Fréttatíminn - 30.08.2013, Side 2

 SamfélagSmál aBC með námSkeið um þróunar- og hjálparStarf
Skráning og upplýsingar í síma 564 4030 eða á tennishollin.is

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu
byrjendanámskeiðin
fyrir fullorðna eru að hefjast.
Ísfirðingar vilja halda í Reykjavíkurflugvöll
Hitti styrktarbarn
sitt í Kenýa
e ftir að hafa sótt námskeið í þróun-ar- og hjálparstarfi hjá ABC barna-hjálp fór Kristín Birna Jónasdóttir
með nemendahópnum í námsferð til Ke-
nýa þar sem þau fengu að spreyta sig á
vettvangi. „Ég hafði verið styrktarforeldri
í sex ár og fylgst með starfinu hjá ABC
barnahjálp og langaði alltaf til að fara í
ABC skólann,“ segir Kristín sem svo hóf
nám í febrúar á þessu ári. Nemendahópur-
inn fór svo saman til Kenýa í sumar í þrjár
vikur þar sem Kristín hitti styrktarbarnið
sitt, hana Teresiu sem nú er þrettán ára.
„Það urðu miklir fagnaðarfundir og virki-
lega gaman að sjá hvað hún er dugleg, hlý
og flott stelpa. Ég sé núna að framlag mitt
hefur skipt máli því Teresia lifir betra lífi í
dag. Við erum orðnar enn meiri vinkonur
en áður,“ segir Kristín.
Meðal þeirra verkefna sem nemendur
ABC skólans leystu í Kenýa var að taka
viðtöl við mæður barna í fátækrahverfum
og bjóða börnum þeirra skólavist í barna-
skóla ABC og segir Kristín að fátækt
fólksins sé mikil. „Fólkið í fátækrahverf-
unum lifir fyrir einn dag í einu og það
er ekki mikið um tilbreytingu frá degi
til dags. Það eru ekki allir sem hafa efni
á að senda börn sín í skóla og því er
skipta framlög styrktarforeldra á Íslandi
gríðarlega miklu máli og tryggja fátæk-
um börnum í Kenýa menntun.“ Kristín
Birna starfar sem náms- og starfsráð-
gjafi hjá Endurmenntun Háskóla Íslands
og kenndi börnunum í skóla ABC í Kenýa
námstækni og tók þátt í daglegu starfi
skólans.
Frá árinu 2009 hefur ABC barnahjálp
boðið upp á námskeið í þróunar- og
hjálparstarfi í ABC skólanum. Formaður
ABC, Guðrún Margrét Pálsdóttir, hafði í
gegnum árin greint aukinn áhuga fólks á
hjálparstarfi og vildi skapa vettvang fyrir
leikmenn til að fræðast. Nú í september
hefjast tvö slík námskeið, eitt morgun-
námskeið og annað kvöldnámskeið.
Að sögn Bryndísar Stefánsdóttur,
skólastjóra ABC skólans, er dagskrá nám-
skeiðanna fjölbreytt. „Við fáum til liðs við
okkur kennara og fólk sem býr yfir þekk-
ingu og reynslu af málefnum bágstaddra
og nemendur fræðast um framandi lönd
og menningu, hitabeltissjúkdóma, van-
næringu, skyndihjálp, barnasálfræði,
umönnun, sálgæslu og fleira. Fulltrúar
ýmissa hjálparsamtaka hér á landi koma
einnig og kynna starfsemi sína,“ segir
hún. Á námskeiðunum er jafnframt lögð
áhersla á að þátttakendur fái hvatningu
og byggi upp sjálfstraust sitt með þvi að
sýna fram á að hver og einn búi yfir hæfi-
leikum og getu til að láta gott af sér leiða,
nær og fjær. Útskrifuðum þátttakendum
stendur svo til boða að taka þátt í náms-
ferð til starfsstöðva ABC í Kenýa, líkt og
Kristín Birna gerði nú í sumar.
Dagný Hulda Erlendsdóttir
dagnyhulda@frettatiminn.is
Kristín Birna
Jónasdóttir,
náms- og starfs-
ráðgjafi hjá Há-
skóla Íslands, sótti
þriggja mánaða
námskeið um
hjálparstarf hjá
ABC barnahjálp
og fór í framhald-
inu í námsferð til
Kenýa. Þar hitti
sem hún stúlku
sem verið hefur
styrktarbarn
hennar í sex ár og
urðu miklir fagn-
aðarfundir.
Ég sé núna að
framlag mitt
hefur skipt máli
því Teresia lifir
betra lífi í dag.
Kristín Birna Jónasdóttir
hefur verið styrktarfor-
eldri Teresiu í sex ár og
hittust þær loks í sumar
þegar Kristín fór í náms-
ferð til Kenýa á vegum
ABC barnahjálpar.
„Bæjarráð Ísafjarðarbæjar
fagnar framtaki félagsins
Hjartað í Vatnsmýrinni
sem stendur fyrir undir-
skriftarsöfnun, áwww.
lending.is, til stuðnings
þess að flugsam-
göngur við Reykjavík
verði óbreyttar. Slíkt er
alger forsenda fyrir íbúa
þessa lands hvort sem
litið er til sjúkraflugs,
stjórnsýslu eða annarrar
þjónustu sem í boði er í
höfuðborg landsins alls,“
segir í bókun bæjarráðs
Ísafjarðarbæjar. Þar segir
enn fremur: „Sveitarfé-
lagið Ísafjarðarbær hefur
áður bent á nauðsyn þess
að flugsamgöngur við
Reykjavík séu óbreyttar,
meðal annars með
samstarfi við önnur
sveitarfélög, með gerð
skýrslu KPMG þar sem
fram komu greinilega þau
neikvæðu áhrif sem það
hefði á landsbyggðina ef
miðstöð innanlandsflugs
yrði flutt úr Reykjavík.
