalans og formaður
kjara- og launanefndar spítalans.
„En forsenda lausnar er pening-
ar og ekki komin nein niðurstaða
enn þá.“ Hún segir hugmynd
hafa verið reifaða á fundinum á
miðvikudag og ákveðið að hittast
aftur þegar búið væri að skoða
hana. „En við fastsettum það ekki
hvenær við myndum hittast.“ - óká
Deila hjúkrunarfræðinga:
Niðurstaða
ekki í sjónmáli
HEIMURINN
1
2
3