Fréttatíminn - 27.01.2012, Síða 30

6 vetrarfjör Helgin 27.-29. janúar 2012
É ljagangur er vetrar- og útivist-arhátíð á Akureyri sem að þessu sinni verður haldin 9. - 12. febrúar.
Hátíðin hóf göngu sína í fyrra og segir
Birkir Sigurðsson, talsmaður Éljagangs
og formaður LÍV - Landssambands ís-
lenskra vélsleðamanna, hana afsprengi
vetrarsportsýningar sem haldin var á
Akureyri um árabil. Vilji var til þess að
stækka sýninguna og tengja betur inn í
Akureyrarbæ og hefur heldur betur tek-
ist vel til. Að hátíðinni standa nú EY-LÍV,
Akureyrarstofa, KKA Akstursíþrótta-
félag, Hlíðarfjall, Skíðafélag Akureyrar,
Vetraríþróttamiðstöð Íslands og Ung-
mennafélag Akureyrar ásamt öllum þeim
veitingastöðum og verslunum sem útbúið
hafa sérstaka matseðla eða undirbúið
uppákomur í tengslum við hátíðina.
Éljagangur verður settur 9. febrúar á
Ráðhústorginu þar sem risastór snjókarl
mun bjóða gesti velkomna. Fastur liður
er Vetrarsportsýning EY-LÍV í Boganum
dagana 11.-12. febrúar og er hún stærri
en nokkru sinni áður. Á sýningunni verða
sem fyrr söluaðilar vélsleða og búnaðar
tengdum sleðamennsku og útivist ásamt
ýmsum græjum fyrir jeppaáhugafólk.
Einnig bætast við söluaðilar skíða- og
brettabúnaðar, en þeir munu sýna og selja
allt það nýjasta í sportinu. Sýningin verð-
ur því mjög fjölbreytt og vonast er til að
hún höfði til allra þeirra sem hafa áhuga á
vetrarsporti og útivist að vetrarlagi.
Aðrir viðburðir á Éljagangi eru til
dæmis snjósleðaspyrna og ískrosskeppni,
troðaraferðir á Kaldbak, snjóþrúgugöng-
unámskeið og skautadiskó. Fjölmargir
ferðaþjónustuaðilar á Norðurlandi eru
einnig þessa dagana að skipuleggja
áhugaverðar ferðir tengdar vetrarútivist
og upplýsingar um þær ásamt dag-
skrá hátíðarinnar er hægt að nálgast á
síðunni www.eljagangur.is <http://www.
eljagangur.is> .
Að sögn Birkis kemur fólk allstaðar af
landinu til að vera með. Aðstandendur há-
tíðarinnar stefna einnig að því að kynna
hátíðina fyrir erlendum ferðamönnum á
næstu árum. „Þetta er fjölskylduhátíð og
allir vinna saman að henni. Hér er mikil
ónýtt vetrarparadís sem okkur finnst
nauðsynlegt að koma á kortið bæði hjá Ís-
lendingum og erlendum ferðamönnum“.
Akureyri risAstór snjókarl býður gesti velkomna
Vetrar- og útivistar-
hátíðin Éljagangur 2012
Vetrarsport er árviss hátíð á Akureyri í byrjun febrúar.
Árleg snjósleðaspyrna KKA á vetrar- og útivistarhátíðinni
Éljagangi 2012 verður haldin föstudaginn 10. febrúar. Hún
mun að þessu sinni fara fram á túninu við umboð Toyota á
Akureyri. Þar etja kappi helstu sleðamenn landsins á glæsi-
legum sleðum og er búist við að tilþrifin verði mikil að vanda.
Fjörið hefst kl. 18 með brettasýningu og -keppni SKA en kl.
20 mæta snjósleðamenn til leiks. Búist er við heimsfrægum
snjóbrettamönnum til landsins sem sýna munu listir sínar þar.
Snjósleðakeppnin í ár verður með breyttu sniði. Birkir
Sigurðsson, talsmaður hátíðarinnar, mun ásamt fleiri góðum
mönnum byggja snjóbretta- og snjósleðaspyrnubraut við
þjóðveginn þar sem keppt verður á upplýstri braut. Það er
ekki oft sem tækifæri gefst til að sjá slíkan viðburð en hann er
þó árlegur á Éljagangi á Akureyri. Á heimasíðu hátíðarinnar
er fólk hvatt til að mæta tímanlega vegna mikilla vinsælda
keppninnar. Aðstandendur Éljagangs hafa, í samstarfi við
lögregluna á Akureyri, fengið leyfi til að loka smá kafla af
þjóðvegi 1 meðan á keppninni stendur en að sjálfsögðu verður
hægt að komast leiðar sinnar eftir hjáleiðum. „Það eru allir
á fullu að útbúa pallana og keyra snjó í brautina enda er
undirbúningur fyrir hátíð sem þessa gríðarlegur. En þegar
allir leggjast á eitt þá er hægt að gera stóra hluti, þetta er við-
burður á heimsmælikvarða,“ segir Birkir og bætir við að þeir
hafi á árum áður stundum lent í
því að hafa ekki nægilegan snjó í
brautina en þá hafi snjórinn bara
verið sóttur upp í fjall og keyrður
á staðinn.
Aðspurður um umfang vél-
sleðasportsins á Íslandi segir
Birkir það fara vaxandi hér á
landi um þessar mundir og sífellt
sé að bætast í hóp meðlima LÍV.
Hann segir að gríðarlegur vöxtur
sé einnig í brettasporti, bæði
meðal stráka og stelpna: „Að
upplifa náttúruna á góðum degi á
vélsleða eða bretti er engu líkt.“
Snjósleðaspyrna og
brettakeppni á Akureyri
– þjóðvegi 1 lokað fyrir herlegheitin.