Einnig hvetur bæjarráð
Ísafjarðarbæjar íbúa sína,
sem og landsmenn alla, til
að kynna sér þessi mál og
leggja áðurnefndri undir-
skriftarsöfnun lið sitt.“
Hættir rekstri leikskólans 101
Hulda Linda Stefánsdóttir, eigandi leikskólans 101,
hefur ákveðið að hætta rekstri skólans. „Ég vonaðist
til þess að opna hann aftur og óskaði eftir aðstoð og
úrræðum frá Barnavernd Reykjavíkur og Reykjavíkur-
borg til þess að það gæti orðið með trúverðugum hætti
en beiðni minni var hafnað. Á ég því engra annarra
kosta völ en að loka skólanum fyrir fullt og allt,“ segir í
tilkynningu frá Huldu. „Tekið skal fram að þær ásakanir
sem fram hafa komið í minn garð eru ekki á rökum
reistar. Ég vil jafnframt koma því á framfæri að ég
harma mjög þá framkomu í garð barnanna sem gögn í
málinu virðast sýna og álagið sem foreldrar barnanna
hafa verið undir síðustu daga,“ segir hún ennfremur.
Samstarf gegn
heimilisofbeldi á
Suðurnesjum
Samstarfsátak gegn heim-
ilisofbeldi á Suðurnesjum
hófst 1. febrúar síðastliðinn og
hefur gefið góða raun, að því
er fram kemur í Víkurfréttum.
Lögreglan á Suðurnesjum,
félagsþjónusta allra sveitar-
félaganna, ásamt Heilbrigðis-
stofnun Suðurnesja og kirkjur
Keflavíkur og Njarðvíkur
standa að átakinu. Markmið
þess er að gefa skýr skilaboð
til fólks um að ofbeldi á heim-
ilum verði ekki liðið ásamt því
að veita þolendum heimilisof-
beldis betri þjónustu og leggur
lögreglan á Suðurnesjum
sérstaka áherslu á rannsókn
slíkra mála. Starfsmaður
félagsþjónustu veitir fyrstu
aðstoð til þolanda og hlúir að
börnum séu þau á heimilinu.
Þá er gerendum einnig boðið
að koma í viðtal og ræða sín
mál og veitt hvatning til að
leita sér aðstoðar. -dhe
Hvetja fólk til að nota ekki plast
Plastpokalaus laugardagur kallast hópur fólks sem
vakti athygli á baráttumáli sínu í vikunni. Mælist
hópurinn til þess að Íslendingar hætti að nota
plastpoka á laugardögum en noti í staðinn
margnota taupoka eða bio-poka sem eru
umhverfisvænir. Á blaðamannafundi í
vikunni kom fram að Íslendingar noti
árlega um 50 milljónir burðarpoka
úr plasti sem brotnar ekki niður í
náttúrunni. Þessi gerviefnanotkun
sé bæði óþörf og óábyrg gagnvart
náttúrunni. Meðal þeirra sem
leggja málstað þessum lið er
Dorrit Moussaieff forsetafrú.
 tímamót hvolSvöllur 80 ára
Afmælishátíð alla
helgina á Hvolsvelli
Hvolsvallarkauptún heldur upp á áttatíu ára
afmæli byggðar nú um helgina og verður boðið
upp á fjölbreytta skemmtidagskrá alla helgina
af því tilefni. Að sögn Árnýjar Láru Karvel-
sdóttur verður súpurölt á föstudagskvöld þar
sem sjö heimili bjóða gestum og gangandi upp
á súpu. „Svo á laugardag höldum við árlega
kjötsúpuhátíð þar sem ýmis konar sprell verð-
ur í boði, eins og kassabílarall, fótboltasprell
og svepparígur,” segir hún.
Á sunnudag er sjálfur afmælisdagur kaup-
túnsins og hefst hann á skipulagðri göngu um
elstu götur bæjarins. Í framhaldi af því verður
nýbygging að íþróttahúsinu vígð. Klukkan þrjú
hefst svo afmælisdagskrá í félagsheimilinu
Hvoli þar sem bæði einsöngvarar og hópar
flytja tónlistaratriði. „Börn sem unnu stóra
upplestrarkeppni ætla að flytja ljóð fyrir okk-
ur,“ segir Árný. Saga Hvolsvallar hefur verið
tekin saman og ætla tveir að lesa hana upp
fyrir afmælisgesti í Hvoli. „Svo verður sagan
sett á heimasíðu sveitarfélagsins eftir helgi,“
segir Árný Lára. „Síðast en ekki síst verður
boðið upp á risastóra afmælisköku og ís.“
Íbúar Hvolsvallar skreyta götur sínar fyrir kjötsúpuhátíðina. Þessar stúlkur voru í óða önn að
skreyta hús við Túngötu. Ljósmynd/Árný Lára Karvelsdóttir
2 fréttir Helgin 30. ágúst-1. september 2013