Fréttatíminn - 17.05.2013, Qupperneq 36

Fáðu meira
út úr Fríinu
Gerðu verðsamanburð á hótelum
oG bílaleigum út um allan heim oG
bókaðu sértilboð á GistinGu á túristi.is
T Ú R I S T I
K æra dagbók. Frábær dagur. Við kláruðum sáttmálann. Hann er með öllu. En engu
þó. Ég held að það verði ekki hægt
að króa okkur af í neinu máli. Mér
finnst hann hljóma vel. (Enda skrif-
aði ég hann). Ég væri alveg til í að
sitja heima í stofu með fjölskyldunni
og hlusta á nýjan forsætisráðherra
útskýra þennan sáttmála. Ég myndi
fyllast bjartsýni. Lægri skuldir, lægri
skattar og meiri tekjur. Hver vill það
ekki? Meiri velferð, meiri sátt og
hamingja. All for it! Annars held ég
að það skipti ekki svo miklu hvað
við segjum. Fólk verður svo guðs lif-
andi fegið að losna við Jóhönnu og
Steingrím. Við getum eiginlega ekki
klikkað. Þetta er eins og að troða upp
á eftir Árna Johnsen.“
Þannig hófst dagbók Sigmundar
Davíðs Gunnlaugssonar, formanns
Framsóknarflokksins, á vef Frétta-
tímans í gær, fimmtudag, en þar
sagði formaðurinn frá atburðum
15. maí. Þar birtast dagbækurnar
reglulega. Eins og fram kemur á
vef blaðsins er það ekki Sigmundur
Davíð sjálfur sem skrifar dagbæk-
urnar heldur eru þær spéspegill – til
að gera lífið skemmtilegra.
Hér fylgja stuttar klausur úr dag-
bókum vikunnar. Þær má lesa í heild
á frettatiminn.is.
9. maí
Kæra dagbók. Það var allt annað
að tala við Bjarna í bústað Páls
tengdapabba. Það voru mistök
að byrja á heimavelli sjálfstæðis-
manna. Tengdapabbi er reyndar
sjálfstæðismaður. En blóð er þykk-
ara en vatn. Eða það segir Ítalinn.
Fjölskyldan er sterkasta taugin. La
Famiglia. Gallinn er að hvorki ég
né Bjarni erum höfuð okkar fjöl-
skyldna. Pabbi eða tengdapabbi
eru Vito Corleone.
10. maí
Kæra dagbók. Ég renndi áðan yfir
vefmiðlana. Mest lesnu fréttirnar
á mbl.is: 1. Sigga Beinteins breytti
eldhúsinu fyrir lítið 2. Lýst eftir
16 ára stúlku 3. Varð frá að hverfa
sökum veikinda 4. Skoða brunnin
föt nánar 5. Mourinho var fyrsti
kostur hjá Ferguson 6. „Ákvað að
búa mér til vinnu“ 7. „Málinu er
lokið af minni hálfu“ 8. 12 konur
sem þú ættir að fylgjast með 9. Or-
lofið tímaskekkja? 10. Heiðmörk
ófær. Maður situr pungsveittur frá
morgni til kvölds og kemst ekki
einu sinni á topp 10 yfir fréttamál
dagsins.
11. maí
Kæra dagbók. Ég vona að Bjarni sé
sofnaður. Ég reyni að skrifa án þess
að það skrjáfi í pappírnum. Ég vil
ekki vekja hann. Þetta er allt orðið
mjög undarlegt. Við horfðum á Step
Brothers á Rúv í kvöld. Sátum í sóf-
anum, borðum nammi (mest ég)
og þóttumst hlægja. Saman í sveit-
arferð. Male bonding. Eins og Will
Farrell og John C. Reilly. Þröngvað
saman af því að foreldrar þeirra gift-
ust. Stjúpbræður.
12.maí
Kæra dagbók. Enn einn dagur í Gu-
antánamo. Ég er hlekkjaður við
Bjarna allan daginn. Við erum orðnir
hálfgerðir klefafélagar. Borðum sam-
an, vöknum saman, sofnum saman.
Ég segi ekki að við sofum saman. En
við sofum samt í sama húsi. Hlekkj-
aðir við þetta óleysanlega mál.
13. maí
Kæra dagbók. Heyrði í Ólafi Ragnari
í dag. Hann var bara hress. Sagð-
ist vera að undirbúa afmælið sitt á
morgun. Ætlaði að gera eitthvað
skemmtilegt. Sagði það væru tíu ár
síðan þau Dorrit giftu sig. Sagði það
væri erfitt að toppa þá afmælisgjöf.
Að fá Dorrit í sextugsafmælisgjöf.
Ég veit ekki hvort Dorrit verður á
mínum óskalista þegar ég verð sex-
tugur. En ég sagði ekkert. Yfirleitt
segi ég ekki mikið þegar ég tala við
Ólaf.
14.maí
Kæra dagbók. Ég sofnaði út frá Jú-
róvisjón í gærkvöldi. Og skrifaði
því ekkert í bókina. Mig minnir að
konan frá Moldóvíu hafi verið að
syngja. Eitthvað um minningar sem
hún vildi helst gleyma. Hrökk síð-
an upp uppúr miðnætti. Með harm-
kvælum. Lá í sófanum með snakk-
mylsnu undir mér. Mig hafði verið að
dreyma einhverja steypu. Einhverja
myrka Shakespeare-veröld. Ég upp
á heiði með Höskuldi Þórhallssyni.
Rákumst á nornir sem litu út eins og
Egill Helgason.
„Við getum eiginlega
ekki klikkað“
Fólk verður svo guðs lifandi fegið að losna við Jóhönnu og Steingrím. Þetta er eins og að troða upp á
eftir Árna Johnsen. – Glefsur úr dagbókum Sigmundar Davíðs á vef Fréttatímans.
Saman í sveitarferð. Male bonding.
Þú getur nálgast Fréttatímann frítt á
þjónustustöðvum N1 um land allt
HELGARBLAÐ
New York & nágrenni
Fararstjórar:
Vigdís & Kristín Jóhannsdætur
Verð: 249.900 kr.
á mann í tvíbýli. Mikið innifalið!
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Borgin sem aldrei sefur.
Iðandi mannlíf, spennandi söfn og
magnaðar byggingar. Undurfagrir
strand- og hafnarbæir á Long Island.
23. - 30. ágúst
00000
w w w. v e i d i k o r t i d . i s
Eitt kort
35 vötn
6.900 kr

FLEIRI VÖTN ÓBREYTT VERÐ
36 dagbækur Helgin 17.-19. maí 2013