Fréttatíminn - 01.06.2012, Side 60

44 grilltíminn Helgin 1.-3. júní 2012
 KolastrompurÁvextir á grillið
Fleira má grilla en kjötmeti og fisk. Grænmeti getur reynst
ljúffengt af grillinu og ávextir líka. Flestar tegundir ávaxta
henta en sérstaklega má mæla með perum, ferskjum,
ananas og mangó – ávextir einstaklega vel til þess gerðir
frá skaparans hendi að fá á sig grillrendur. Ávextina má
skera í hentuga
bita, skífur eða
ræmur og setja
beint á grillið en
ef menn gefa sér
tíma til að bræða
örlítið smjör eða
kókósolíu, allt eftir
smekk, setja jafnvel
slettu af hunangi út
í, smyrja blöndunni
svo heitri á sárið
og strá sykri yfir getur þetta reynst himneskt. Grillið
ávexti við frekar háan hita í tvær til þrjár mínútur á hlið.
Grilltíminn fer þó efir þykkt skurðarins og ef sneiðarnar
eru mjög þykkar gæti þurft aukahita – þá óbeinan hita og
undir loki. Sletta af þeyttum rjóma eða ís hefur svo aldrei
skemmt fyrir, í lokin.
Laukhreinsun
Það verður bara að segjast alveg eins og er: Margur er
ekki mjög duglegur við að halda grillinu hreinu. Þetta
er auðvitað háttur slúbbertsins en kemur fyrir á bestu
bæjum. Grindinni má koma í
gang með því hita hana
vel á grillinu og bursta
hana þá með vírbursta
og strjúka svo vel yfir
með hálfum lauk.
Passa bara að það sem
fer næst á grillið þoli
örlítinn laukkeim – en
sælkerar fúlsa alla
jafna ekki við slíku.
KJÖTbúðin
GrensásvegOpið: mán-fös 10-18:30, lau 11-16, sun lOkað
mesta úrval landsins
af hambOrgurum
allir hamborgarar frá okkur innihalda
aðeins 100% hreint nautahakk
allt nautakjöt í kjötborðinu okkar
er full meirnað og tilbúið á grillið
90 gr - 140 gr - 200 gr
einnig erum við með 140 gr bacon og bbQ hamborgara, 200 gr bbQ hamborgara
og svo okkar vinsælu 140 gr lambakjöts hamborgara
Haraldur
Jónasson
hari@ frettatiminn.is
E kki er hægt að ganga um hverfið eftir vel sólbakaðan dag án þess að einhver sé að kveikja upp í sínu grilli. Því miður er
fyrsta vísbendingin sú bensínstækja sem kemur
af grillkveikivökva sem flestir nota til að koma
báli á kolin. Þetta ber náttúrulega að stöðva;
bensínbragð og lykt af því fara ekki vel saman
með rándýrri prime rib-steik.
Þá eru góð ráð dýr – eða hvað? Delúx-útgáfur
kolagrilla koma oft með innbyggðum hitara,
yfirleitt þá með gasi. Það sem einfaldast er þó
að brúka er strompa-startari. Þetta undratæki
hitar kolin upp á mettíma með því að kveikja
í, þótt ótrúlegt megi virðast, tveimur gömlum
dagblaðsopnum. Ekki er verra að góð hreinsun
getur reynst fyrir hugann að brenna leiðindum
gærdagsins á þennan hátt.
Kjötbitinn snöggsviðinn
Reyndar geta reynst fleiri not fyrir þennan ágæta
stromp en ætla mætti við fyrstu sýn því á honum
má grilla beint; hvunndags mat, pylsur eða borg-
ara – þarf passa að nota ekki of mörg kol: Ekki
einu sinni botnfylli heldur fjóra til fimm mola eða
þar um bil.
Sé kvikindið hins vegar rúmlega botnfyllt
verður til hiti sem á sér helst jafningja í yfirborði
sólar. Þann hita er kjörið að nota til
þess að snöggsvíða góðan kjötbita
en hann verður seint notaður til
þess að hægelda nokkurn
skapaðan hlut.
Til þess að grilla fanta-
góða steik á kolastrompi
þarf að passa að grindin
sem sett er ofan á
strompinn sé nógu stór
til þess að koma kjötinu í
var. Því það mun blossa upp
eldur. Snúa þarf kjötinu aðeins oftar
en góðu hófi gegnir en þar sem þetta er
ekki tækni til þess fallin að fá fallegar grillrendur
í kjötið heldur er beinlínis verið að svíða eina
stóra rönd á allt kjötið, er það í lagi.
strompagrill
Að öllum líkindum mun taka nokkrar tilraunir að
fullkomna þessa aðferð en þegar henni er náð er
líka fjör á Fróni. Í sæmilega þykka prime rib- eða
rib eye-steik þarf að elda þetta um það bil í tvær
til þrjár mínútur á hlið en aldrei fara svo mikið
sem tvo til þrjá metra frá strompnum því þá er
kominn auka kolamoli í hús.
Önnur tækni til að svíða kjöt með stromp-
inum án þess að eiga á hættu að eldurinn breyti
öllu í ösku áður en kjötið eldast er að fylgja
þeim leiðbeiningum sem sjá má hér að ofan en í
staðinn fyrir að setja steikina ofan á strompinn
er hann látinn yfir kjötbitann. Gæta þarf þess að
slá mestu öskuna af kolunum áður en
strompurinn fer ofan á. Tilvalið er að
rétt svíða ketið áður en eldamennsk-
unni er svo lokið á venjulegu grilli við
miðlungs hita undir loki.
Svo þarf væntanlega ekki að taka
fram að hvíla þarf kjötið vel áður en
hnífnum er komið í kúna.
Steikin strompuð
„Sól og grill
fara saman
eins og...
eitthvað sem
fer alveg
sérstaklega
vel saman
en ég man
ekki alveg
í augna-
blikinu hvað
er – alla
vega mjög
vel,“ segir
Haraldur
Jónasson
sem leiðir
lesendur
Fréttatímans
um ævin-
týraheima
grill-elda-
mennsk-
unnar. Hari
hefur ráð
undir rifi
hverju.