Fréttatíminn - 11.05.2012, Síða 39

Helgin 11.-13. maí 2012 grilltíminn 7
Þ að kemur tár á hvarm grillguðanna í hvert sinn sem notaður er álpappír til að grilla mat úti. Vissulega er álpappír þarfaþing og frábær
til þess að gufusjóða grænmeti eða annað í eigin
safa. En margir lifa í þeirri blekkingu að álpappír sé
ómissandi á grillið hvort sem elda á steik eða kart-
öflu. Þeir vilja meina að maturinn brenni síður og
þar fram eftir götunum. Sannleikurinn er hins vegar
sá að matur brennur allt eins í álpappír auk þess að
þegar grillið er tekið fram viljum við reykinn, brún-
ar rendur og allt hitt sem fylgir því að elda mat úti.
Auðvitað án þess að rústbrenna hann. Þess vegna
er svo mikilvægt að tileinka sér kúnstina að grilla
við beinan og óbeinan hita. Alveg sama hvort notast
er við gas-eða kolagrill. Með óbeinum hita er átt
við að elda mat ekki yfir loganum. Ef það sem grilla
skal hitnar ekki í gegn á þremur til fimm mínútum
á hvorri hlið þarf að elda það fyrst yfir loganum og
færa það svo yfir á annan stað í grillinu þar sem
loginn er ekki undir og loka svo grillinu. Þar
með er búið að gera útiofn sem sér um
að elda matinn í gegn án þess
að brenna
hann.
Á uppskerutíma er maisstöngull svo gott
sem sérhannaður á grillið frá náttúrunnar
hendi. Þá er ekki verið að tala um frosna
stöngla í poka (þótt þeir séu ágætir líka)
heldur ferska stöngla sem enn eru í hýð-
inu. Stöngullinn kemur beinlínis vafinn inn
í grillumbúðir sem koma algerlega í veg
fyrir að hann brenni. Slíka skal grilla yfir
eldinum við miðlungshita í 25-30 mínútur,
löðra svo í smjöri og kaffæra þá stöngulinn
í ostdufti blönduðu með mexíkósku kryddi
og háma í sig safarík og fersk kornin. Ef
enginn er ferskur stöngullinn í búðinni en
löngunin í stöngul er öllu sterkari er bara
að afþíða einn frosinn og grilla hann í 10-15
mínútur. Passa að snúa honum reglulega
og láta hann svo vaða í smérið og áður-
nefnda kryddblöndu.
Félag íslenskra teiknara stóð fyrir Íslensku
hönnunarverðlaununum sem veitt voru nú á
dögunum. Í flokki umbúða og pakkninga var
hönnun á Viking Classic-bjórnum veitt sérstök
viðurkenning.
Classic bjórinn hefur meiri fyllingu og dekkri
lit en hinn hefðbundni ljósi lagerbjór, bruggað-
ur úr pilsner-malti en að auki eru í honum þrjár
gerðir af dekkra malti sem gefa örlítið sætu-
kenndan karamellukeim í bragðið. Hann er létt
humlaður með væga beiskju sem leyfir maltinu
að njóta sín.
Sigurður Oddsson hannaði umbúðirnar sem
hafa ekki síður vakið athygli. „Umbúðirnar eru
innblásnar af Art Deco-stíl og vísa í gamlan
tíma.“, segir Sigurður en hann vinnur sem hönn-
uður á auglýsingastofunni Jónsson & Le’macks.
Víking Classic fæst í vínbúðum ÁTVR í Skeif-
unni, Kringlunni og Heiðrúnu á Stuðlahálsi auk
nokkurra vínbúða á landsbyggðinni.
Álið er ekki
alltaf málið
Fullkominn grillstöngull
Víking Classic fær viðurkenningu