Fréttatíminn - 30.03.2012, Qupperneq 58

Með kosningunum er komið til móts við æ háværari kröfur um aukið
íbúalýðræði. Mjór er mikils vísir. Meira hlýtur að fylgja í kjölfarið.
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri: Teitur
Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
K
Kjósendur kvarta gjarna undan því að
stjórnmálamenn séu lítt eða ekki sjáan-
legir nema á fjögurra ára fresti, í tiltölu-
lega stuttan tíma fyrir kosningar. Þá sé
rykið dustað af stefnumálum og ýmsu
lofað sem til framfara gæti horft og verið
til hagsbóta fyrir þá sem með valdið fara
á kjördag. Að kosningum loknum taki
hins vegar við plott og launráð kjörinna
fulltrúa. Því sé lítt hægt að
sjá fyrir hvaða stefna verður á
endanum ofan á, hvaða mál nái
fram að ganga og hvaða loforð
verði efnd.
Á ýmsu getur síðan gengið
þegar til þjónustunnar kemur
í þágu fólksins og ef lesa má
í bókun fulltrúa í bæjarráði
Kópavogs, næststærsta sveitar-
félags landsins, virðist sundur-
lyndi og þras koma í veg fyrir,
eða tefja, þau mál sem bæjarfulltrúar
ættu að sinna í þágu umbjóðenda sinna,
hvort heldur þeir eru í meiri- eða minni-
hluta hverju sinni. Í bókun Hafsteins
Karlssonar, bæjarfulltrúa í minnihluta,
segir meðal annars: „Sá bragur sem ríkt
hefur í bæjarstjórn Kópavogs um langa
hríð er til vansæmdar fyrir Kópavog. Oft
og tíðum líður málefnaleg umræða á bæj-
arstjórnarfundum og í fjölmiðlum fyrir
persónulegt skítkast, brigslyrði, dylgjur
og tilhæfulausar ásakanir. Óeining er
um hvernig á að haga afgreiðslu mála
og mikill tími fer í þras um slíkt. Þessi
ómenning dregur bæði kjark og gleði úr
bæjarfulltrúum, en allir vita að til þess
að ná góðum árangri í starfi er ánægjan
afar mikilvægur þáttur. Jafnframt er hún
algjörlega á skjön við siðareglur sem
bæjarstjórn hefur sjálf sett sér. Undirrit-
aður leggur því til að allir bæjarfulltrúar
leggi sig fram og komi fram af virðingu
hver við annan. Jafnframt að hópur bæjar-
fulltrúa fái það hlutverk að koma með til-
lögur um vinnulag og vinnubrögð bæjar-
stjórnar.“ Undir þetta taka flokksforingjar
þeirra þriggja flokka eða lista sem með
meirihlutavald fara í Kópavogi. Fróðlegt
verður því að fylgjast með því hvort brag-
arbót verður á í þessu stóra nágranna-
sveitarfélagi höfuðborgarinnar.
Eflaust gengur á ýmsu í borgarstjórn
Reykjavíkur, ekki síður en í Kópavogi,
orðræða sem flokka má undir skítkast,
brigslyrði, dylgjur og tilhæfulausar ásak-
anir. Þess ber þó að geta sem vel er gert
þar á bæ og er vottur um það að stjórn-
málamenn leiti til íbúa oftar en á fjögurra
ára fresti, í aðdraganda kosninga. Í gær,
fimmtudag, hófust rafrænar íbúakosning-
ar í borginni sem standa fram yfir mið-
nætti næstkomandi þriðjudags, 3. apríl.
Kosið verður um 180 verkefni í einstökum
hverfum borgarinnar, verkefni sem ætlað
er að fegra og bæta hverfin. Kostnaður
við verkefnin er mismunandi en fjár-
munum er úthlutað til hverfanna með
hlutfallsreikningi eftir íbúafjölda, eins og
fram kom í Fréttatímanum nýverið. Borg-
arbúar mega kjósa í hvaða hverfi sem er
en aðeins í einu. Flestir kjósa því væntan-
lega í eigin hverfi en geta til dæmis kosið
um verkefni í miðborginni, stað sem
flesta varðar. Þau verkefni sem fá mest
fylgi í íbúakosningunum, þá daga sem í
hönd fara, munu koma til framkvæmda í
sumar en Reykjavíkurborg leggur til 300
milljónir króna úr svokölluðum hverf-
apottum í verkefnin.
Með hinum rafrænu íbúakosningum,
sem eru í senn öruggar hvað persónu-
upplýsingar varðar og einfaldar fyrir
kjósendur, stíga borgaryfirvöld skref í átt
til valddreifingar. Með kosningunum er
komið til móts við æ háværari kröfur um
aukið íbúalýðræði. Mjór er mikils vísir.
