Fréttatíminn - 01.06.2012, Síða 34

2 STYRKTARFÉLAG LAMAÐR A OG FATLAÐR A − AFMÆLISRIT 60
ÁRA
SLF
1. júní 2012
Að ala upp barn er krefjandi verk-
efni. Flestum börnum fylgir að
minnsta kosti 18 ára ábyrgð. Sum
fara frá okkur áður en þeim aldri
er náð en önnur þurfa jafnvel lífs-
tíðarábyrgð; börn sem fæðast fötluð
eða hafa sjúkdóma sem gera það að
verkum að verkefnið uppeldi og um-
önnun fær aðra merkingu en felst
í hefðbundnum skilningi orðsins.
Einnig verða börn fyrir slysum eða
fá sjúkdóma á ábyrgðartímanum
sem breyta uppeldisskilyrðunum.
Afrískt máltæki segir: „Það þarf
heilt þorp til að ala upp barn“ – í því
felst ákveðinn sannleikur sem vísar
til ábyrgðar samfélagsins á uppeldi
barna. Þegar barn þarf aukna að-
stoð við að bæta færni sína í leik og
starfi til að geta þroskast og dafnað
og notið lífsins er gott að búa í sam-
félagi sem hefur byggt upp þjónustu
fyrir þessi börn.
Styrktarfélag lamaðra og fatl-
aðra, sem stofnað var af framsýnu
fólki þann 2. mars 1952, hefur í 60
ár sinnt því hlutverki að styðja og
styrkja við fjölskyldur fatlaðs fólks
til þess að auka færni og lífsgæði.
Allar götur síðan hefur félagið leit-
ast við að vera vakandi fyrir nýjung-
um á sviði þjálfunar og hugmynda-
fræði með það að leiðarljósi að auka
lífsgæði barna með skerta færni og
virkni þeirra í samfélaginu eins og
mögulegt er. Auk þess hefur félagið
sinnt þjálfun hreyfihamlaðra sem
eru orðnir eldri en 18 ára og boðið
upp á sérstaka þjálfun fyrir fólk með
Parkinson-sjúkdóm.
Félagið rekur Æfingastöðina
sem er miðstöð þjónustu og þekk-
ingar í hæfingu- og endurhæfingu
fyrir börn og ungt fólk. Starfsfólk
hennar leggur metnað sinn í að
skipuleggja úrræði fyrir notendur
stöðvarinnar með það markmið í
huga að efla þá og styrkja til fram-
tíðar. Daglega kemur á stöðina fjöl-
breyttur hópur sem fær þjálfun,
örvun og ráðgjöf sem miðar að því
að draga fram styrkleika hvers og
eins, viðhalda þeirri færni sem er
til staðar og þjálfa upp nýja færni.
Starfsfólk Æfingastöðvarinnar legg-
ur ríka áherslu á samstarf við aðra
sem koma að þjónustu við notend-
ur í samvinnu við þá og fjölskyldur
þeirra.
Félagið hefur rekið sumarbúðir
í Reykjadal í Mosfellsbæ frá árinu
1963 en félagið rekur einnig sumar-
búðir í samstarfi við Foreldra- og
styrktarfélag Klettaskóla. Þær hafa
undanfarin ár verði starfræktar að
Laugalandi í Holtum en verða nú
í ár í Barnskólanum á Eyrabakka
og Stokkseyri. Sumarbúðirnar hafa
ætíð notið mikilla vinsælda og eru
ekki síður mikilvægar í samfélagi
dagsins í dag en þær voru þegar þær
voru stofnaðar. Undanfarin ár hefur
aukin áhersla verið lögð á að börn
með sérþarfir stundi nám í sínum
heimaskóla í stað þess að fara í sér-
skóla. Þetta er jákvæð þróun í átt
til betra samfélags þar sem allir fá
að lifa og starfa saman á eigin for-
sendum. Til að virðing, vinskap-
ur og væntumþykja geti skapast á
milli barna óháð fötlun þurfa þau
að umgangast hvert annað í samfé-
lagi dagsins og því er nauðsynlegt
að skólar hafi faglega burði til að
taka á móti öllum nemendum sem
tilheyra þeirra hverfi óháð fötlun.
