Fréttatíminn - 30.03.2012, Blaðsíða 68

52 fermingar Helgin 30. mars-1. apríl 2012
 Gréta Salome StefánSdóttir
Fékk biblíu fiðluleikara í fermingargjöf
É g tók ferminguna mína mjög alvarlega,“ segir Gréta Salome Stefánsdóttir, fiðlu-leikari, sem samdi og flytur framlag
Íslands til Eurovision í Aserbaídsjan 2012.
„Dagurinn er mér mjög minnsstæður, hann var
ofsalega fallegur og hátíðlegur, yndislegt veður
og vor í lofti. Ég fermdist 20. apríl árið 2000, á
skírdag sem einnig var sumardagurinn fyrsti
það árið. Ég er mjög trúuð og var fyrir löngu
búin að ákveða að ég vildi fermast. Veislan, sem
haldin var í KFUM-húsinu að Holtavegi, var
mjög stór og mikill undirbúningur sem fylgdi
henni. Það sem er mér kannski minnisstæðast
eru öll fallegu smáatriðin. Við vorum til dæmis
með löng hvít kerti á hverju borði sem pabbi
minn hafði skreytt með semalíu-steinum. Það
kom ofsalega fallega út.“
Gréta Salome spilaði sjálf í fermingunni og
segir hún að áhersla hafi verið lögð á að fá fólk
úr tónlistinni til að koma fram og spila. Þar
á meðal var fiðlukennari Grétu Salome, Lilja
Hjaltadóttir, sem kom fram ásamt manninum
sínum, Kristni Erni Kristinssyni píanóleikara.
Einnig stigu nokkrir fjölskyldumeðlimir og
kennarar hennar á stokk og gáfu Grétu Salome
heilræði. „Ég vildi sjálf að áhersla væri lögð á
þýðingu fermingarinnar, þennan trúarlega þátt.
Ég var til dæmis ekki máluð því mér fannst það
ekki við hæfi en fór nú samt sem áður í hár-
greiðslu og myndatöku. Myndirnar týndust
reyndar en það var ekkert mikið sorgarefni,“
segir Gréta Salome og hlær. Hún bætir því við
að hún hafi fengið margar fallegar gjafir. „Mér
er sérstaklega minnisstæð ein gjöf en það var
sú sem ég fékk frá Lilju Hjaltadóttur, fiðlukenn-
aranum mínum. Gjöfin var nótnabók sem er
eins og biblía fyrir fiðluleikara. Hún heitir Sex
partítur og sónetur og er eftir J.S. Bach. Mér
fannst það mikill áfangi að fá þessar nótur, svo-
lítið eins og að vera tekin í fullorðinna manna
tölu í tónlistinni.“
lífið er ferðalag
ÍS
LE
N
SK
A
SI
A
.I
S
U
TI
5
90
49
0
3/
12
Tilboð 16.990 kr.
HigH Peak Nevada
Þriggja manna tjald með fortjaldi.
Vatnsheldni: 2.000 mm.
Þyngd: 3.980 g.
Verð áður: 19.990 kr.
Tilboð 14.990 kr.
TNF aleuTiaN
Hentugur til notkunar sumar, vor
og haust.
Þyngd 1.545 g.
Þolmörk -5°C.
Verð áður: 19.990 kr.
úrVal fermingargjafa Á frÁBÆrU VerÐi
Tilboð 18.990 kr.
HigH Peak TraNgo 65
Vandaður og traustur bakpoki
með góðu burðarkerfi.
Þyngd: 1.850 g.
Verð áður: 23.990 kr.
Tilboð 29.990 kr.
HigH Peak viPer 1400
Vandaður léttur dúnsvefnpoki.
Þolmörk: -6°C.
Þyngd: 1.275 g.
Þriggja árstíða.
Verð áður: 39.990 kr.
NÁÐU ÁRANGRI. ÚTILÍF – HOLTAGÖRÐUM. GLÆSIBÆ. KRINGLUNNI. SMÁRALIND. WWW.UTILIF.IS