Fréttatíminn - 25.10.2013, Side 26

Þú getur nálgast Fréttatímann frítt á
þjónustustöðvum N1 um land allt
HELGARBLAÐ
Eftirlitsmyndavél fyrir sumarbústaði og heimili
· Tekur venjulegt GSM SIM kort
· Hægt að panta mynd eða hlusta svæði.
· SMS og MMS viðvörun í síma og netf.
· Lætur vita ef rafmagn fer af og hiti breytist.
· Hægt er að tengja allt að 15 auka skynjara.
· Vöktun á heitum potti, raka, þrýstingi o..
S. 699-6869 · rafeindir@internet.is · www.rafeindir.is
Heilbrigðiskerfi
á Heljarþröm
hluti4.
Það þarf að vekja vonina aftur
Algjörrar umbyltingar er þörf á húsnæði bráðamóttöku Landspítala svo tryggja megi öryggi
og aðbúnað sjúklinga og aðstöðu starfsfólks sem segir að vekja þurfi vonina á ný. Allt að níu
sjúklingar deila stofu og smithætta er því mikil. Deildin fékk einungis tíunda hluta þess fjármagns
sem þörf var á til tækjakaupa í fyrra og undanfarin ár hefur lítið verið hægt að endurnýja af
tækjum. Starfsfólk leitaði að skoðunarstól fyrir háls- nef og eyrnalækningar á eBay því stóllinn á
bráðamóttökunni brotnaði og ekki eru til peningar fyrir nýjum.
K lukkan er átta. Starfsfólk á bráðamóttöku Landspítala í Fossvogi er komið saman í
svokölluðu fjarskiptaherbergi til að
fara yfir stöðuna á deildinni áður en
dagvaktin tekur við. Þetta er kallað
stöðumat. Hjúkrunarfræðingur
sem er að ljúka við næturvakt lýsir
því hvernig nóttin gekk fyrir sig
svo starfsfólkið sem er að taka við á
dagvaktinni geti gert sér grein fyrir
ástandinu. Fundurinn er stuttur og
hnitmiðaður og að honum loknum
fara hjúkrunarfræðingar og læknar
í svokallað rapport þar sem farið er
yfir ástand hvers og eins sjúklings.
Morguninn er óvenju rólegur og
andrúmsloftið létt og afslappað
þótt allir séu í stöðugri viðbragðs-
stöðu. Á yfirliti yfir sjúklinga á
skjá í fjarskiptaherberginu má sjá
ástæðu komu þeirra, hvenær þeir
komu og hver staðan er á umönnun
þeirra. Í dag, eins og aðra daga, eru
ástæðurnar margvíslegar. Eitranir,
kviðverkir og öndunarerfiðleikar
svo fátt eitt sé nefnt.
Þó svo að vikan fylgi ákveðnum
sveiflum í álagi sem brugðist er við
með mönnun, er aldrei hægt að sjá
fyllilega fyrir hvenær álagið er sem
mest á deildinni því slysin gera ekki
boð á undan sér.
100 þúsund sjúklingar á ári
Bráðamóttakan sinnir árlega um
eitt hundrað þúsund manns. Það
er tæpur þriðjungur þjóðarinnar.
Fleiri börn koma á bráðamóttöku í
Fossvogi en koma á bráðamóttöku
Barnaspítala Hringsins, tæplega 14
þúsund á ári hverju. Sérstakt fimm
Bráðasvið
Bráðamóttakan í Fossvogi er
stærsta deild sjúkrahússins, þar
er neyðarmóttaka fyrir fórnar-
lömb kynferðislegs ofbeldis sem
sinnir um 120 tilfellum á ári.
Bráðasvið veitir einnig upplýsing-
ar og ráðgjöf um viðbrögð og með-
ferð þegar eitranir verða.
Læknisfræðileg ábyrgð sjúkra-
flutninga á höfuðborgarsvæðinu
er hjá bráðasviði. Samstarf er náið
við Neyðarlínuna, Slökkvilið höf-
uðborgarsvæðisins og Landhelg-
isgæslu Íslands um málaflokkinn
en læknar sviðsins starfa ásamt
áhöfnum sjúkraþyrlu við björgun
og flutning veikra og slasaðra.
Á bráðasviði er sjúkrahúsapó-
tek Landspítala sem sér um alla
lyfjaumsýslu á spítalanum og
rekur jafnframt Miðstöð lyfjaupp-
lýsinga þar sem veittar eru upp-
lýsingar um áhrif og milliverkanir
lyfja.
Miðstöð sjúkraskrárritunar
er einnig á höndum bráðasviðs.
Hjúkrunarþjónusta sjúkrahótels
tilheyrir einnig bráðasviði.
Bráðasvið veitir jafnframt þjón-
ustu fyrir aðstandendur þeirra
sem látast með voveiflegum hætti,
ýmist í slysi eða fyrir eigin hendi.
Á bráðadeild í Fossvogi er lítil kap-
ella þar sem aðstandendum býðst
að kveðja sína nánustu.
Framhald á næstu opnu
26 fréttaskýring Helgin 25.-27. október 2013