Læknablaðið - 01.02.1966, Síða 50

20
L Æ K N A B L A Ð I 1)
fyrir fámenna fundi. Þar flutti Tapani Kosonen erindi um finnska
læknafélagið og starfsemi þess. Eftir erindið voru fyrirspurnir og
umræður. Fara hér á eftir nokkur meginatriði úr erindinu og um-
ræðunum.
Starfsemi í Finnlandi eru nú um 3600 læknar, en íbúar i
finnska landinu eru um 6 milljónir, þ. e. einn læknir á 1260
læknafélagsins. íbúa, og telst það skortur á læknum. Um árið 1980
er gert ráð fyrir, að einn læknir verði á 500 íbúa.
Læknafjölgunin er um 5,3% árlega af læknatölunni. Finnskir lækna
stúdentar stunda nám við þrjá háskóla í Finnlandi, en einnig nokkuð
í Svíþjóð og Þýzkalandi.
Störfum lækna í Finnlandi er þannig háttað, að 7% stunda sjálf-
stæð störf eingöngu (prívat praxís), 80% eru í launuðum stöðum að
meira eða minna leyti sem héraðslæknar, sjúkrahúslæknar eða starf-
andi við aðrar heilbrigðisstofnanir. Læknar við sjúkrahúsin stunda
oftast jafnframt lækningar utan þeirra (almennar lækningar eða sér-
fræðistörf).
Læknafélagið hefur tekið þá stefnu að semja við hvert sveitar-
félag fyrir sig um kjör lækna, en ekki við ríkið sem heild. Læknar
telja, að með þessu móti hafi héruðin betra tækifæri til þess að koma
fram með sín sérstöku sjónarmið, betri samningar náist fyrir lækn-
ana og héruðin eigi auðveldara með að gera vel við þá lækna, sem
þau vilji hafa. Þau eru þannig að nokkru leyti gerð ábyrg fyrir því,
hvort þau fá lækna eða ekki.
Héraðslæknar vinna yfirleitt eftir gjaldskrá, sem samið er um
fyrir hvert sveitarfélag um sig, en aðrir læknar hafa enga ákveðna
gjaldskrá. Gjöld, sem almennir starfandi læknar og sérfræðingar taku,
eru alls staðar mjög lík og byggjast á samkomulagi og gagnkvæmum
upplýsingum, sem læknarnir hafa sín á milli. Læknasamtökin þurfa
yfirleitt ekki að láta þessi mál til sín taka.
Læknafélagið sér árlega um fræðsluviku fyrir almenna lækna,
og eru þar flutt erindi um margs konar efni. Einnig sýna lyfjaverk-
smiðjur og lækningatækjaverksmiðjur framleiðslu sína. Læknafélagið
kemur því þannig fyrir, að verksmiðjur, sem sýna á námskeiðinu,
bera fjárhagslegan kostnað þess.
Venjulega sækja 7—800 læknar námskeið þetta, og eru flestir
héraðslæknar eða almennir heimilislæknar utan Helsinki.
Meðan þessi námskeið standa eru gefin leyfi í öllum fyrirlestr-
um hjá elztu stúdentum í læknaskólanum í Helsinki, en þeir fara út
á land og gegna störfum fyrir þá, sem sækja læknavikuna. Héruðin
sjálf greiða allan ferðakostnað og laun þessara staðgengla, og einnig
fá hinir, sem sækja læknavikuna, ferðastyrk frá því héraði, sem þeir
starfa í.
Læknafélagið hefur um 20 manna starfslið á skrifstofu sinni, þ.
á m. eru tveir læknar og þrír lögfræðingar. Allmargar nefndir eru
starfandi á vegum félagsins og eru nöfn og starfssvið þeirra nokkuð
svipuð og nú gerist hjá Læknafélagi Reykjavikur. Nefndir félaganna
virðast aðallega starfa sem framkvæmdaráð, en öll önnur vinna er