Fréttatíminn - 25.10.2013, Qupperneq 76

 Í takt við tÍmann Steinar BaldurSSon
Fastur á Facebook alla daga
Steinar Baldursson er 18 ára strákur úr Grafarvoginum. Hann gefur út sína fyrstu plötu,
Beginning, hinn 12. nóvember næstkomandi en lagið Up hefur þegar fengið þó nokkra
spilun í útvarpi. Steinar horfir mikið á þætti í sjónvarpinu og elskar iPhone-inn sinn.
Steinar borðar meira af Dominos-pítsum
en hann ætti að gera. Ljósmynd/Hari
Steinar er borinn og barn-
fæddur Grafarvogsbúi. Hann
fluttist þó með fjölskyldu sinni
til Englands þegar hann var
tveggja ára og bjó þar í þrjú
ár. Þaðan kom hann altalandi
á ensku sem hefur ábyggilega
haft sitt að segja um það að
Steinar syngur á ensku. Hann
semur lögin á plötunni sjálfur
en nýtur aðstoðar Kristins
Snæs Agnarssonar, Stefáns
Arnar Gunnlaugssonar og
upptökuteymisins Redd
Lights. Og þegar Steinar er
spurður hvernig tónlist hann
semur og flytur er svarið ein-
falt; popp.
Staðalbúnaður
Ég myndi segja að fatastíllinn
minn sé mjög misjafn. Ef ég sé
flott föt þá tékka ég á þeim. Ég
versla kannski mest í Gallerí
Sautján og Urban. Oftast kaupi
ég mér flottar peysur, skyrtur
eða skó. Ég á nokkur pör af
skóm, Converse og nokkra
Nike. Ég reyni að halda fjöl-
breytni.
Hugbúnaður
Um þessar mundir er ég mikið
að einbeita mér að plötunni og
redda hlutum í kringum hana
þannig að ég hef ekki mikinn
lausan tíma. Venjulega er ég
bara að tjilla með félögunum
og gera eitthvað skemmtilegt.
Við spilum stundum FIFA
eða eitthvað álíka. Ég á það
til að horfa á sjónvarpið og er
mikið fyrir þætti. Ég er búinn
að taka Breaking Bad og
Big Bang Theory. Svo verða
Friends alltaf klassískir. Ég fer
líka oft í bíó með strákunum
en hef lítið komist undanfarið
út af plötunni.
Vélbúnaður
Ég keypti mér iPhone 5 í
sumar og hann er alveg ómiss-
andi. Ég er kannski of mikið
í honum ef eitthvað er. Ég er
fastur á Facebook alla daga og
er nýbyrjaður á Instagram. Ég
stofnaði Twitter-aðgang en á
enn eftir að virkja hann. Svo er
ég með iMac heima, ég er svo-
lítill Apple-fanboy. Fyrir utan
FIFA spila ég Grand Theft
Auto og keypti GTA 5 strax og
hann kom út. Ég er reyndar að
reyna að takmarka það hvað
ég spila hann því maður getur
fest í honum heilu dagana.
Aukabúnaður
Uppáhaldsmaturinn minn er
pítsa, ég borða kannski of mik-
ið af henni. Alla vega meira
en ég ætti að gera. Mér finnst
ekkert betra en Dominos, þær
eru toppurinn. Í sumar var
ég að vinna frá sjö til sjö hjá
MS og gerði lítið annað. Ég
fór bara í sumarbústaðaferðir
með vinum mínum. Svo reyndi
ég að spila körfubolta þegar
veðrið var nógu gott.
76 dægurmál Helgin 25.-27. október 2013