Kjarninn - 22.08.2013, Blaðsíða 16

sorgleg málalok sem þarf að læra af
Endalok Sparisjóðsins í Keflavík eru bæði sorgleg og ógn­
vænleg. Fall sjóðsins reiddi mörgum stofnfjárhöfum þungt
fjárhagslegt högg, sem margir hverjir riða enn eftir. Af enda­
lokum hans er hægt að draga lærdóm. Forkastanleg vinnu­
brögð og gegndarlausar lánafyrirgreiðslur til áhrifamanna
á Suðurnesjum, bæjarfulltrúa sem sátu í stjórn sjóðsins og
annarra vildarvina, án nokkurra trygginga eða veða, riðu
sjóðnum að fullu. Þá vógu áhættufjárfestingar sjóðsins vissu­
lega þungt, en fyrst og síðast er stjórn sjóðsins ábyrg fyrir
falli hans. Enn hefur enginn verið dreginn til ábyrgðar vegna
Sparisjóðsins í Keflavík.
Kostnaður almennings vegna yfirtöku Landsbankans
á SpKef, sem reistur var á rústum Sparisjóðsins í Keflavík,
er áætlaður um 26 milljarðar króna. Von er á skýrslu
Rannsóknar nefndar Alþingis um fall sparisjóðanna á næst­
unni, þar mun vafalaust koma fram ýmislegt sem er að finna
í leyniskýrslu PwC sem er nú lesendum Kjarnans aðgengileg.
Rannsókn á falli sparisjóðanna átti að ljúka síðasta haust, en
hefur dregist sökum mannabreytinga í nefndinni og stærðar
verkefnisins. Ljóst er að margir bíða óþreyjufullir eftir upp­
lýsingunum sem þar koma fram.
12/12 kjarninn FJáRmáL
leyniskýrsla pwC opinberuð
Lesendur Kjarnans geta nú
nálgast leyniskýrslu PwC,
sem haldið hefur verið leyndri
frá almenningi frá árinu
2010. Skýrslan er hátt í sex
hundruð blaðsíður að lengd.
Smelltu til að sækja
leyniskýrsluna