Læknablaðið - 01.02.1966, Síða 59

L Æ K N A B L A Ð I Ð
29
fimm ár að teikna þetta hús, en tvö ár og tvo mánuði að reisa það. Þótti
öllum vel af sér vikið að reisa slíkt stórhýsi á svo skömmum tíma.
Ríkið leggur allt fé til byggingarinnar, en um rekstur spítalanna sjá
Helsinki-borg, héruðin í kring um höfuðborgina og háskólinn.
Lækna- Svo sem áður segir, efnir finnska læknafélagið til nám-
námskeið. skeiðs fyrir almenna starfandi lækna árlega. Síðdegis
þennan sunnudag var námskeið ársins 1965 sett og vorum
við gestir við þá athöfn. Námskeiðið fer fram í tækniháskólanum og
tekur læknafélagið húsnæði á leigu fyrir vægt gjald, en endurleigir
svo hluta af því fyrir sýningarsvæði lyfjaverksmiðja og lækninga-
tækjaframleiðenda.
Hafinn er undirbúningur að námskeiði þessu í maí, og eru þá
rituð bi'éf til lyfjaverksmiðja og annarra fyrirtækja, sem líklegt er,
að taka vilji þátt í sýningum á námskeiðinu. í september eða byrjun
október er síðan tekin lokaákvörðun um það, hverjir fái að setja þar
u.pp sýningar. Hverjum er úthlutað hæfilegu húsnæði eða sýningarbás
fyrir vörur sínar. Ráðinn er sérstakur framkvæmdastjóri fyrir sýn-
ingarnar og arkitekt, sem sér um fyrirkomulag sýninganna. Þarna
sýna bæði erlendir og innlendir lyfjaframleiðendur. Venjulegt verð
á sýningarsvæði eru 300 finnsk mörk fyrir fyrsta fermetra, en 150
mörk á næstu tvo, og venjulega 100 mörk á hvern fermetra þar fram
yfir. Gefin er út sérstök sýningarskrá og dagskrá fyrir læknavikuna.
Þar auglýsa læknaverksmiðjur, og kostar hver venjuleg síða í bók-
inni 400 finnsk mörk, og er það sama verð og í tímaritum finnska
læknafélagsins. Dýrasta auglýsingin í sýningarskránni kostaði 1000
mörk. Flestir þátttakendur eru þarna alla vikuna og borga 60 mörk
í þátttökugjald. Þeir, sem flytja fyrirlestra á fræðsluvikunni, fá 1000
mörk í þóknun fyrir hvern fyrirlestur.
Námskeið þessi eru vel sótt og mjög vinsæl meðal finnskra lækna.
Þátttakendur eru að jafnaði um 7000. Leiðsögumenn fylgdu okkur um
sýningarsvæðið, en erfitt var að átta sig til hlítar á lyfjasýningun-
um, þar sem allar upplýsingar voru á finnsku.
Þetta var lokaþáttur heimsóknarinnar til Helsinki og var þá um
kvöldið haldið til Stokkhólms.
Móttökur finnsku læknanna voru með ágætum og allt gert til
þess, að tíminn notaðist sem bezt og dvölin yrði okkur jafnframt sem
ánægjulegust.
SVÍÞJÓÐ.
Við komum til Stokkhólms 14. nóvember. Sænska læknafélagið,
Sveriges Lákarförbund, annaðist móttöku okkar í Svíþjóð og skipu-
lagði heimsóknir í stofnanir þess í Stokkhólmi og Uppsölum. Við rædd-
um við framkvæmdastjóra félagsins, dr. Sture Járnmark, en aðal
leiðsögumaður okkar og hjálparhella í ferðinni var starfsmaður fé-
lagsins, civilekonom Sten Övergaard, og eru flestar upplýsingar þær
er hér birtast frá honum fengnar.