Fréttatíminn - 30.03.2012, Blaðsíða 49

Bls. 9
Níu næringargildi
Stundaðu hreyfingu og mundu
að hvíld er ekki síður mikilvæg
• Hreyfðu þig a.m.k. þrisvar sinnum í viku
• Gefðu þér tíma til að slaka á og njóta augnabliksins
• Reglulegur svefn gerir kraftaverk
Líkaminn er skapaður til að hreyfa sig en ekki endilega í þríþraut! Hann vill láta reyna
á púls og takast á við líkamlega áreynslu. Brennsla og lyftingar út frá hreyfingum sem
okkur eru eðlilegar er best, eins og að hlaupa, synda, róa, lyfta, ýta frá okkur, toga eða
hoppa. En jafnvægið verður að koma á móti, t.d. í gegnum teygjur, slökun, jóga og
hugleiðslu.
Taktu bætiefni sem henta þér
til viðbótar við hollt og gott mataræði
• B- vítamín – fyrir orku og góðar taugar
• D3 vítamín – fyrir ónæmiskerfið, þyngdarstjórnun, bólgur og skap
• Omega-3 fiskiolíu – fyrir heila, minni, hjarta og bólgur
• Q-10 – fyrir orku, andoxun og húð
• Magnesium citrate – fyrir vöðva, taugar og góðan svefn
• Góð fjölvítamín – fyrir allt og til að ýta undir góðan lífsstíl
• Andoxunarefni t.d. Alpha Lipoic Acid – fyrir æskuljóma og orku
• C-vítamín – fyrir andoxun sem vinnur m.a. á bólgum
• Ofurfæði – inniheldur náttúruleg bætiefni, t.d. andoxunarefni, fítókemísk
efni og góðar fitusýrur
Vítamín og steinefni eru mikilvæg viðbót við gott og hollt fæði. Þau eru nauðsynleg ef þú
ert á þeim aldri þar sem vinnuálagið er sem mest og börnin taka sinn skerf af orkunni,
en einnig í skammdeginu og þegar aldurinn færist yfir. Ofurfæði inniheldur meira magn
af næringarefnum en önnur fæða. Ýmsar tegundir af ofurfæði vaxa á Íslandi, t.d. bláber,
tómatar, fjallagrös, njóli, arfi, fíflar, hvönn, þari og villtur lax. Einnig er í boði fjölbreytt úrval
af erlendu ofurfæði t.d. maca rót og acai- og gojiber. Allt ofufæði vinnur á bólgum og
stuðlar að góðri orkumyndun og hormónajafnvægi.
Berum virðingu fyrir okkur sjálfum,
umhverfi okkar og náttúrunni
• Hlustum á líkamann og hugsum um það sem við setjum ofan í okkur
• Berum virðingu fyrir tilfinningum og sjónarmiðum okkar sjálfra og annarra
• Verum meðvituð um neyslu okkar
• Veljum vörur sem eru framleiddar í sátt við menn, dýr og náttúruna
• Nýtum mat og aðrar vörur sem við kaupum betur
• Endurvinnum eftir bestu getu
Virðing og meðvitund er mikilvægasta næringargildið. Hvort sem það er líkaminn,
tilfinningar, fólkið í lífi okkar, heimili okkar eða landið sjálft. Móðir Jörð fóstrar okkur á
meðan við erum hér og við berum ábyrgð á að skila henni til barna okkar heilbrigðri og
orkuríkri svo að þau njóti vel af ávöxtum hennar. Endurlífgum einnig gömlu húsmóður-
gildin eins og skynsamleg og holl innkaup og nýtni.
7
8
9
Þorbjargar Hafsteins
Myndin er af
forsíðu nýrrar bókar
Þorbjargar sem kemur út
10. apríl. Þorbjörg heldur
þrjú spennandi námskeið
í LIFANDI markaði í apríl.
Nánari upplýsingar á
www.lifandimarkadur.is