Læknablaðið - 01.06.1966, Blaðsíða 22

98
LÆKNABLAÐIÐ
eiginmanni og föður liverfa út i þorrahríðina í hinztu ferð, yfir
fjörðinn til Rafnsevrar, þar sem jarðsett var. Þá var Ólafur á
áttunda ári. Ekkjan orti síðan erfiljóð eftir bónda sinn og tók
svo við sínu nýja hlutverki. Henni er lýst sem skapmikilli konu,
með höfðingslund og' hagmæltri, eins og hún átti kyn til.
Árið 1909 er Björnfríður skipuð ljósmóðir í Flateyrarhreppi
og safnar þá hörnum sínum í kringum sig þar. Árið 1914 fluttist
fjölskyldan svo til Ilafnarfjarðar. Þá fór Ólafur á sjóinn og sigldi
á togurum og flutningaskipum stríðsárin, en vann þess á milli í
landi. Eftir stríðið fór Ólafur til Danmerkur og starfaði við sjúkra-
nudd á Skodsborg Sanatorium 1921—1929, fyrst sem nemandi,
en síðan sem útlærður „pliysiotherapeut“. Samtímis stnndaði
Ólafur söng og hljómlistarnám og söng í kórum, og um tíma mun
honum hafa verið næst skapi að gera hljómlistina að aðalstarfi
sínu.
Árið 1928 tók Ólafur stúdentspróf utan skóla, þá tæplega þrítug-
ur að aldri. Ári seinna fluttist hann til Islands aftur og innritað-
ist í læknadeild Iláskólans hér haustið 1930 og útskrifaðist 1936
með 1. einkunn. Þegar að loknu kandídatsprófi var Ólafur sett-
ur héraðslæknir í Reykjafjarðarhéraði og gegndi því starfi i nærri
tvö ár, en síðan kandídatsstöðu á Landspítalanum til vors 1939.
Þá hyrjaði fyrir alvöru héraðslæknisferill Ólafs, fvrst í heima-
hvggð sinni í Bíldudalshéraði til 1948, þá i Stvkkishólmi sem
héraðslæknir og sjúkrahúslæknir til 1961 og loks í Álafoss-
héraði til dauðadags. Auk þessa námsdvöl á Landspítalanum,
gistivist, veturinn 1948—49, og árið 1959 var liann við læknis-
störf i Meistaravík í Grænlandi frá vori til hausts.
Ölafur kvæntist eftirlifandi konu sinni, Ástu Guðmunds-
dóttur, nuddlækningamanns á Eskifirði Péturssonar, 1. septem-
her 1934.
Þau eignuðust sjö mannvænleg hörn: Steinunni hjúkrunar-
konu, sem er gift Þorleifi Einarssyni jarðfræðingi, Björn kenn-
ara, kvæntur Sigrúnu Pétursdóttur, Bei’gljótu, gift Birni Péturs-
syni (hróður Sigrúnar) kennara, Baldur gjaldkera, kvæntur Maríu
Frímannsdóttur, Ragnheiði, gift Sölva Pálssyni, Jón, kvæntur
Ingihjörgu Guðmundsdóttur, og Sverri, sem dvelur hjá móður
sinni.
Með aðstoð hinnar mikilhæfn konu sinnar lókst Ólafi, þar
sem hann gegndi héraðslæknisstörfum, að eignast myndarlegt
heimili, þar sem ekkert skorti á hinn hezta heimilisbrag, en höfð-
ingsskap og gestrisni þeirra hjóna var hvarvetna við brugðið.