Fréttatíminn - 11.02.2011, Page 15

Ábyrgðamaður þessarar auglýsingar er Vilhjálmur H. Vilhjálmsson hrl., Lögfræðistofu Reykjavíkur
Sátt hefur náðst í meiðyrðamáli sem Ingi Freyr
Vilhjálmsson, fréttastjóri DV, höfðaði á hendur
Agnesi Bragadóttur vegna fréttar sem Agnes
skrifaði og birtist í Morgunblaðinu. Þar var Ingi
Freyr ranglega sagður hafa réttarstöðu grunaðs
manns í tveimur málum sem eru til rannsóknar hjá
lögreglu.
Meðfylgjandi texti er afsökununarbeiðni til Inga
Freys sem birtist í Morgunblaðinu í dag og jafnframt
sem auglýsing í öðrum dagblöðum.
Afsökun vegna fréttar – sættir takast
Mánudaginn 31. janúar s.l. birtust frétt og fréttaskýring
Agnesar Bragadóttur í Morgunblaðinu vegna svokall-
aðra tölvumála, þ.e. annars vegar tölvu sem komið var
fyrir á skrifstofum Alþingis og hins vegar birtingar DV
á gögnum sem stolið var úr tölvu lögmanns Milestone. Í
Morgunblaðinu var sagt að blaðamaðurinn, sem fjallaði
um síðarnefnda málið í DV, Ingi Freyr Vilhjálmsson,
hefði réttarstöðu grunaðs manns í rannsóknum lögreglu
á báðum málunum. Í ljós kom að þessar staðhæfingar um
réttarstöðu blaðamannsins voru rangar og var Ingi Freyr
í kjölfarið beðinn velvirðingar á þeim rangfærslum.
Í fréttaskýringunni var því einnig haldið fram að ungur
piltur, sem kærður var til lögreglu í febrúar í fyrra fyrir
að hafa brotist inn í tölvu lögmanns Milestone og stolið
þaðan umræddum gögnum, hefði gert það að undirlagi
Inga Freys og þegið greiðslur frá honum fyrir að stela
gögnunum. Þær fullyrðingar í fréttaskýringunni voru
ekki réttar. Er Ingi Freyr því einnig beðinn afsökunar
á þeim. Aðilar hafa nú gert með sér sátt í meiðyrðamáli
sem Ingi Freyr höfðaði. Málið hefur verið fellt niður og
verða ekki hafðar uppi frekari kröfur í því sambandi.
Sáttin felur meðal annars í sér ofangreinda afsökunar-
beiðni. Annað efni sáttarinnar er trúnaðarmál.