Kjarninn - 22.08.2013, Blaðsíða 20

hefur til vegna fjárfestinga erlendu kröfuhafanna í
íslenska hruninu. Því meira sem verður eftir af peningum í
hag kerfinu, þeim mun betri verður staða samfélagsins. Þeir
gætu þá farið í að lækka skuldir hins opinbera eða til að
fjármagna stórfelldar skuldaniðurfellingar á verðtryggðum
lánum, sem sitjandi ríkisstjórn hefur lofað. Sérfræðinga­
hópur á vegum ríkisstjórnarinnar á að skila útfærslum á
skuldaniðurfellingar tillögum í nóvember. Því er skammur
tími til stefnu ef ágóði af samningum við kröfuhafa á að fjár­
magna þær niðurfærslur.
Þorri krafna á Glitni og Kaupþing hefur skipt um hendur
og því er um afar umfangsmikil viðskipti að ræða. Til að átta
sig á umfanginu þarf að fara nokkuð mörg ár aftur í tímann.
Viðskipti með skuldatryggingar
Síðla árs 2005 hófust viðskipti með skuldabréfatryggingar
á íslensku bankana. Frá þeim tíma gátu íslensku bankarnir
ekki fengið fjármögnun í gegnum skuldabréfaútgáfu á al­
þjóðamörkuðum nema að sá sem lánaði þeim væri búinn að
tryggja endurgreiðslu skuldarinnar hjá tryggingafélagi. Það
álag sem lagðist ofan á skuldina var síðan mat á því hversu
miklar líkur væru á því að viðkomandi lántakandi myndi
geta greitt skuldabréfið til baka. Því hærra sem skulda­
tryggingaálagið var, þeim minni líkur voru á endurgreiðslu.
Á meðan skuldabréfin voru í skilum græddu trygginga­
félögin grimmt. Þau fengu greidd iðgjöld án þess að þurfa
nokkurn tímann að greiða út tryggingarnar. Markaðurinn
með skuldatryggingar var hins vegar vægast sagt ógagnsær.
Um hann giltu engar sérstakar reglur né lög. Það var því leik­
ur einn að hafa áhrif á hann, til dæmis með orðrómi um slaka
stöðu þess banka sem tryggingarnar voru keyptar á. Samhliða
voru gerð veðmál um að skuldatryggingarnar þyrftu að greið­
ast út. Á slíkum veðmálum högnuðust mjög margir fjárfestar
eftir bankahrunið.
Frá miðju ári 2007 og fram að hruni hækkaði skulda­
tryggingaálag á íslensku bankana mikið. Fjárfestar töldu að
líkurnar á því að þeir gætu greitt lán sín til baka færu hríð
4/11 kjarninn EFnAHAGSmáL
Smelltu til að lesa um
stjórnendur eftir slit
stjórnendur
eFtir slit
Þrotabú Glitnis og Kaupþings
hafa undirbúið stofnun
þeirra eignar halds félaga
sem eiga að taka við eignum
þeirra um langt skeið. Glitnir
tilkynnti kröfuhöfum sínum
í september að slitastjórn
bankans hefði tilnefnt
Svíann Jan Kvarnström
sem stjórnarformann slíks
félags ef nauðasamningar
yrðu kláraðir. Í júní tilkynnti
Kaupþing að slitastjórn
bankans hefði tilnefnt
malcolm Fallen, forstjóra
Candover Investments, í
starf stjórnar formanns og
að matthew Turner, áður
yfirmaður alþjóð legrar
eignarstýringar hjá Bank of
America /merrill Lynch, yrði
forstjóri Kaup þings ehf.
Smelltu til að loka