Fréttatíminn - 25.10.2013, Qupperneq 20

L
eiðir leikaranna Pálma
Gestssonar og Ólafíu
Hrannar Jónsdóttur
liggja saman á tveimur
sviðum Þjóðleikhúss-
ins um þessar mundir. Þau leika
bæði í hinu umtalaða verki Maður
að mínu skapi og í lok mánaðarins
frumsýna þau verkið Pollock? í
Kassa Þjóðleikhússins. Þar eru
þau tvö á sviðinu undir stjórn
Hilmis Snæs Guðnasonar og leika
ólíkar manneskjur sem takast á
um eðli og gildi listarinnar.
Ólafía Hrönn leikur almúgakonu
sem býr í hjólhýsi og telur sig hafa
fundið ómerkt málverk eftir hinn
mikilsmetna málara Jackson Pol-
lock. Pálmi mætir í hjólhýsið í hlut-
verki virts listfræðings sem gerður
er út til þess að skera úr um hvort
verkið sé alvöru Pollock.
Gríntaugin er sterk í báðum leik-
urunum en að þessu sinni segja
þau alvöruna svífa yfir vötnum og
þau séu ekki með neinn fíflagang
þegar Pollock? er annars vegar.
„Fyndið? Það er nú ekki lagt
upp með það þótt verkið, eða að-
stæðurnar, séu kannski fyndnar í
sjálfum sér,“ segir Ólafía Hrönn.
„En við erum ekkert að gera út á
það. Mér er sagt að úti í Ameríku
hafi verið gert mjög mikið út á að
hafa þetta sem fyndnast en það er
mikill tregi í þessu leikriti.“
„Ætli það megi ekki segja að
þetta sé svona tragikómík bara?“
Leggur Pálmi til.
„Jú. Ég er bara orðin svo leið á
þessu orði,“ svarar Ólafía Hrönn
ákveðin.
„Já, já. Þetta er svona leikrit um
tvær dálítið ólíkar manneskjur
sem eru kannski þegar til kemur
ekkert svo ólíkar.“
„Hjörtun eru alltaf eins,“ skýtur
Ólafía Hrönn inn í og horfir spek-
ingslega til himins. Og Pálmi
rengir það ekki. „Já, þau slá eins.“
Hilmir Snær er orðinn frekur
til fjörsins sem leikstjóri í Þjóð-
leikhúsinu og leikstýrir á þessu
leikári Pollock? og söngleiknum
Spamalot. Og Pollock-dúettinn er
hæstánægur með að vinna undir
stjórn hins leikreynda leikstjóra.
„Það er alveg skelfilega gaman
að honum,“ segir Ólafía Hrönn
og Pálmi tekur undir. „Mér
finnst bara frábært að vinna með
honum.“
„Hann þekkir leikaravinnuna
svo rosalega vel og á svo gott ein-
hvern veginn með að segja til.
Hann stýrir þessu eins og tón-
verki,“ segir Ólafía Hrönn og bætir
við: „Þetta er búið að vera rosalega
hugljúft æfingaferli. Við höfum
mikið getað spekúlerað og farið
hægt í þetta.“
Hin eilífa spurning um smekk
„Þetta er bara svo skemmtilegt
efni. Leikritið er svo gott og vel
skrifað,“ segir Pálmi.
„Já, það er bara langt síðan
maður hefur fengið svona skothelt
leikrit,“ bætir Ólafía Hrönn við og
Pálmi nær orðinu svo aftur: „Þarna
fer fram mjög heillandi og áhuga-
verð umræða sem ég held að komi
öllum við eða að allir geti samsam-
að sig svolítið við. Þetta snýst ekki
síst um þessa umræðu um hvað er
list og hvað er ekki list. Hvað finnst
fólki og hvað er smekkur? Og hve-
nær er hvað hvað? Og hver ákveður
það? Þetta eru svona þessar stóru
spurningar og svo er bara sagt
að það sé ekki hægt að deila um
smekk og eitthvað svoleiðis.
Bara eins og er að gerast í
krítíkinni núna með til dæmis Hús
Bernhörðu Alba. Sumum finnst
það snilldarverk en Jón Viðar gefur
því eina stjörnu. Það er alltaf stuð
þegar hann er annars vegar,“ segir
Pálmi og glottir út í annað.
„Hann er svolítið í einnar stjörnu
stuði þessa dagana og er búinn að
fleygja einni stjörnu í allar áttir,“
bendir Ólafía á.
„Já, það er svolítið stemningin.
En Jón Viðar skrifar bara það sem
honum finnst,“ segir Pálmi og þau
sammælast um að Jón Viðar sé
heiðarlegur og sjálfum sér sam-
kvæmur í leikhúsrýni sinni.
„En þessi umræða í leikritinu
sem verkið hverfist kannski svolítið
um er áhugaverð pæling. Hvenær
er list list? Og hver ákveður hvort
list er list? Þetta er einhvers konar
pólitík. Þarna hittast fræðimaður
og almúgakona og eiga í samtali
um það hvað sé raunveruleg list.“
Ólafía Hrönn grípur vangaveltur
Pálma á lofti. „Sko, mér finnst þetta
frekar snúast um hvað sé verðmæt
list og hver ákveður hvað er verð-
mætt? Þú ert kannski með mynd
sem er alveg eins og eftir Pollock
en af því þú veist ekki alveg hvort
þetta sé hann þá getur þú ekki sagt
til um hvað þetta málverk kostar.
Þetta er á markaði og það er ein-
hver sem ákveður verðmætið. Bara
eins og gerðist á sínum tíma úti í
Ameríku þegar þeir ákváðu bara að
gera nokkra myndlistarmenn þar
verðmikla. Svona var þetta með Pol-
lock, það var hreinlega bara ákveð-
ið að verkin hans væru hundrað
milljón dollara virði.“
Raunveruleg umræða
„Þetta leikrit fjallar um raun-
verulega atburði,“ bendir Pálmi
á. „Það er skrifað upp úr heim-
Eðli listarinnar er ekkert grín
Leikararnir Ólafía Hrönn Jónsdóttir og Pálmi Gestsson hittast í hjólhýsi í hlutverkum ólíkra manneskja sem takast á um hvort ómerkt slettuverk
sé eftir listmálarann Jackson Pollock eður ei í leikritinu Pollock? sem Þjóðleikhúsið frumsýnir í næstu viku. Leikararnir eru hins vegar líkari en
margan grunar og eiga skotveiði sem sameiginlegt áhugamál og bæði ganga þau á fjöll. Þau ræða hér gildi listarinnar, Pollock og leiðrétta út-
breiddan misskilning um sýninguna Maður að mínu skapi sem þau leika einnig í.
20 viðtal Helgin 25.-27. október 2013