Fréttatíminn - 07.01.2011, Qupperneq 25

Finndu okkur á
Geisladiska viðgerðir
GRENSÁSVIDEÓ
hika við að taka því. Það stóð allt
heima, ég fylgdi ráðum Skúla og líf
mitt gjörbreyttist. Skúli varar fólk
þó við því að fara of mikið til miðla –
við höfum nóg að gera í þeim heimi
sem við lifum í og eigum ekki að
sökkva okkur alveg í hinn heiminn
– en þar sem ráð hans reyndust mér
svo vel hef ég ekki getað stillt mig
um að fara nokkrum sinnum þegar
ég hef staðið á tímamótum ...“
Skúli Lórenzson
Skúli Lórenzson er miðill sem bú-
settur er á Akureyri en kemur oft
til Reykjavíkur og heldur fundi hjá
Sálarrannsóknarfélaginu.
„Ég var búin að vera eitthvað pirr-
uð út í mömmu í langan tíma og leið
hreinlega ekki vel þegar mér bauðst
að fara í tíma til Skúla Lórenzsonar
í stað vinkonu minnar sem komst
ekki,“ segir ung stúlka. „Afi kom
strax til mín og sagði að ég ætti að
hætta að vera svona pirruð og taka
létt á því hvernig mamma væri.
Skúli las mig alveg sem manneskju
og það passaði allt sem hann sagði
varðandi fortíð og nútíð og margt
af því sem hann sagði við mig hefur
komið fram núna. Hann var mjög
nákvæmur með allt og hikaði aldrei;
var ekki með ágiskanir á nöfn eins
og ég hef upplifað hjá öðrum miðl-
um og spurði aldrei „kannast þú
við þetta“. Hann vissi nákvæm-
lega hvað hann var að gera. Pabbi
minn hafði til dæmis átt við mjög
sérstök veikindi að glíma og Skúli
lýsti þeim veikindum vel; hvernig
honum hefði liðið og hvernig hon-
um liði núna. Mamma veiktist al-
varlega skömmu síðar og Skúli vissi
líka allt um hennar veikindi og hvað
hefði verið gert til að hjálpa henni.“
Ferskjulituðu rósirnar
Ein frásögn af því hversu sannur
miðill Skúli Lórenzson er, rat-
aði í bók árið 2009. Sagan er svo
skemmtileg að hún verður að fá að
fljóta hérna með:
„Ég hafði aldrei farið til mið-
ils þegar mér var bent á að fara til
Skúla Lórenzsonar fyrir nokkrum
árum. Ég hafði þá verið fráskilin í
nokkur ár. Skúli byrjaði fljótlega
á að segja mér að mín biði maður
„handan við hornið“ eins og hann
orðaði það. Ég hélt nú aldeilis ekki,
ég hefði einfaldlega ekki áhuga á
að kynnast öðrum manni. Skúli
sagði að það yrði nú samt þannig,
það væru bara nokkur skref milli
mín og þessa manns. Hann væri
menntaður á tæknisviði og ég yrði
mikið fyrir austan. Til sönnunar
sagði hann að amma mín sem ég
væri skírð eftir væri hjá mér og
hún segði að það fyrsta sem þessi
maður myndi gefa mér væri rósa-
búnt úr ferskjulituðum rósum. Ég
sá fyrir mér tæknifræðing á Aust-
fjörðum og fannst þetta algjörlega
fjarstæðukennt. Klukkutíma eftir
að ég kom heim hringdu vinkonur
mínar og buðu mér út að borða. Á
veitingastaðnum sat afar hugguleg-
ur maður og við tókum tal saman.
Daginn eftir kom hann og bauð mér
í ökuferð. Austur! En ekki austur á
Firði, heldur austur fyrir fjall þar
sem hann á sumarbústað. Og það
fyrsta sem hann gaf mér? Búnt af
ferskjulituðum rósum. Nú höfum
við verið hamingjusamlega gift í
nokkur ár og ég fæ rósir með reglu-
legu millibili. Þannig að ég veit að
Skúli Lórenzson er sannur miðill.“
Að kynna sér miðlana áður en
pantað er
Enginn þeirra sem ég ræddi við fyr-
ir þessa grein sögðust hafa lent hjá
svikamiðli.
„Ég kynni mér fólkið áður en ég
panta tíma,“ segir ein, „leita mér
upplýsinga hjá einhverjum sem ég
veit að hefur farið til viðkomandi
miðils. Allir þeir sem ég hef farið til
hafa sagt satt og rétt til um bæði for-
tíð, nútíð og framtíð. Þegar ég segi
rétt þá meina ég 80% rétt. Ég held
að lykillinn að því að líða vel eftir
að hafa verið hjá miðli sé að taka
það ekki alltof bókstaflega sem þeir
segja, geyma það hjá sér og skoða
síðar og þá sér maður oft hversu
margt hefur komið fram. Ég held
að það hvernig til tekst hjá miðlum
felist í því hvernig dagstemningin
er hjá þeim og okkur sem til þeirra
leita.“
Önnur segist aldrei lifa bókstaf-
lega eftir því sem miðlar segi henni.
„Ég hef aldrei trúað alveg blint
á þetta, en það er eins og maður
fái einhvern kraft eftir heimsókn
til miðils. Ég fer þegar ég stend á
krossgötum og eins ef ég hef misst
ástvin. Þá þrái ég að fá kveðju frá
viðkomandi og langar að vita hvort
manneskjunni líður vel á þeim stað
sem hún er nú á. Stundum hef ég
líka farið ef eitthvað sérstakt sækir
mikið á huga minn og það er svo
merkilegt að þá hef ég fengið stað-
festingu á því hjá miðlinum.“
Hálsmen eins og fjögurra
laufa smári
Fleiri góðir miðlar voru nefndir,
en engir eins oft og þau fjögur sem
hér er fjallað um og teljast því, sam-
kvæmt þessari óformlegu skoðana-
könnun Fréttatímans, bestu miðlar
landsins. Ólafur Hraundal talna-
spekingur er sagður ansi glúrinn,
sem og Hermundur Rósinkranz og
Valgarður Einarsson, en Þórunn
Maggý Magnúsdóttir miðill fær að
eiga lokaorðin í þessari grein með
skemmtilegri frásögn af því sem
hún sagði við unga stúlku sem leit-
aði til hennar:
„Þú átt hálsmen sem er í laginu
eins og fjögurra laufa smári. Í því
miðju hvílir steinn og þetta hálsmen
teiknaði afi þinn handa þér og gaf
þér í skírnargjöf.“ – Stúlkan kom
heim og sagðist aldrei hafa heyrt
aðra eins þvælu, hún ætti ekkert
men sem væri í laginu eins og fjög-
urra laufa smári. „Víst!“ svaraði
móðir hennar. „Það er einn af þeim
skartgripum sem þú baðst mig að
geyma, fannst hann of fullorðins-
legur til að bera. Afi þinn teiknaði
menið og lét smíða það handa þér.“
„Síðan hef ég borið þennan fjög-
urra laufa smára um hálsinn,“ segir
konan, sem er sú sama og enn bíður
eftir tvíburunum og heiðrinum sem
fylgir því að verða metsöluhöfundur
barnabóka.“
Þannig að ég veit að Skúli Lórenz-
son er sannur miðill.
Anna
Kristine
ritstjorn@frettatiminn.is
úttekt 25 Helgin 7.-9. janúar 2011