Kjarninn - 22.08.2013, Blaðsíða 102

samþykkja að halda áfram að vinna með efnið. Þá
er næsta skref að fara í stúdíó og taka upp með vænt­
anlegum flytjendum.
Flest stærstu erlendu nafnanna sem við heyrum
spiluð í útvarpi taka jafnvel upp hátt í 80 lög með jafn­
mörgum lagasmiðum áður en ákveðið er hvaða 13 lög
verða gefin út. Þrjú af þeim lögum sem komast alla leið í
útgáfu eru jafnan gerð að smáskífulögum; kynningarefni
fyrir útgáfuna. Oft ræðst þetta allt saman á tilviljunum
einum saman fyrir nýgræðinga eins og StopWaitGo.
Frá Hollywood til london
Haustið 2012 fluttu þremenningarnir til Los Angeles,
suðupott bandarískrar tónlista menningar, til að bera
sig saman við þá farsælustu í bransanum. Drengirnir
höfðu þá þegar sett sig í samband við Darryl Farmer
en sá er með marga listamenn á sínum snærum, bæði
lagahöfunda, upptökuteymi og flytjendur. Meðal annars
hefur hann séð um íslenska stúlknabandið The Charlies
(áður Nylon).
Í vor fluttu þeir aftur heim til Íslands því útlit var
fyrir að þeir þyrftu að vinna mikið í London enda voru
viðræður við útgáfufyrirtæki The Saturdays komnar
á fullt skrið. Úr því rættist svo núna í júlí eftir að þeir
höfðu flogið nokkrum sinnum út til að taka upp og gera
samninga. „Þetta lag (Disco Love) var samið í janúar og
átti þá að vera fyrir bresku söngkonuna Jessie J. Hún
heyrði lagið en vildi það ekki svo það varð partur af
lagasafninu okkar. Saturdays­stelpurnar voru að leita og
lagið passar fyrir tilviljun í þeirra pakka. Þær fíla lagið
og fljúga okkur út þar sem við tökum upp. Eftir að hafa
gert tólf útgáfur voru allir orðnir sáttir.“
Ferlið við gerð popplags snýst ekki síður um sam­
skipti við listamenn í hljóðverinu en lagasmíðar og telur
Pálmi það vera þeim félögum einna helst til framdráttar
að vera vel talandi á ensku. Afar stór hluti af þessum
bransa snúist um að hafa samskipti við fólk og ensku
3/07 kjarninn TÓnLIST
Smelltu til að lesa
nánar um StopWaitGo