En fötluð börn þurfa líka að fá tæki-
færi til að kynnast hvert öðru og þar
koma sumarbúðirnar sterkar inn. Í
sumarbúðunum hefur myndast vin-
skapur á milli barna sem búa vítt og
breytt um landið. Vinskapur sem er
þeim dýrmætur og endist jafnvel
alla ævi. Stjórn Styrktarfélags lam-
aðra og fatlaðra hefur hug á því að
geta aðstoðað fötluð börn sem sækja
hefðbundnar sumarbúðir með við-
eigandi hætti. Vonandi verður það
að veruleika í nánustu framtíð.
Til að halda úti starfsemi Styrkt-
arfélagsins þarf fjármuni. Æfinga-
stöðin er í dag að mestu rekin með
fjármunum sem fást með samn-
ingi við Sjúkratryggingar Íslands
en auk þess leggur félagið til fjár-
magn sem fæst með fjáröflunum og
gjöfum. Reykjadalur er í dag með
samning við Jöfnunarsjóð sveitarfé-
laga. Einnig leggja flest sveitarfélög
fram jafn háa fjárupphæð og þátt-
takendur greiða fyrir sumardvölina.
Þrátt fyrir það vantar verulega upp
Útgefandi: Styrktarfélag lamaðra og fatlaðra  www.slf.is  Ábyrgð: Vilmundur gíslason og bryndís Snæbjörnsdóttir  ritStjórn: berglind Sigurgeirsdóttir
blaðamenn: margrét lilja Vilmundardóttir og berglind Sigurgeirsdóttir  ljóSmyndir: Þröstur Már Bjarnason, Bjarki Guðmundsson og fleiri
forSíðumynd: alexander breki auðarson og auður Ösp Valdimarsdóttir  auglýSingar: Steinunn Hreinsdóttir  Útlit og umbrot: Helgi Hilmarsson
Það þarf heilt þorp
til að ala upp barn
á að endar nái saman. Haustið 2010
tóku starfsmenn Reykjadals sig
saman og hófu söfnun undir heitinu
,,Lengi lifi Reykjadalur“. Tryggðu
þeir með þeirri söfnun að ekki þurfti
að skerða þjónustu haustið 2010 og
árið 2011. Um þessar mundir er
félagið með Reykjadalshappdrætti
sem ætlað að styðja við rekstur sum-
ardvalarinnar.
Á þeim 60 árum sem eru liðin
frá því að Styrktarfélag lamaðra og
fatlaðra var stofnað hefur það með
starfsemi sinni lagt uppeldi barna
og ungmenna lið með því að aðstoða
þau við að bæta færni sína í dag-
legu lífi. Félagið hefur reynt að vera
í takt við tímann hverju sinni með
því meðal annars að bæta þjónustu
þar sem við á en draga saman þegar
þjónustan er orðin almenn eða er
ekki lengur í takt við tímann. Dæmi
um þjónustu sem er orðin almenn
er rekstur leik- og grunnskóla fyrir
fötluð börn sem félagið hóf rekstur
á og ríki og sveitarfélög tók svo yfir.
Á þessum 60 árum hefur megin-
styrkur félagsins legið í því frábæra
starfsfólki sem hefur starfað fyrir
félagið á hverjum tíma. Fjöldi sjálf-
boðaliða hefur komið að uppbygg-
ingu hjá félaginu með einum eða
öðrum hætti í gegnum áratugina.
Má þar nefna Kvennadeild félags-
ins, Oddfellow regluna, Kiwanis- og
Lionsklúbba, Kvenfélagið Hringinn
auk fjölmargra einstaklinga, félaga
og fyrirtækja. Þá hefur félagið sjálft
staðið að fjáröflunum. Elsta fjáröflun
félagsins er símahappdrættið sem
verið hefur óslitið í tæp sextíu ár.
Þeir sem eldri eru muna kannski eft-
ir eldspýtustokkunum en til margra
ára fékk félagið hluta af andvirði
þeirra. Nýjustu fjáraflanir félagsins
eru Kærleikskúlan, Jólaóróinn og nú
Reykjadalshappdrættið.
Við viljum færa öllu því góða fólki
sem hefur lagt félaginu lið í gegn-
um tíðina bestu þakkir fyrir fórnfúst
og gott starf. Megi farsæld fylgja
Styrktarfélagi lamaðra og fatlaðra
um ókomin ár!
Bryndís Snæbjörnsdóttir,
formaður Styrktarfélags lamaðra
og fatlaðra
Vilmundur Gíslason,
framkvæmdastjóri Styrktarfélags
lamaðra og fatlaðra
Pistill Í tilfefni tÍmamóta
bryndís Snæbjörnsdóttir og Vilmundur gíslason.