Meira hlýtur að fylgja í kjölfarið. Þessi
leið er farsælli en skítkast, brigslyrði og
dylgjur á fulltrúafundum.
Álits íbúa leitað oftar en á fjögurra ára fresti
Mjór er mikils vísir
Jónas Haraldsson
jonas@frettatiminn.is
Í slendingar hafa að undanförnu horft á eftir mörgum tækni- og hugverka-fyrirtækjum til útlanda. Ef ekki verða
verulegar breytingar í efnahagslífi landsins
eigum við á hættu að verða að láglauna-
svæði í frumframleiðslu og hefðbundn-
um lágtækniiðnaði. Þess vegna er mikil-
vægt að gaumgæfa vandlega aðra kosti í
efnahagsmálum sem geta tryggt örugg-
ara rekstrarumhverfi og stöðuga mynt.
Flokkur jafnaðarmanna hefur lagt áherslu
á þessi atriði og gegnir aðildarumsókn að
ESB þar lykilhlutverki.
Kvikmyndagerð í sókn
Með aðild að ESB er hægt að styðja
betur við hugverkaiðnaðinn sem verður
helsti vaxtarsproti íslensks atvinnulífs
næstu árin. Atvinnugreinin hefur næstum ótakmark-
aða vaxtarmöguleika hér á landi, öfugt við aðrar út-
flutningsgreinar okkar sem byggjast á takmörkuðum
auðlindum. Þannig eru engar atvinnugreinar jafn vel í
stakk búnar til að fjölga vel launuðum störfum sem eru
eftirsótt hjá ungu fólki.
Kvikmyndagerð er dæmi um hugverkaiðnað sem
hefur mikla möguleika. Árleg velta hans hefur aukist
mikið á undanförnum árum og eru tekjur ríkisins af
kvikmyndagerð margfalt meiri en framlag ríkisins í
kvikmyndasjóð og til endurgreiðslu á framleiðslukostn-
aði. Fjárfesting í kvikmyndagerð hefur þannig mjög
góða ávöxtun. Í dag starfa um 750 manns í kvikmynda-
gerð á Íslandi en til samanburðar má nefna að um 2.000
manns starfa hér í álverum.
En kvikmyndagerð á Íslandi skilar ekki bara eftir-
sóttum störfum eða veltu. Óbein áhrif
kvikmyndagerðar eru umtalsverð því kvik-
myndir og sjónvarpsefni eru öflug tæki til
landkynningar, til eflingar ferðaþjónustu
og til sölu á íslenskum vörum. Þannig sýna
rannsóknir að kvikmyndir og sjónvarps-
þættir hafa mikil áhrif á ákvörðun útlend-
inga um að ferðast til landsins.
Stóriðja í skapandi hugsun
Ef stjórnmálamönnum er alvara með yfir-
lýsingum sínum um að efla innlendan hug-
verka- og tækniiðnað verða þeir að hlusta
eftir áherslum fyrirtækja í þeim geira þegar
þau kalla eftir aðild að ESB og nýrri mynt.
Annars er „vilji“ til að skapa fyrirtækjun-
um heilbrigt rekstrarumhverfi aðeins orðin
tóm. Ferðaþjónusta, landbúnaður og sjáv-
arútvegur munu ekki geta skapað næg störf á næstu
árum. Ef við viljum að ungt fólk festi rætur á Íslandi
verðum við að skapa þessum fyrirtækjum góð starfs-
skilyrði á Íslandi. Til þessara fyrirtækja ætlum við að
sækja störfin og þangað ætlum við að sækja verðmæt-
in til útflutnings. Nú þegar hagur ríkissjóðs styrkist
skapast grundvöllur fyrir frekari stuðningi við íslenska
kvikmyndagerð. „Stóriðjuuppbygging“ Íslendinga á að
grundvallast á því að auka verðmætasköpun og fjölga
áhugaverðum störfum án þess að ganga á takmörkuð
gæði náttúru og auðlinda. Sókn á sviði kvikmyndagerð-
ar og í öðrum skapandi greinum rímar þannig við aðra
möguleika, svo sem í matvælaframleiðslu og ferðaþjón-
ustu. Áherslur okkar í atvinnumálum næstu ára eiga
að liggja á sviðum þekkingar og hátækni og þar gegnir
skapandi hugsun lykilhlutverki.
Kvikmyndagerð
Hvers konar atvinnulíf?
Magnús Orri Schram
þingmaður Samfylkingar-
innar
Fékkstu ekki
Fréttatímann
heim?
Fréttatímanum er dreift á öll heimili á höfuðborgarsvæðinu.
Ef þú fékkst ekki blaðið heim, láttu okkur þá vita með
tölvupósti á dreifing@frettatiminn.is
Sjáðu blaðið líka á frettatiminn.is
42 viðhorf Helgin 30. mars-1. apríl 2012