Fréttatíminn - 01.06.2012, Síða 39

7STYRKTARFÉLAG LAMAÐR A OG FATLAÐR A − AFMÆLISRIT60
ÁRA
SLF
1. júní 2012
með mismunandi vandamál. Sum þeirra eru með
væg einkenni og önnur fleiri og erfiðari. Þessi
hreyfivandi getur gert það að verkum að börnin
falla síður inn í hóp jafnaldra sinna.
Hvað geta foreldrar gert?
Sjálfsmynd og sjálfstraust eru mikilvægir
þættir í vellíðan og framförum. Hvert barn er
einstakt og verður að taka mið af getu þeirra
og velja verkefni við hæfi sem vekja forvitni
og eru hæfilega ögrandi. Hrós og hvatning
eru mikilvægir þættir til að styrkja já-
kvæða upplifun. Þegar vel tekst til eykst
sjálfstraust og áræðni og börnin sækja
frekar í nýjar áskoranir.
Börn með hreyfiþroskaröskun eru
oft klaufsk og sem dæmi sulla þau
gjarnan niður. Mikilvægt er að hrósa
þeim þegar vel gengur í stað þess
að skamma þegar mistök verða.
Æskilegt getur verið að aðlaga
umhverfið að börnunum og
gera það eins barnvænt og
mögulegt er. Hrós skilar
sér betur en skammir.
Hægt er að gera
daglegt líf að leik og
þjálfun. Þegar klukk-
an ræður ekki för (til
dæmis um helgar)
er tækifæri til að
leyfa barninu að
spreyta sig. Hvetja þau til að klæða sig og borða sjálf. Þegar
aldur leyfir er góð þjálfun fyrir börn að smyrja brauð, hella
í glas, leggja á borð og telja hvað eru margir sem ætla að
borða. Með þessu móti þjálfast þau í eigin umsjá og verða
virkir þátttakendur og það stuðlar og góðri sjálfsmynd og
eflir sjálfstraust.
Grunnur framfara í hreyfiþroska er hreyfing. Hreyfing efl-
ir vöðvastyrk, úthald, jafnvægi og líkamsvitund. Börn með
hreyfiþroskaröskun þurfa oft meiri örvun en jafnaldrar til að
ná tökum á nýrri færni, mikilvægt er að hvetja þau til útiveru
og hreyfingar. Gott að hafa í huga að æfingin skapar meistar-
ann. Góð þjálfun er til dæmis að leika á leikvelli, ganga í leik-
skólann eða skólann og hjóla á öruggum svæðum. Sundferð-
ir og útivera með fjölskyldunni er frábær leið til að styrkja
barnið og fjölskylduböndin og eiga gæðastundir saman.
Hvert skal leita ef grunur leikur á hreyfiþroskaröskun?
Sjúkraþjálfarar og iðjuþjálfar meta hreyfiþroska barna;
sjúkraþjálfarar grófhreyfiþroska og iðjuþjálfar fínhreyfi-
þroska. Á Æfingastöðinni starfa þessar fagstéttir og þar fer
fram viðamesta sjúkra- og iðjuþjálfun barna á landinu. Hægt
er að fá mat á hreyfiþroska barns gegn beiðni frá lækni.
Framhald er ákveðið með hliðsjón af færni og þörfum barns-
ins og fundið út hvað hentar því best í samráði við foreldra.
Mikilvægt er að vera í góðum samskiptum við leikskóla/
skóla og aðra sem annast barnið. Sum börn þurfa eingöngu
ráðgjöf en önnur börn koma í þjálfun á Æfingastöðina að
mati loknu. Þar fer fram bæði einstaklings- og hópþjálfun.
Hópaþjálfunin er einstaklingsmiðuð og aldursskipt og hent-
ar vel börnum sem eiga erfitt uppdráttar í stórum hópum. Í
hópunum er lögð áhersla ýmist á grófhreyfifærni, fínhreyfi-
færni auk félagsfærni.
Björk Gunnarsdóttir,
sjúkraþjálfari
Elsa Sigríður
Þorvaldsdóttir, iðjuþjálfi
Jóna Þorsteinsdóttir,
sjúkraþjálfari