Fréttatíminn - 30.08.2013, Qupperneq 14

Húlladrottning kennir líffræði
É
g var alltaf í fimleikum sem krakki. Það var mín
fyrsta ástríða í lífinu. Ég hætti síðan í fimleikum
en var alltaf að leita að hreyfingu sem ætti vel
við mig. Ég var alveg týnd þar til ég kynntist
húllahringjum,“ segir Alda Brynja Birgisdóttir.
Húllahringirnir komu ekki til sögunnar fyrr en eftir að Alda
Brynja hafði kynnst manninum sínum, Lee Nelson, sem
hafði verið götulistamaður um allan heim í gervi trúðsins
Wally. Þau urðu ástfangin og Lee ákvað að flytja til Íslands.
Hann þurfti eitthvað að hafa fyrir stafni og leitaði í það sem
hann kunni best, sirkuslistir. Árið 2007 fór hann af stað
með handstöðutíma í Kramhúsinu og varð þetta upphafið
að Sirkusi Íslands sem þau eru bæði hluti af. „Lee sagði að
allar skvísurnar í sirkusskólanum væru vitlausar í að húlla
og svo væri þetta góð hreyfing. Hann gaf mér ráð um hvað
væri mögulegt að gera en gat lítið sem ekkert sjálfur. Ég
byrjaði að dunda mér við þetta og þegar ég fór að geta gert
einhver trix varð ekki aftur snúið. Ég varð óð í að geta meira
og meira og síðan þá hef ég reynt að læra öll þau trix sem ég
kemst í tæri við,“ segir Alda Brynja.
Karlar geta líka húllað
Það sem heillaði hana var að ekki bara var hún að æfa
líkamann heldur líka öðlast hæfileika.
„Maður er ekki bara að fá flottari vöðva
og stinnari maga heldur getur sýnt
afrakstur æfinganna.“ Fyrir ári byrjaði
hún að kenna húlla hopp í Kramhús-
inu og eru ný námskeið að fara þar af
stað. „Það er enginn í sirkusnum sem
hefur verið mikið í þessu og mér
fannst leiðinlegt að vera alltaf ein og
fá ekki örvun frá öðrum sem væru
líka að húlla. Ég ákvað því að byrja
að kenna og þær eru nú orðnar 7
sem hafa fengið húlla inn í sitt líf og
bíða eftir að komast á framhaldsnám-
skeið. Við ætluðum alltaf að hittast í
sumar og húlla úti í sólinni en það
varð ekkert af því. Bæði vorum við
uppteknar og veðrið ekki það
besta.“ Þann 5. október er al-
þjóðlegur húla hopp-dagur og
þá ætlar hópurinn að standa
fyrir viðburði. „Það eru
viðburðir um allan
heim. Fólk er þá búið að læra sama dansinn og dansa með
húllahringina þennan dag. Við verðum því bara að mæta í
ullarnærbuxunum og húlla úti.“
Aðeins konur hafa mætt á námskeiðin hjá Öldu Brynju
en hún segir karlmenn vel geta húllað líka. „Það er
algengara að það séu konur sem húlla en það er líka
hægt að húlla á mjög karlmannlegan hátt. Ég hef hvatt
karlkyns vini mína til að húlla og jafnvel gefið þeim
húllahring í afmælisgjöf. Ég er nokkuð viss um að
þeir eru að æfa sig í laumi,“ segir hún kómísk.
Húlla á höndum og fótum
Tímarnir sem hún kennir eru klukkustundar
langir og segir hún suma halda að þær séu þá að
húlla á mjöðmunum í klukkustund, sem hljóti
að vera frekar einhæft. „Við erum líka að húlla
á höndum og fótum og læra ný allskonar trix.
Þetta er fín æfing fyrir líkamann. Ég var fljót
að jafna mig eftir meðgöngu með því að húlla.
En tímarnir snúast ekki um brennslu heldur
að gera eitthvað flott með húllahringinn og
setja saman dansa.“
Húlla hopp er sannarlega stór hluti af lífi
Öldu Brynju því hún húllar nánast daglega.
