Dagfari - 01.11.2007, Blaðsíða 2
Mynd: Páll Hilmarsson
var er eldmóðurinn?
Hvar er baráttuviljinn?
Hefur neyslugleðin náð
yíirhendinni og vikið
öllu slíku til hliðar?
Fjölmenn mótmæli á undanförnum
árum gegn meðal annars Íraksstríðinu
benda til hins gagnstæða. Á því eru þó
skiptar skoðanir - eða eins og Sig-
urður A. Magnússon segir í viðtali hér
1 blaðinu:
„Þegar þokunni hefur létt er enginn til-
búinn til að standa fyrir sannfæringu
sinni.“
Já, þokunni hefur létt. Aldrei í sögunni
hefur verið slíkt upplýsingaflæði sem
nú. Magn upplýsinga er þó ekki mæli-
kvarði á gæðin. Og ekki er ósennilegt
að einmitt vegna þess hvernig upplýs-
ingar eru nú settar fram sýni almenn-
ingur þeim ekki áhuga. Það sé með
öðrum orðum eitthvað við framsetn-
inguna að athuga fremur en innihald-
ið eða viðtakandann.
íslenskir fjölmiðlar hafa orðið hlut-
lausari og nákvæmari. Flokksholl-
ustan og kreddufestan er að mestu
liðin tíð. En eitthvað hefur tapast: Get-
an til að setja hlutina í samhengi og
viljinn til að skilja hismið frá kjarnan-
um. Áhersla er lögð á upplýsingarnar
en ekki upplýsinguna.
Ritstjórn þessa blaðs hefur reynt að
kafa dýpra en gert er í hefðbundn-
um fjölmiðlum. í umijöllun um
NATO og stríðið í írak er reynt að
veita áhugasömum lesendum þá bak-
grunnsvitneskju sem stundum skort-
ir á þar. Þá afhjúpar viðtalið við hinn
ísraelska Tom Brenner ýmislegt um
hernaðarhyggjuna þar í landi sem
ólíklegt er að rati í aðra fjölmiðla.
Eins og fram kemur í grein Einars
Ólafssonar er friðarsúla í minningu
Johns Lennon fagnaðarefni. Hitt er
dapurlegra að hér sigli erlend her-
skip örskammt frá súlunni án þess
að íslenskir ráðamenn hafi neitt við
það að athuga. Til að bæta gráu ofan
á svart gerðu fæstir stjórnmálamenn
athugasemd við það þegar einn stærsti
vopnaframleiðandi heims kom hingað
til lands til að „efla liðsandann“ - það
er selja enn fleiri manndrápstól.
Allt bendir þetta til þess að þörfin á
öflugum málsvara friðar hér á landi
hafi ekki verið meiri um langt skeið.
Ef eitthvert áhugaleysi er fyrir friðar-
og afvopnunarmálum, þá er engum
öðrum um að kenna en okkur sjálf-
um. Einn liðurinn í þeirri baráttu að
efla meðvitund um mikilvægi friðar
og afvopnunar er að gefa út Dagfara,
tímarit Samtaka hernaðarandstæð-
inga, og dreifa því sem allra víðast.
Þórður Sueinsson, Finnur Dellsén og
Þórhildur Halla Jónsdóttir
DAGFARI EFNISYFIRLIT
3. tbl. 33- árg. 2007
ISSN 1027-3840
Útg. : Samtök hernaðarandstæðinga
Ritstjórar og ábyrgðarmenn:
Þórður Sveinsson, Þórhildur Halla
Jónsdóttir og Finnur Dellsén
Prentun: íslandsprent
Baksíða: Verkið „Peace of Shit“ eft-
ir Yuri Shimojo
Forsíða: Heræfingum mótmælt 14.
08.'07 (mynd: Harpa Stefánsdóttir)
Leiðari....................2
Ávarp formanns.............3
Ég fagna friðarsúlunni.....4
Martröðin í írak...........6
Krossbogar og tannkrem.....8
Friðarverðlaunahafar.......9
Allt um NATO..............10
Pol Pot (Pantúm)..........13
Strí ðsmyndir.............14
Fundur stríðsmangara......17
Saklausir fjöldamorðingjar....i8
Friðarverðlaunahafar.......19
Þokunni hefur létt.........20
Nýja ríkisstjórnin.........23
Stofnun NATO-stjórnsýslu..26
Friðarverðlaunahafar.......27
Ron Paul...................28
Friðarverðlaunahafar.......31
Augljóst orsakasamhengi....32
ísraelski friðarsinninn....34
Friðarverðlaunahafar.......37
Stríð og friður............38
2
Dagfari • nóvember 2007