„Sirkusinn æfir í húsnæði fimleikadeildar Ár-
manns. Svo erum við með sýningar, til dæmis á
árshátíðum og öðrum skemmtunum.“
Það fór vart fram hjá neinum höfuðborgarbúa að
heilt sirkusþorp reis í Vatnsmýrinni í sumar þegar þar
var haldin sirkushátíðin Volcano og sýndu þar bæði ís-
lenskir og erlendis sirkuslistamenn. Eftir að meðlimir
Sirkus Íslands upplifðu að sýna í alvöru sirkustjaldi ákváðu
þeir að safna fyrir einu slíku. „Við fengum þá flugu í höfuðið
að Ísland þyrfti að eignast sirkus sem getur ferðast með
sirkustjaldið sitt um allt land. Við byrjuðum því að safna í
gegn um Karolina Fund.“ Þegar þessar línur eru ritaðar
hefur aðeins þriðjungur safnast af þeim 40 þúsund
evrum sem þarf til en söfnun lýkur á mánudag. „Þetta
fór hægt af stað en núna síðustu
dagana hefur hratt bæst við.
Þeir sem styrkja okkur fá
sirkusmiða í nýja tjaldinu
en ef okkur tekst ekki að
safna fyrir allri upphæð-
inni fá allir endurgreitt.
Það væri svo ótrúlega
gaman ef þetta verður að
veruleika,“ segir hún. Ef
þeim tekst að safna fyrir
Eftir að Alda Brynja Hilmarsdóttir kynntist húllahringjum varð ekki aftur snúið.
Nýr fjórhjóladrifinn Mitsubishi Outlander er ríkulega búinn staðal- og
þæginda búnaði sem ásamt nýrri tækni eykur öryggi og veitir þér nýja aksturs-
upplifun. Má þar nefna hraðastilli með fjarlægðarskynjara, akreinavara og
árekstrarvörn sem allt er staðalbúnaður í grunngerðinni Intense.
Outlander kostar frá
5.590.000 kr.
Intense 4x4, bensín, sjálfskiptur
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
mitsubishi.is
Eyðsla aðeins
frá
5,5 l/100 km.
MITSUBISHI OUTLANDER
Rúmbetri, sparneytnari og betur búinn Nú á enn betra verðifrá 5.590.000 kr.Fjórhjóladrifinn og sjálfskiptur
sirkustjaldi verður það ekki
aðeins nýtt til sýninga heldur
einnig til að halda sirkusnámskeið
fyrir börn og fullorðna.
Nemendurnir spenntir
Þrátt fyrir að líf Öldu Brynju
kunni að hafa ævintýralegan ljóma
þá er hún í öðru starfi sem er held-
ur hefðbundið því hún hefur um
árabil starfað sem líffræðikenn-
ari og er að hefjast fyrsti veturinn
hennar sem kennari við Fjöl-
brautaskólann í Breiðholti. „Það er
frekar óvenjulegt að fara frá því að
vera venjuleg íslensk stúlka sem
kennir líffræði og vera allt í einu
komin í sirkus. Ég lærði líffræði
í háskólanum en fann mig ekki
í neinni sérgrein innan fagsins
þannig að ég tók kennsluréttindin.
Mér finnst virkilega gaman að
kenna. Þetta er fjölbreytt starf og
maður veit aldrei hvernig dagur-
inn verður. Ég ætti erfitt með að
vera í vinnu þar sem ég veit hvað
ég er að fara að gera klukkan
þrjú á þriðjudaginn því ég gerði
nákvæmlega það sama síðasta
þriðjudag klukkan þrjú. Líffræði
er skemmtilegt fag og mér finnst
líka gaman að vinna með fólki,“
segir hún. Nemendur hennar vita
af því að hún er í Sirkus Íslands og
finnst það mjög áhugavert. „Þeim
finnst þetta mjög spennandi. Það
eru allir að vona að ég komi með
hringina og kenni þeim í hádeg-
inu. Það verður að koma í ljós,“
segir hún.
Erla Hlynsdóttir
erla@frettatiminn.is
Alda Brynja Birgisdóttir er húlladrottning í Sirkus Íslands
og húllar nánast daglega. Hún er einnig líffræðikennari og heillaðist af
kennslunni því hún er svo fjölbreytileg. Öldu Brynju leiddist að vera sú eina sem
var að húlla og í fyrra byrjaði hún að kenna húlla hopp.
14 viðtal Helgin 30. ágúst-1. september 2013